ಕಲ್ಲಡ್ಕ: ಬಸ್ ಟ್ ಪೋವೊಂದಿಪ್ಪುನಗ ರೋಡ್ ದ ಗುಂಡಿಗ್ ಬೂರ್ದು ಪ್ರಯಾಣಿಕನ ಸೊಂಟಗ್ ಪೆಟ್ಟ್

ಕುಡ್ಲ: ಬಸ್ ಟ್ ಪೋವೊಂದಿಪ್ಪುನಗ ಕಲ್ಲಡ್ಕ ರಾಷ್ಟ್ರೀಯ ಮಾರ್ಗಡ್ ಬಸ್ ದ ಗುಂಡಿಗ್ ಬೂರ್ದು ಸೊಂಟ ಪೊಲಿದ್, ಆಸ್ಪತ್ರೆಗ್ ದಾಖಲ್ ಆಯಿನ ಘಟನೆ ಬೊಲ್ಪುಗು ಬೈದ್ಂಡ್.

ಸುಳ್ಯ ತಾಲೂಕು ಬೆಳ್ಳಾರೆದ ವಿಜಯ್ ಕುಮಾರ್ ಪನ್ಪಿನಾರ್ ಸುಳ್ಯಡ್ ಮೊಬೈಲ್ ಅಂಗಡಿ ದೀದಿತ್ತೆರ್. ಅಯಿತ್ತ ಬೇಲೆಗ್ ಪಂದ್ ಕುಡ್ಲಗ್ ಪೋದ್ ಪಿರ ಬನ್ನಗ ಕೆಎಸ್ ಆರ್ ಟಿಸಿ ಬಸ್ ದ ಪಿರ ಸೀಟ್ ಡ್ ಕುಲ್ದಿನಗ ಬಸ್ ಸಾದಿದ ಗುಂಡಿಗ್ ಬೂರ್ದು ಸೊಂಟಗ್ ಪೆಟ್ಟಾತ್ಂಡ್.

ಕಲ್ಲಡ್ಕ ಮಾರ್ಗದ ಅವ್ಯವಸ್ಥೆ ಈ ಘಟನೆಗ್ ಕಾರಣ ಆತ್ಂಡ್. ಖಾಸಗಿ ಆಸ್ಪತ್ರೆಡ್ ವಿಜಯ್ ಕುಮಾರ್ ಮೇರ್ ಚಿಕಿತ್ಸೆ ಪಡೆಯೊಂದು ಉಲ್ಲೆರ್.