ಭೋಪಾಲ್: ಬ್ರಾಣೆರ್‍ನ ವಿರುದ್ಧ ವಿವಾದಾತ್ಮಕ ಹೇಳಿಕೆ ಕೊರಿನ ಆರೋಪಗ್ ತನ್ನ ಹಿಂದುಳಿದ ವರ್ಗದ ನಾಯಕನ್ ಬಿಜೆಪಿ ದೆತ್ತ್ ಪಾಡ್ದ್ಂಡ್. ಗ್ವಾಲಿಯಾರ್-ಚಂಬಲ್ ವ್ಯಾಪ್ತಿದ ಬಿಜೆಪಿ ನಾಯಕೆ ಪ್ರೀತಂ ಸಿಂಗ್ ಲೋದಿ ಪಕ್ಷರ್ದ್ ಪಿದಯಿ ಬತ್ತಿನ ನಾಯಕೆ.
ಶಿವಪುರಿದ ಕರಾಯ್ ಶಾಲೆಡ್ ನಡತಿನ ಸ್ವಾತಂತ್ರ್ಯ ಹೋರಾಟಗಾರ್ತಿ ರಾಣಿ ಅವಂತಿ ಭಾಯ್ ಲೋದಿ ಮೆರೆನ ಪುಟ್ಟಿನ ದಿನಾಚರಣೆದ ಲೇಸ್ ಡ್ ಪಾತೆರಿನ ಪ್ರೀತಂ ಸಿಂಗ್ ಲೋದಿ, ಬ್ರಾಣೆರ್ ಧರ್ಮದ ಪುದರ್ ಡ್ ಜನಕ್ಲೆನ್ ಮಂಗೆ ಮಲ್ತೊಂದು ಇಪ್ಪುನ ಅತ್ತಂದೆ ಶೋಷಣೆನ್ ಕೊರೊಂದುಲ್ಲೆರ್ ಪಂದ್ ಪಂಡೆರ್.
ಭಾಷಣದ ಈ ಭಾಗ ಸಾಮಾಜಿಕ ಜಾಲತಾಣಡ್ ವೈರಲ್ ಆದಿತ್ತ್ ದ್, ಬಿಜೆಪಿ ಬೆಂಬಲಿಗೆರ್ ಪ್ರೀತಂ ಸಿಂಗ್ ವಿರುದ್ಧ ಸ್ವರ ಲಕ್ಕಾದಿತ್ತೆರ್. ಬಿಜೆಪಿ ಯುವ ನಾಯಕೆ ಪ್ರವೀಣ್ ಮಿಶ್ರಾ ಉಂದೆತ್ತ ವಿರುದ್ಧ ಪೊಲೀಸ್ ದೂರು ಕೊರ್‍ದಿತ್ತೆರ್.
ಒಂದು ವರ್ಗದ ವಿರುದ್ಧ ಹೇಳಿಕೆ ಕೊರ್‍ತಿನವ್ ಪಕ್ಷಗ್ ವಿರುದ್ಧವಾತ್ಂಡ್. ಉಂದೆನ್ ಪಕ್ಷ ಒತ್ತೊನುಜಿ ಪಂದ್ ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಭಗವಾನ್‌ದಾಸ್ ಸಬ್‌ನಾಯಿ ಪನ್ತೆರ್.
pallavi shetty