Surathkal

ಅ. 2ರ್ದ್ ಸುರತ್ಕಲ್ ಬಂಟರ ಭವನಡ್ ಸೀರೆ, ಆಭರಣ ಮಾರಾಟ ಮೇಳ

Sep 30, 2026

ಸುರತ್ಕಲ್: ಸುರತ್ಕಲ್ ಬಂಟರ ಸಂಘದ ಮಹಿಳಾ ವೇದಿಕೆ ವತಿರ್ದ್ ದಸರಾ ಬೊಕ್ಕ ದೀಪಾವಳಿ ಪರ್ಬದ ಪ್ರಯುಕ್ತ “ಸಿಂಧೂರ 2026” ಸೀರೆ, ಆಭರಣ ಬೊಕ್ಕ ವೈವಿಧ್ಯಮಯ ಉತ್ಪನ್ನದ ಮಾರಾಟ ಮೇಳ ಅ. 2 ರ್ದ್ 4 ತಾ. ಮುಟ್ಟ ಸುರತ್ಕಲ್ ನ ಬಂಟರ ಭವನಡ್ ನಡಪರೆ ಉಂಡು.
ಅ. 2 ಕಾಂಡೆ 10 ಗಂಟೆಗ್ ಮಾರಾಟ ಮೇಳನ್ ತುಳು ವರ್ಲ್ಡ್ ಫೌಂಡೇಶನ್, ಕಟೀಲು ನೆತ್ತ ಅಧ್ಯಕ್ಷೆರ್ ಭಾನುಮತಿ ಶೆಟ್ಟಿ ಕಕ್ವಗುತ್ತು ಉದಿಪನ ಮಲ್ಪುವೆರ್. ಅಧ್ಯಕ್ಷತೆನ್ ಸುರತ್ಕಲ್ ಬಂಟರ ಸಂಘದ ಮಹಿಳಾ ವೇದಿಕೆದ ಅಧ್ಯಕ್ಷೆ ಸರೋಜ ತಾರಾನಾಥ್‌ ಶೆಟ್ಟಿ ವಹಿಸರೆ ಉಲ್ಲೆರ್. ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷೆರ್ ಬಾಳ ಜಗನ್ನಾಥ ಶೆಟ್ಟಿ, ಮಹಿಳಾ ವೇದಿಕೆ ಸ್ಥಾಪಕಾಧ್ಯಕ್ಷೆ ಅಂಜನಾ ಮಂಜಯ್ಯ ಶೆಟ್ಟಿ ಉಪ್ಪುವೆರ್ ಪಂದ್ ಮಹಿಳಾ ವೇದಿಕೆದ ಕಾರ್ಯದರ್ಶಿ ರಾಜೇಶ್ವರಿ ಡಿ ಶೆಟ್ಟಿ ತೆರಿಪಾದೆರ್.

Religious & Cultural News ಮಾತ ಧರ್ಮದ ಸುದ್ದಿ ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಸುರತ್ಕಲ್‌ಡ್ “ಇನ್ನಾ ಹಾಸ್ಪಿಟಲಿಟಿ” ಪೊಸ ಶಾಖೆ ಉದಿಪನ

