ಕುಡ್ಲ: ಕಲ್ಪಾರ್ಥಿಲೆನ ಕೈಟ್ ಇತ್ತಿನ ರಾಖಿ ದೆಪ್ಪಾದ್ ಕಜವ್ ದ ಡಬ್ಬೆಗ್ ಪಾಡಾಯಿನ ಶಿಕ್ಷಕೆರ್

ಸುರತ್ಕಲ್ : ಮಾತ ಕಡೆಟ್ ರಕ್ಷಾಬಂಧನದ ಗೌಜಿ. ಅಯಿಟ್ಟ್ ಲ ಶಾಲೆದ ಜೋಕುಲ್ನ ಕೈಟ್ ಅಂತೂ ರಕ್ಷಾಬಂಧನ ಉಪ್ಪುಂಡು. ಇಂಚಿನ ರಕ್ಷಾ ಬಂಧನದ ರಾಖಿನ್ ದೆಪ್ಪಾಯಿನ ಘಟನೆ ಕಾಟಿಪಳ್ಳದ ಒಂಜಿ ಶಾಲೆಡ್ ನಡತ್ಂಡ್.

ಈ ಬಗೆಟ್ ಜೋಕ್ಲೆನ ಪೋಷಕೆರ್ ಬೊಕ್ಕ ಬಿಜೆಪಿ ಕಾರ್ಯಕರ್ತೆರ್ ಶಾಲೆಗ್ ಬತ್ತ್ ದ್ ಪ್ರತಿಭಟನೆ ಮಲ್ತ್ ದೆರ್. ಸುರತ್ಕಲ್ ಕಾಟಿಪಳ್ಳದ ಇನ್ಸೆಂಟ್ ಮೇರಿ ಇಂಗ್ಲೀಷ್ ಮೀಡಿಯಂ ಶಾಲೆಡ್ ಈ ಘಟನೆ ನಡತ್ ದ್ಂಡ್. ಕೋಡೆ ರಕ್ಷಾಬಂಧನ ಇತ್ತಿನೆಡ್ದಾವರ ಜೋಕುಲು ರಾಖಿ ಕಟ್ಟ್ ದ್ ಶಾಲೆಗ್ ಬತ್ತಿತ್ತೆರ್. ಆಂಡ ಅವೆನ್ ತೂಯಿನ ಶಾಲೆದ ಶಿಕ್ಷಕಿ ಜೋಕ್ಲೆನ ರಾಖಿನ್ ದೆತ್ತ್ ದ್ ಕಜವ್ ದ ಬುಟ್ಟಿಗ್ ದಕ್ಕ್ ದೆರ್.