ಬೆಂಗ್ಲೂರ್: ಚಿತ್ರಾಪುರ ಶ್ರೀ ದುರ್ಗಾಪಮೇಶ್ವರಿ ದೇವಲ್ಯಡ್ ಜೀರ್ಣೋದ್ಧಾರದ ಬೇಲೆ ಆವೊಂದಿತ್ತ್ ದ್, ಸರಕಾರದ ಲೆಕ್ಕೊಡು ಅನುದಾನ ಬುಡುಗಡೆ ಮಲ್ಪರೆ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅರೆಗ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಅಂಚನೆ ಶಾಸಕೆರ್ ಡಾ. ಭರತ್ ಶೆಟ್ಟಿ ವೈ ಮೊಕುಲೆನ ಮುತಾಲಿಕೆಡ್ ಚಿತ್ರಾಪುರ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಜೀರ್ಣದ್ಧಾರ ಸಮಿತಿ ಅಂಚನೆ ಬ್ರಹ್ಮಕಲಶೋತ್ಸವ ಸಮಿತಿ ನಿಯೋಗ ಬೆಂಗ್ಲೂರ್ ಡ್ ಮನವಿ ಮಲ್ತೆರ್.
ಉಂದೆಕ್ ಸ್ಪಂದಿಸಾಯಿನ ಮುಖ್ಯಮಂತ್ರಿಲು 2 ಕೋಟಿ ರೂಪಾಯಿ ಮಂಜೂರಾತಿಗ್ ಅನುಮತಿ ಕೊರಿಯೆರ್.
ಈ ಪೊರ್ತುಡು ಸಮಿತಿದ ಸಂಚಾಲಕೆರ್ ಮತ್ಸ್ಯರಾಜ್ ಉಮೇಶ್ ಟಿ.ಕರ್ಕೇರ, ಪ್ರ.ಕಾ ಗಣೇಶ್ ಹೊಸಬೆಟ್ಟು, ಕೃಷ್ಣಶೆಟ್ಟಿ, ಪುರುಷೋತ್ತಮ್ ಎನ್.ಆರ್ ಅಂಚನೆ ಪದಾಧಿಕಾರಿಲು ಇತ್ತೆರ್.
ಸರಕಾರರ್ದ್ ಅನುದಾನ ಒದಗಿಸಾಯಿನ ಮುಖ್ಯಮಂತ್ರಿಲೆಗ್, ಸಂಸದೆರೆಗ್, ಶಾಸಕೆರೆಗ್ ಜೀರ್ಣೋದ್ಧಾರ ಸಮಿತಿ ಅಂಚನೆ ಬ್ರಹ್ಮಕಲಶೋತ್ಸವ ಸಮಿತಿದಕುಲು ಸೊಲ್ಮೆ ಸಂದೈತ ಮಲ್ತೆರ್.
pallavi shetty