Jan 8, 2026

ಸುರತ್ಕಲ್ : ಸೂರಿಂಜೆ ಮೂಲದ ಉದ್ಯಮಿ ಡಿ. ಕೆ. ಶೆಟ್ಟಿ ಮೆರೆನ ಮಾಲಕತ್ವದ ಇನ್ನಾ ಹಾಸ್ಪಿಟಲಿಟಿ ಸಂಸ್ಥೆ ಮುಂಬೈಡ್ ಪ್ರಧಾನ ಕಚೇರಿ ಇತ್ತ್‌ದ್, ದೇಶದ ಬೇತೆ ಬೇತೆ ಕಡೆ್ಟ್ ತನ್ನ ಸೇವೆನ್ ವಿಸ್ತರಣೆ ಮಲ್ಪುನ ಪ್ರಮುಖ ಹಾಸ್ಪಿಟಲಿಟಿ ಸಂಸ್ಥೆಯಾದ್ ಗುರುತಿಸಾದ್ಂಡ್. ಪ್ರಸ್ತುತ ಸಂಸ್ಥೆಡ್ 500ರ್ದ್‌ಲ ಹೆಚ್ಚ ಸಿಬ್ಬಂದಿಲು ಬೇಲೆ ಮಲ್ತೊಂದಿತ್ತ್‌ದ್ ಗುಣಮಟ್ಟದ ಸೇವೆ ಬೊಕ್ಕ ವೃತ್ತಿಪರ ನಿರ್ವಹಣೆದ ಮುಕೇನ ವಿಶಿಷ್ಟ ಸ್ಥಾನ ಪಡೆತ್ಂಡ್.
ವ್ಯವಹಾರ ವಿಸ್ತರಣೆದ ಉದ್ದೇಶಡ್ ಅಂಚೆನೆ ದಕ್ಷಿಣ ಕನ್ನಡ ಜಿಲ್ಲೆಡ್ ವೇಗವಾದ್ ಬುಲೆಪಿನ ವ್ಯಾಪಾರ ಕೇಂದ್ರವಾದುಪ್ಪುನ ಸುರತ್ಕಲ್ ಪೇಂಟೆಡ್ ಇನ್ನಾ ಹಾಸ್ಪಿಟಲಿಟಿ ಸಂಸ್ಥೆದ ಪೊಸ ಶಾಖೆ ಆರಂಭ ಮಲ್ದೆರ್. ನೆತ್ತ ಅಂಗವಾದ್ ಜನವರಿ 1, 2026 ಗುರುವಾರ ಬಯ್ಯಡ್ 4 ಗಂಟೆಗೆ, ಸುರತ್ಕಲ್‌ದ ಅಭಿಷ್ ಬಿಸಿನೆಸ್ ಸೆಂಟರ್ ಕಟ್ವಾಣಡ್ ಉದಿಪನದ ಲೇಸ್ ನಡತ್ಂಡ್.
ಈ ಪೊಸ ಶಾಖೆನ್ ವಿಶ್ವಕಪ್ ಮಹಿಳಾ ಕಬಡ್ಡಿ ವಿಜೇತ ತಂಡದ ಸದಸ್ಯೆ ಕುಮಾರಿ ಧನಲಕ್ಷ್ಮಿ ಉದಿಪನ ಮಲ್ತೆರ್. ಕ್ರೀಡಾ ಕ್ಷೇತ್ರಡ್ ರಾಷ್ಟ್ರಮಟ್ಟದ ಸಾಧನೆ ಮಲ್ದಿನ ಯುವ ಪ್ರತಿಭೆದ ಕೈಟ್ ಶಾಖೆ ಉದಿಪನ ಆಯಿನವು ವಿಶೇಷ ಆದಿತ್ತ್ಂಡ್.
