ಮುಲ್ಕಿ : ತಾಲೂಕುದ ಕಿಲ್ಪಾಡಿ ಗ್ರಾಮ ಪಂಚಾಯ್ತಿದ ಕಿಲ್ಪಾಡಿ ಗ್ರಾಮೊನು ಹಸಿರು ವಲಯೊರ್ದು ದೆಪ್ಪೊಡು ಪಂದ್ ಕಿಲ್ಪಾಡಿ ಗ್ರಾಮಪಂಚಾಯ್ತಿದ ಉಪಾಧ್ಯಕ್ಷೆರ್ ಗೋಪಿನಾಥ ಪಡಂಗ ಒತ್ತಾಯ ಮಲ್ತೆರ್.
ಆರ್ ಮುಲ್ಕಿ ಸ್ವಾಗತ ಹೋಟೆಲ್ ಚಾವಡಿಡ್ ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯ ಪಂಡೆರ್.
2004 ನೇ ಇಸ್ವಿರ್ದ್ 18 ವರ್ಷೊರ್ದಿಂಚಿ ಕಿಲ್ಪಾಡಿ ಗ್ರಾಮ ಗ್ರೀನ್ ಝೋನ್ ಡ್ ಉಂಡು. ನೆರ್ದಾವರ ಇಲ್ಲ್ ಕಟ್ಟುನಕಲೆಗ್ ಭಾರಿ ಕಷ್ಟ ಆವೊಂದುಂಡು. ಅವೆನ್ ಆಯಿನಾತ್ ಬೇಗ ಆ ಹಸುರು ವಲಯೊರ್ದು ಬುಡ್ಪಾವೊಡು ಪಂದ್ ಆರ್ ಪಂಡೆರ್.
ಹಸಿರು ವಲಯಡ್ ಇತ್ತಿನೆರ್ದಾವರ ಈ ಗ್ರಾಮದಕುಲು ಇಲ್ಲ್ ಕಟ್ಟಾವೊಡ್ಡ ಮೂಡಾ ಕಚೇರಿಗ್ ಪೋದು ಅವುಲು ಅನುಮತಿ ದೆತೊನೊಡಾಪುಂಡು. ಗ್ರಾಮದ ಜನಕ್ಲೆಗ್ ನೆರ್ದ್ ಭಾರಿ ಬಂಗ ಆವೊಂದುಂಡು ಪಂಡೆರ್.
ಅವ್ವತ್ತಾಂದೆ ಕಿಲ್ಪಾಡಿ ಕುಮಾರಮಂಗಿಲ ದೇವಸ್ಥಾನೊರ್ದು ಮಾನಾಡಿ ಸಂಕ ಮುಟ್ಟದ ತುದೆಟ್ಟ್ ಕೇದ್ ಕೆಸರ್ ದಿಂಜಿದ್ಂಡ್. ಅಂಚಾದ್ ಕೃಷಿ ಬೂಮಿಗ್ ಭಾರಿ ನಷ್ಟ ಆವೊಂದುಂಡು. ಗ್ರಾಮಸ್ಥೆರ್ ಅವೆನ್ ದೆತ್ತ್ ದ್ ತಾರೆದ ದೈಕ್ಲೆಗ್ ಪಾಡರೆಲ ಬುಡ್ಪುಜೆರ್. ತಹಶೀಲ್ದಾರ್ ಮುಕೇನ ಮನವಿ ಕೊರ್ಂಡಲ ಪ್ರಯೋಜನ ಆತಿಜಿ. ಅಂಚಾದ್ ಜಿಲ್ಲಾಡಳಿತ ಆಯಿನಾತ್ ಬೇಗ ನೆತ್ತ ಕೆಸರ್ ದೆಪ್ಪಾವರೆ ವ್ಯವಸ್ಥೆ ಮಲ್ಪೊಡು ಪಂದ್ ಆರ್ ಬಿನ್ನಾಪು ಮಲ್ತೆರ್.
ಅಂಚೆನೆ ಮುಲ್ಕಿ ಹೋಬಳಿಡ್ ಕಲ್ವ ತಾದಿಡ್ ಪೊಯ್ಯೆ ದೆಪ್ಪಾವುನೆನ್ ಜಿಲ್ಲಾಡಳಿತ ಉಂತಾವೊಡು. ಜನಕ್ಲೆಗ್ ಕಡಿಮೆ ಬಿಲೆಕ್ಕ್ ಪೊಯ್ಯೆ ತಿಕ್ಕುಲೆಕ ಆವೊಡು. ಮುಲ್ಕಿ ಪರಿಸರೊಡು ಕೆಲವು ಕಡೆಟ್ಟ್ ಗಾಂಜಾ ಮಾರುನೆನ್ ಉಂತಾವೊಡು ಪಂದ್ ಆರ್ ಸರ್ಕಾರೊಗು ಮನವಿ ಮಲ್ತೆರ್.
pallavi shetty 
Editorial