ಮಾರ್ಗದ ಗುಂಡಿಗ್ ಬೂರ್ದು ದೇವೆರೆ ಪಾದ ಸೇರ್ಯೆರ್ ನಿವೃತ್ತ ಯೋಧೆ

ಮಂಡ್ಯ: ನಿವೃತ್ತ ಯೋಧೆ ಒರಿ ಮಾರ್ಗದ ಗುಂಡಿನ್ ತಪ್ಪಾವರೆ ಪೋದು ಗಾಡಿರ್ದ್ ತಿರ್ತ್ ಬೂರ್ದು ತೀರ್ ಪೋತಿನ ಘಟನೆ ಮಂಡ್ಯದ ಕಾರೆಮನೆ ಗೇಟ್ ದ ಕೈತಲ್ ನಡತ್ಂಡ್.

ಎಸ್.ಎನ್. ಕುಮಾರ್ (39) ತೀರ್ ಪೋಯಿನಾರ್. ಅರೆನ ಪೊಪ್ಪನ ಒಟ್ಟಿಗೆ ಬೈಕ್‍ಡ್ ಪೋವೊಂದು ಇಪ್ಪುನಗ ಕುಮಾರ್ ಗುಂಡಿನ್ ತಪ್ಪಾಯೆರೆ ಪೋದು ಎದುರುರ್ದ್ ಬತ್ತಿನ ಬೈಕ್‍ಗ್ ಗುದ್ದುದು ತಿರ್ತ್ ಬೂರ್ದೆರ್. ಈ ಪೊರ್ತುಡು ಪಿರವುರ್ದ್ ಬತ್ತಿನ ಲಾರಿ ಮೆರೆಗ್ ಗುದ್ದುಂಡು. ಮೇರ್ ಆ ಜಾಗೆಡೇ ತೀರ್ ಪೋತೆರ್. ಮೆರೆನ ಪೊಪ್ಪ ಪ್ರಾಣಾಪಾಯರ್ದ್ ಪಾರಾತೆರ್. ಸೇನೆಡ್ ಸೇವೆ ಸಂದಾದ್ ಇಂಚಿಪ್ಪ ನಿವೃತ್ತಿ ಆಯಿನ ಮೇರ್ ಪೊಲೀಸ್ ಟ್ರೈನಿಂಗ್ ಗ್ ಪೋವೊಂದು ಇತ್ತೆರ್. ಕೋಡೆ ಸ್ವಂತ ಊರು ಸಾತನೂರು ಗ್ರಾಮಗ್ ಮೇರ್ ಬತ್ತಿನ ಪೊರ್ತುಡು ಈ ಘಟನೆ ನಡತ್ಂಡ್. ಈ ಬಗೆಟ್ ಮಂಡ್ಯ ಸಂಚಾರಿ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.