ಲೇಸ್‌ಡ್ ಶಾಸಕೆರ್ ವೈ. ಭರತ್ ಶೆಟ್ಟಿ, ತುಳುನಾಡ ರಕ್ಷಣಾ ವೇದಿಕೆದ ಕೇಂದ್ರಿಯ ಮಂಡಳಿ ಅಧ್ಯಕ್ಷೆರ್ ಯೋಗಿಶ್ ಶೆಟ್ಟಿ ಜಪ್ಪು, ಅಭಿಷ್ ಬಿಲ್ಡರ್ಸ್ ಅಧ್ಯಕ್ಷೆರ್ ಪುಷ್ಪರಾಜ್ ಜೈನ್, ಮಹಾಬಲ ಪೂಜಾರಿ ಕಡಂಬೋಡಿ, ಕೇಸರಿ ಸುಧಾಕರ್ ಪೂಂಜಾ, ಮಹಾನಗರ ಪಾಲಿಕೆ ಸದಸ್ಯೆ ನಯನ ,ರೋಹಿತ್ ಶೆಟ್ಟಿ, ಎ‌ಸ್ ಜಿ ಸೂರಿಂಜೆ, ನಾರಾಯಣ ಪೂಜಾರಿ, ಸೇನಾನಿ ಶಶಿಧರ್ ಸೇರ್‌ದ್ ಮಸ್ತ್ ಜನ ಗಣ್ಯೆರ್ ಪಾಲ್ ಪಡೆದ್ ಸಂಸ್ಥೆದ ಬೆಳವಣಿಗೆಗ್ ಎಡ್ಡೆಪ್ಪು ಬಯಕಿಯೆರ್.
ಈ ಪೊರ್ತುಡು ಕೃಷ್ಣಾಪುರದ ನಾರಾಯಣ ಗುರು ಶಾಲೆದ ಜೋಕುಲೆನ ಎದುರುಡು ಮಹಿಳಾ ವಿಶ್ವಕಪ್ ವಿಜೇತ ತಂಡದ ಸದಸ್ಯೆ ಕು. ಧನಲಕ್ಷ್ಮಿ ಮೆರೆನ್ ಸನ್ಮಾನ ಮಲ್ತೆರ್. ಅಂಚೆನೆ ಶಾಲೆದ ಜೋಕುಲೆಗ್ ಭಾರತದ ದೇಶದ ವಿವಿಧ ರಾಜ್ಯಲೆನ್ ಗೋಡ್ಯಾವುನ ಚಿತ್ರದ ಸೀಟ್ ಕೊರ್ದು ಜೋಕ್ಲೆಗ್ ದೇಶಪ್ರೇಮದ ಬಗೆಟ್ಟ್ ಜಾಗೃತಿ ಪುಟ್ಟಾಯೆರ್. ಈ ಪೊರ್ತುಡು ಇನ್ನ ಹಾಸ್ಪಿಟಲಿಟಿ ಸಂಸ್ಥೆದ ಮಾಲೀಕೆರಾಯಿನ ಡಿ. ಕೆ. ಶೆಟ್ಟಿ ಮೇರ್, ಅಭಿಷ್ ಬ್ಯುಸಿನೆಸ್ ಸೆಂಟರ್ ಮಾಲಕರ ಸಂಘದ ಸಹಕಾರದೊಟ್ಟುಗು ಧನಲಕ್ಷ್ಮಿ ಮೆರೆಗ್ ರೂ. 50,000 ಗೌರವ ಧನ ಕೊರ್ದು ಸನ್ಮಾನ ಮಲ್ತೆರ್. ಈ ಸಂದರ್ಭ ಧನಲಕ್ಷ್ಮಿ ಮೆರೆನ ಪೋಷಕೆರಾಯಿನ ನಾರಾಯಣ ಪೂಜಾರಿ ಬೊಕ್ಕ ಶಶಿಕಲಾ ಇತ್ತೆರ್.

