ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ (ರಿ.) ದೇವಿಪುರ ಕುಡ್ಲ ಮೊಕ್ಲೆನ ಮುತಾಲಿಕೆಡ್ 25ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಉಚ್ಚಯ ಆ. 31-ಸೆ. 2 ಮುಟ್ಟ ಪದವಿನಂಗಡಿ ಶ್ರೀ ದುರ್ಗಾಕಟ್ಟೆ ಕೈತಲ್ ಇಪ್ಪುನ ಶ್ರೀ ಗಣೇಶ ಮಂಟಪಡ್ ನಡಪರೆ ಉಂಡು.
ಮೂಜಿ ದಿನಲ ಬೇತೆ ಬೇತೆ ರೀತಿದ ಧಾರ್ಮಿಕ, ಸಾಂಸ್ಕೃತಿಕ ಅಂಚನೆ ವೈದಿಕ ಕಾರ್ಯಕ್ರಮಲು ನಡಪರೆ ಉಂಡು. ಊರು ಅಂಚನೆ ಪರವೂರುದ ಜೋಕುಲು, ಜವನೆರೆಗ್ ಪಂತೊ, ಗೊಬ್ಬು ಪೂರ ನಡಪರೆ ಉಂಡು. ಸೆ. 2 ತಾರೀಕ್ ಗ್ ಬಯ್ಯ 4.30 ಗ್ ವಿಸರ್ಜನಾ ಪೂಜೆ ಆದ್ ದೇವೆರೆನ ಶೋಭಾಯಾತ್ರೆ ಆಯರೆ ಉಂಡು. ಶೋಭಾಯಾತ್ರೆ ಸರಿಯಾಯಿನ ಪೊರ್ತುಡು ಗಣೇಶ ಮಂಟಪರ್ದ್ ಪಿದಡ್ದ್ ಶ್ರೀ ದುರ್ಗಾಕಟ್ಟೆ ಎದುರುರ್ದ್ ಪೋದು ಮೇರಿಹಿಲ್ ಆದ್ ಪದವಿನಂಗಡಿ, ಬೋಂದೇಲ್, ಕಾವೂರ್ ಆದ್ ಕಾವೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಕೆರೆಟ್ ವಿಸರ್ಜನೆ ಆಯರೆ ಉಂಡು.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಣಪತಿ ದೇವೆರೆನ ಕೃಪೆಗ್ ಪಾತ್ರರಾವೊಡ್ ಪಂದ್ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಅಧ್ಯಕ್ಷೆರ್ ಬಿ. ರಘುರಾಮ ಶೆಟ್ಟಿ, ಬೊಳ್ಳೊಳ್ಳಿಮಾರ್ ಗುತ್ತು, ಗೌರವಾಧ್ಯಕ್ಷೆರ್ ಡಿ. ವಾಸುದೇವ ಕಾಮತ್, ಗೌರವ ಸಲಹೆಗಾರೆರ್ ಆಯಿನ ರವಿಪ್ರಸನ್ನ ಸಿ.ಕೆ, ಜಿ. ಪ್ರಶಾಂತ್ ಪೈ ಅಂಚನೆ ನಾಗೇಶ್ ಕುಲಾಲ್, ಲೋಕನಾಥ ಮಾರ್ಲ, ಸಂದೀಪ್ ಬೊಂದೇಲ್, ವಿಠಲ ಪೂಜಾರಿ, ಗಂಗಾಧರ ಪಚ್ಚನಾಡಿ, ನಂದಕುಮಾರ್ ಸೇರಿನಂಚನೆ ಮಾತ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
Editorial