ಜ. 11: ಸುರತ್ಕಲ್‌ಡ್ ಬಂಟರ ಕ್ರೀಡೋತ್ಸವ

Jan 5, 2026

ಡಾ ಪಿ.ವಿ ಶೆಟ್ಟಿ ಮುಂಬೈ, ಧನಲಕ್ಷ್ಮಿ ಪೂಜಾರಿಗ್ ಮಾನಾದಿಗೆ

ಸುರತ್ಕಲ್: ಬಂಟರ ಸಂಘ (ರಿ) ಸುರತ್ಕಲ್ ಆಶ್ರಯಡ್ ಬಂಟರ ಯಾನೆ ನಾಡವರ ಮಾತೃ ಸಂಘ (ರಿ) ಕುಡ್ಲ ಬೊಕ್ಕ ಜಾಗತಿಕ ಬಂಟರ ಸಂಘಗಳ ಒಕ್ಕೂಟ (ರಿ) ಒಟ್ಟುಸೇರಿಗೆಡ್ ಬಂಟರ ಕ್ರೀಡೋತ್ಸವ ಜ. 11 ಐತಾರ ಸುರತ್ಕಲ್ ಗೋವಿಂದ ದಾಸ ಕಾಲೇಜು ಮೈದಾನಡ್ ನಡಪರೆ ಉಂಡು.
ಕ್ರೀಡೋತ್ಸವನ್ ಬಂಟರ ಯಾನೆ ನಾಡವರ ಮಾತೃಸಂಘದ ಮಂಗಳೂರು ತಾಲೂಕು ಸಮಿತಿ ಸಂಚಾಲಕೆರ್ ವಸಂತ ಶೆಟ್ಟಿ ಉದಿಪನ ಮಲ್ಪುವೆರ್. ಅಧ್ಯಕ್ಷತೆನ್ ಸಂಘದ ಅಧ್ಯಕ್ಷೆರ್ ಬಾಳ ಜಗನ್ನಾಥ ಶೆಟ್ಟಿ ವಹಿಸೊನ್ವೆರ್. ಮಲ್ಲ ಬಿನ್ನೆರಾದ್ ಎಕ್ಕಾರ್ ಬಂಟರ ಸಂಘ ಅಧ್ಯಕ್ಷೆರ್ ರತ್ನಾಕರ ಶೆಟ್ಟಿ ಎಕ್ಕಾರು, ಉದ್ಯಮಿ ಹರೀಶ್ ಶೆಟ್ಟಿ ಪೆರ್ಮುದೆ, ಮಂಗಳೂರು ಯಥಾಥ್೯ ಸೋಶಿಯಲ್ ದ ಈಶ್ವರ್ ಪ್ರಸಾದ್ ಶೆಟ್ಟಿ ಪಾಲ್ ಪಡೆವೆರ್. ಸಂಘದ ಸ್ಥಾಪಕಾಧ್ಯಕ್ಷೆರ್ ರೋಹಿತಾಕ್ಷ ರೈ ಕುಳಾಯಿಗುತ್ತು ಬರ್ಪೆರ್.
ಮಧ್ಯಾಹ್ನ 12 ಗಂಟೆಗ್ ನಡಪುನ ಅಭಿನಂದನೆದ ಲೇಸ್‌ಡ್ 2025 ರ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಮುಂಬಯಿ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ಡಾ ಪಿ ವಿ ಶೆಟ್ಟಿ ಮುಂಬೈ ಮೆರೆಗ್ ಗೌರವ ಸನ್ಮಾನ ನಡಪರೆ ಉಂಡು. ಆಳ್ವಾಸ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷೆರ್ ಡಾ ಎಂ ಮೋಹನ್ ಆಳ್ವ, ಸಂಸದೆರ್ ಕ್ಯಾ. ಬ್ರಿಜೇಶ್ ಚೌಟ, ಮುಂಬೈ ವಿ ಕೆ ಸಮೂಹ ಸಂಸ್ಥೆದ ಅಧ್ಯಕ್ಷೆರ್ ಕರುಣಾಕರ ಎಂ ಶೆಟ್ಟಿ ಮಧ್ಯಗುತ್ತು, ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ, ಮಂಗಳೂರು ಉತ್ತರ ವಿಧಾನ ಸಭಾಕ್ಷೇತ್ರದ ಶಾಸಕೆರ್ ಡಾ. ವೈ. ಭರತ್ ಶೆಟ್ಟಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಯುವ ವಿಭಾಗದ ಅಧ್ಯಕ್ಷೆರ್ ಗಿರೀಶ್ ಶೆಟ್ಟಿ ತೆಳ್ಳಾರ್, ಚಿತ್ರನಟೆ, ನಿರ್ದೇಶಕೆ ರೂಪೇಶ್ ಶೆಟ್ಟಿ ಮಲ್ಲ ಬಿನ್ನೆರಾದ್ ಪಾಲ್ ಪಡೆವೆರ್. ಸುರತ್ಕಲ್ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ಎಂ ದೇವಾನಂದ ಶೆಟ್ಟಿ ಮೆರೆನ ಉಪಸ್ಥಿತಿಡ್ ವಿಶ್ವಕಪ್ ವಿಜೇತ ಅಂತರಾಷ್ಟ್ರೀಯ ಮಹಿಳಾ ಕಬಡ್ಡಿ ಆಟಗಾರ್ತಿ ಕುಮಾರಿ ಧನಲಕ್ಷಿ ಪೂಜಾರಿ ಸುರತ್ಕಲ್ ಮೆರೆನ್ ಅಭಿನಂದನೆ ನಡಪರೆ ಉಂಡು. ಬಯ್ಯಡ್ 5.30 ಕ್ಕ್ ಮುಗಿತಲದ ಲೇಸ್ ‌ಡ್ ಬಂಟರ ಯಾನೆ ನಾಡವರ ಮಾತೃಸಂಘದ ಅಧ್ಯಕ್ಷೆರ್ ಕೆ ಅಜಿತ್ ಕುಮಾರ್ ರೈ ಮಾಲಾಡಿ, ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್ ಫೇರ್ ಟ್ರಸ್ಟ್ (ರಿ) ನ ಕಾರ್ಯಾಧ್ಯಕ್ಷೆರ್ ದೇವಿಚರಣ್ ಶೆಟ್ಟಿ, ಒಡಿಯೂರು ಶ್ರೀ ವಿವಿಧೋದ್ದೇಶ ಸೌಹಾರ್ದ ಸಹಕಾರಿ (ನಿ) ಅಧ್ಯಕ್ಷೆರ್ ಲ.ಸುರೇಶ್ ರೈ, ಸುರತ್ಕಲ್ ಬಾಲಾಜಿ ಐಕಾನ್ ಸಂಸ್ಥೆದ ಆಡಳಿತ ನಿರ್ದೇಶಕೆರ್ ಹರೀಶ್ ಶೆಟ್ಟಿ ಕಾವೂರು ಬಿನ್ನೆರಾದ್ ಪಾಲ್ ಪಡೆವೆರ್ ಪಂದ್ ಸಂಘದ ಪ್ರಧಾನ ಕಾರ್ಯದರ್ಶಿ ಲೀಲಾಧರ ಶೆಟ್ಟಿ ಕಟ್ಲ ತೆರಿಪಾದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಜ‌1: ಸುರತ್ಕಲ್‌ಡ್ ಇನ್ನಾ ಹಾಸ್ಪಿಟ್ಯಾಲಿಟಿ ಪ್ರೈ. ಲಿ. ಶಾಖೆ ಉದಿಪನ

Dec 31, 2025

ಕಬಡ್ಡಿ ಕ್ಷೇತ್ರದ ಸಾಧಕಿ ಧನಲಕ್ಷ್ಮಿ ಪೂಜಾರಿಗ್ ಸನ್ಮಾನ

ಕುಡ್ಲ : ತುಳು ಭಾಷಾ ಪ್ರೇಮಿ, ತುಳು ಲಿಪಿ ಸಾಧಕೆರ್, ಉದ್ಯಮಿ ಡಿ.ಕೆ.ಶೆಟ್ಟಿ ಬೊಕ್ಕ ಅರೆನ ಮಗೆ ರೋಹಿತ್ ಡಿ. ಶೆಟ್ಟಿ ಮೊಕುಲು ನಿರ್ದೇಶಕೆರಾದುಪ್ಪುನ “ಇನ್ನಾ ಹಾಸ್ಪಿಟ್ಯಾಲಿಟಿ ಪ್ರೈವೆಟ್ ಲಿಮಿಟೆಡ್” ಪನ್ಪಿನ ಸೆಕ್ಯುರಿಟ್ ಸರ್ವಿಸ್ ಸಂಸ್ಥೆದ ಕುಡ್ಲ ಶಾಖೆ ಜನವರಿ 1 ಗುರುವಾರ ಬಯ್ಯಡ್ 4 ಗಂಟೆಗ್ ತೊರ್ತಲ್ (ಸುರತ್ಕಲ್) ದ ಅಭೀಷ್ ಸೆಂಟರ್‌ದ 2 ನೇ ಮಾಳಿಗೆಡ್ ಉದಿಪನ ಆವರೆ ಉಂಡು.
“ಚಾವಡಿ” ಬ್ಯಾಂಕ್ವೆಟ್ ಹಾಲ್‌ಡ್ ನಡಪುನ ಈ ಲೇಸ್‌ಡ್ ಇಂಚೊಗು ಕಬಡ್ಡಿಡ್ ವಿಶ್ವಕಪ್ ಗೆಂದಿನ ತಂಡದ ತುಳುನಾಡ ಸಾಧಕಿ, ಸುರತ್ಕಲ್ ಇಡ್ಯಾದ ಧನಲಕ್ಷ್ಮಿ ಪೂಜಾರಿ ಮೆರೆಗ್ ಸಾರ್ವಜನಿಕ ಮಾನಾದಿಗೆ ನಡಪರೆ ಉಂಡು. ಈ ಸನ್ಮಾನಡ್ ಅಭೀಷ್ ಮಾಲ್‌ದ ಸಿರಿ ಮಳಿಗೆ, ಸಿನೆ ಗ್ಯಾಲಕ್ಸಿ, ವಿಜಯಾ ಮೆಡಿಕಲ್ಸ್, ಡಿಆರ್ ಎನ್‌ಕೆ ಲ್ಯಾಬ್, ಚಾವಡಿ, ಇನ್ನಾ ಸೆಕ್ಯುರಿಟಿ ಗಾರ್ಡ್ಸ್ ಸಂಸ್ಥೆಲು ಪಾಲ್ ಪಡೆವರೆ ಉಂಡು.
ಲೇಸ್‌ಡ್ ಮಲ್ಲ ಬಿನ್ನೆರಾದ್ ಕುಡ್ಲ ಬಡಕಾಯಿ ಕ್ಷೇತ್ರದ ಶಾಸಕೆರ್ ಭರತ್ ವೈ.ಶೆಟ್ಟಿ, ನಿಟ್ಟೆ ಯುನಿವರ್ಸಿಟಿದ ವೈಸ್ ಪ್ರೆಸಿಡೆಂಟ್ ಡಾ.ಸತೀಶ್ ಕುಮಾರ್ ಭಂಡಾರಿ, ಅಭೀಷ್ ಬಿಲ್ಡರ್ಸ್‌ದ ಎಂಡಿ ಪುಷ್ಪರಾಜ್ ಜೈನ್ ಬೊಕ್ಕ ಕಬಡ್ಡಿ ಸಾಧಕೆರ್ ಧನಲಕ್ಷ್ಮಿ ಪೂಜಾರಿ ಮೊಕುಲು ಮಾತ ಪಾಲ್ ಪಡೆವೆರ್ ಪಂದ್ ನಿರ್ದೇಶಕೆರಾಯಿನ ಡಿ.ಕೆ.ಶೆಟ್ಟಿ, ರೋಹಿತ್ , ಅಡಿಶನಲ್ ಡೈರೆಕ್ಟರ್ ಎಲ್.ಪಿ. ತ್ರಿಪಾಠಿ, ಕುಡ್ಲ ಶಾಖೆದ ಸಿಇಒ ಎಸ್.ಜಿ.ಸೂರಿಂಜೆ, ಮಹಾರಾಷ್ಟ್ರ ಸಿಇಒ ಶಾಮ್ ಪ್ರಕಾಶ್ ಪಾಂಡೆ, ಜನರಲ್ ಮ್ಯಾನೇಜರ್ ದೀಪಾಲಿ ನಾಯ್ಕ್, ಆಪರೇಷನ್ ವಿಭಾಗದ ಹೆಡ್, ನಿವೃತ್ತ ಯೋಧೆರ್ ಶಶಿಧರ ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಡಪತ್ತ್ ದ ರಡ್ಡ್ ಕುಟುಮದಕ್ಲೆಗ್ ಪನವುದ ಸಕಾಯ ಮಲ್ತಿನ ಮಂಜಣ್ಣ ಸೇವಾ ಬ್ರಿಗೇಡ್

Nov 1, 2022

ಸುರತ್ಕಲ್: ಬಡಪತ್ತ್ ದ ರಡ್ಡ್ ಕುಟುಮದಕ್ಲೆಲೆಗ್ ಮಂಜಣ್ಣ ಸೇವಾ ಬ್ರಿಗೇಡ್ ಕೂಟದಕುಲು ಪಣವುದ ಸಕಾಯನ್ ಮಲ್ತೆರ್.

ಕುಪ್ಪೆಪದವುಡು ರಡ್ಡ್ ಕಣ್ಣ್ ಕಳೆಯೊಂದು ಬಂಗದ ಜೀವನ ಮಲ್ತೊಂದಿಪ್ಪುನ ರಾಜೀವ ಕುಲಾಲ್ ಕುಟುಂಬಗ್ 25,000 ರೂ. ಅಂಚನೆ ಗಾಡಿರ್ದ್ ಬೂರ್ದು ಚಿಕಿತ್ಸೆ ಪಡೆವೊಂದಿತ್ತಿನ ಉರ್ವಸ್ಟೋರ್‌ದ ನಿಶಾನ್ ಮೆರೆಗ್ 25,000 ರೂ. ಪನವುದ ಸಕಾಯನ್ ಮಂಜಣ್ಣ ಸೇವಾ ಬ್ರಿಗೇಡ್ ಕೂಟದಕುಲು ಮಲ್ತೆರ್.

ಪೆರಿಯೆರಾಯಿನ ಕಡಂಬಿಲ ಪ್ರಭಾಕರ್ ಶೆಟ್ಟಿ ಮೇರ್ ಮೊಕ್ಲೆಗ್ ಪನವುದ ಚೆಕ್ ಪಟ್ಟಿಯೆರ್. ಈ ಪೊರ್ತುಡು ಗೆಳೆಯರ ಬಳಗ ಸುರತ್ಕಲ್ ಕೂಟದ ಪ್ರಮುಖೆರ್ ನಾಗೇಶ್ ಪೂಜಾರಿ ಬೊಕ್ಕ ತಿಲಕ್ ಶೆಟ್ಟಿ ಆಕಾಶ್ ಭವನ ಮಂಜಣ್ಣ ಸೇವಾ ಬ್ರಿಗೇಡ್ ಪ್ರಮುಖೆರ್ ವಸಂತ್ ಹೊಸಬೆಟ್ಟು, ಪ್ರಮೋದ್ ಶೆಟ್ಟಿ, ಬಜರಂಗದಳ ಪ್ರಮುಖೆರ್ ಸುನೀಲ್ ತೋಕೂರು, ರಮಾನಾಥ್ ಕೋಡಿಕೆರೆ ಬೊಕ್ಕ ನಾಗೇಶ್ ಶೆಟ್ಟಿ ತೋಕೂರು, ತಾರನಾಥ್ ಶೆಟ್ಟಿ, ಕೋಡಿಕೆರೆ ಶಿವಾಜಿ ಫ್ರೆಂಡ್ಸ್ ಅಧ್ಯಕ್ಷೆರ್ ನಿತಿನ್ ಬಂಗೇರ ಅಂಚನೆ ಸಂಸ್ಥೆದ ಪದುಕೆರ್ ಲೇಸ್‌ಡ್ ಇತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಇನಿರ್ದ್ ಎನ್‌ಐಟಿಕೆ ಟೋಲ್‌ ಕಟ್ಟುಜ ಪಂದ್ ನಿರ್ಧಾರ ಮಲ್ಪುಲೆ ಪಂದ್ ಮಿಥುನ್ ರೈ ಟ್ವೀಟ್

Oct 18, 2022

ಸುರತ್ಕಲ್: ಎನ್‌ಐಟಿಕೆ ಟೋಲ್‌ನ್ ದೆಪ್ಪೊಡು ಪಂದ್ ಟೋಲ್ ವಿರೋಧಿ ಹೋರಾಟ ಸಮಿತಿದಕುಲು ಮಲ್ತೊಂದುಪ್ಪುನ ಪೊರ್ಂಬಾಟ ಅಂಗಾರೆದಾನಿ ಭಾರಿ ಮಲ್ಲ ಮಟ್ಟ್‌ಡ್ ನಡತ್ಂಡ್.

ಈ ಬಗೆಟ್ ಸಾಮಾಜಿಕ ಜಾಲತಾಣಡ್ ಟ್ವೀಟ್ ಮಲ್ತಿನ ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ, ಇನಿರ್ದ್ ಸುರತ್ಕಲ್ ಟೋಲ್‌ಗೇಟ್‌ಗ್ ತುಳುನಾಡ್‌ದ ಜನಕುಲು ಕಾಸ್‌ನ್ ಕಟ್ಟುಜ ಪಂದ್ ನಿರ್ಧಾರ ಮಲ್ಪೊಡು. ಸರಕಾರ ಯಂಕ್ಲೆನ ಬೇಡಿಕೆನ್ ಉತ್ತರ ಕೊರಂದಿನಪಗ ಪ್ರಜಾಪ್ರಭುತ್ವದ ಅಡಿಟ್ಟ್ ಪ್ರಜೆಕುಲಾಯಿನ ಯಂಕುಲೆ ನಿರ್ಧಾರ ದೆತೊನೊಡು. ಬಲೆ ಜನಕುಲೇ ಇನಿರ್ದ್ ಕಾಸ್ ಕಟ್ಟುಜ ಪಂದ್ ನಿರ್ಧಾರ ನಿರ್ಧಾರ ಮಲ್ತೊನುಗ ಪಂದ್ ಟ್ವೀಟ್ ಮಲ್ತ್‌ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಈಶ್ವರಗೋಳಿ ದೈವಸ್ಥಾನೊಗು ಬೇಗ ಅನುದಾನ ಬುಡುಗಡೆ ಮಲ್ಪರೆ ಸಚಿವೆರ್ ಎಸ್ ಅಂಗಾರ ಮೆರೆಗ್ ಬಿನ್ನಾಪು

Sep 22, 2022

ಸುರತ್ಕಲ್ : ಪೊಸೊಡಿದ ಈಶ್ವರಗೋಳಿ ಬ್ರಹ್ಮಶ್ರೀ ಮುಗೇರ ಮಹಾಕಾಳಿ ದೈವಸ್ಥಾನದ ಜೀರ್ಣೋದ್ಧಾರದ ಕಾರ್ಯದ ಬಗೆಟ್ ಸರಕಾರದ ಅನುದಾನನ್ ಆಯಿನಾತ್ ಬೇಗಡ್ ಬುಡುಗಡೆ ಮಲ್ಪೊಡು ಪಂದ್ ಪೊಸೊಡಿ (ಹೊಸಬೆಟ್ಟು )ಗ್ರಾಮದ ಪತ್ತ್ ಸಮಸ್ತೆರ್ ಮೀನುಗಾರಿಕಾ,ಬಂದರು,ಬೊಕ್ಕ ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವೆರ್ ಎಸ್ ಅಂಗಾರ ಮೆರೆಗ್ ಒತ್ತಾಯ ಮಲ್ತೆರ್.

ಈ ಪೊರ್ತುಡ್ ದೈವಸ್ಥಾನದ ಅಧ್ಯಕ್ಷೆರ್ ಅಂಚನೆ ಸರ್ವ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

Request forwarded to minister S Angar to release funds for Ishwargoli Daivastana

Surathkal: A request was given to fisheries minister S Angar by the public of Hosabettu grama to release funds for the renovation works of Iswargoli Brahmashree Mugera Mahakali Daivastana. The president and members of the management of the Daivastana were present .

ಸುರತ್ಕಲ್: ಶಾಲೆದ ಕೈತಲ್ ಅಂಡರ್ ಪಾಸ್ ಸಮಸ್ಯೆನ್ ತೂದ್ ಸಕಾಯ ಕೊರಿನ ಶಾಸಕೆರ್ ವೈ ಭರತ್ ಶೆಟ್ಟಿ

Sep 16, 2022

ಸುರತ್ಕಲ್ ಹಿಂದೂ ವಿದ್ಯಾದಾಯಿನಿ ಶಾಲೆದ ಕೈತಲ್ ರಾಷ್ಟ್ರೀಯ ಹೆದ್ದಾರಿ 66 ಟ್ ಇಪ್ಪುನ ಅಂಡರ್ ಪಾಸ್, ಬರ್ಸರ್ದಾವರ ನೀರ್ ಬೊಕ್ಕ ಕೆಸರ್ ದಿಂಜ್‌ದ್ ಶಾಲೆದ ಜೋಕುಲೆಗ್ ನಡಪರೆ ತೊಂದರೆ ಆವೊಂದುಂಡು. ಉಂದೆನ್ ತೂಯಿನ ಶಾಸಕೆರ್ ಆಯಿನ ವೈ. ಭರತ್ ಶೆಟ್ಟಿ ಜಾಗೆಡ್ ಹೋಂ ಗಾರ್ಡ್ ಬೊಕ್ಕ ಪೊಲೀಸೆರ್‍ನ ವ್ಯವಸ್ಥೆನ್ ಮಲ್ತ್‌ದ್ ಸಕಾರ ಕೊರಿಯೆರ್.

ಈ ಪೊರ್ತುಡು ಹೊಸಬೆಟ್ಟು 8ನೇ ವಾರ್ಡ್‌ದ ಕಾರ್ಪೊರೇಟರ್ ವರುಣ್ ಚೌಟ ಪೊಲೀಸೆರ್‍ನೊಟ್ಟುಗ್ ಸೇರೊಂದು ಕಲ್ಪಾರ್ಥಿಲೆನ್ ಸುರಕ್ಷಿತವಾದ್ ಮಾರ್ಗ ಕಡಪರೆ ಕೈ ಜೋಡಿಸಾಯೆರ್. ಅಂಚನೆ ಅಂಡರ್ ಪಾಸ್‌ಡ್ ಇಪ್ಪುನ ಲೋಪದೋಷದ ಬಗೆಟ್ ಸಂಬಂಧಪಟ್ಟಿನ ಅಧಿಕಾರಿಲೆನೊಟ್ಟುಗ್ ಪಾತೆರ್ದ್ ಶಾಸಕೆರ್‍ನ ಗಮನಗ್ ಕನಯೆರ್. ಮಾತ ಸಮಸ್ಯೆನ್ ಆಯಿನಾತ್ ಬೇಗ ಪರಿಹಾರ ಮಲ್ಪರೆ ಸಂಬಂಧ ಪಟ್ಟಿನ ಅಧಿಕಾರಿಲೆಗ್ ತೆರಿಪಾಯೆರ್.

ಸುರತ್ಕಲ್ ಟೋಲ್ ಗೇಟ್ ದೆಪ್ಪರೆ ಸಾರ್ವಜನಿಕೆರ್ನ ಪ್ರತಿಭಟನೆಅ.18 ತಾರೀಕ್ ಗ್ ಗಡು ದೀಯಿನ ಪೊರ್ಂಬಾಟಗಾರೆರ್

Sep 13, 2022

ಸುರತ್ಕಲ್: ಸರ್ಕಾರ ಸುರತ್ಕಲ್ ದ ಅಕ್ರಮ ಟೋಲ್‌ಗೇಟ್ ದೆಪ್ಪರೆ ದಿನ ನೆಕ್ಕಿ ಮಲ್ಪುಲೆ, ಇಜ್ಜಿಂಡ ಉಂದುವೇ ಅಕ್ಟೋಬರ್ 18ಗ್ ಸುರತ್ಕಲ್ ಟೋಲ್‌ಗೇಟ್ ದೆಪ್ಪುನ ಕಾರ್ಯಾಚರಣೆ ನಡಪರೆ ಉಂಡು ಪಂದ್ ಸುರತ್ಕಲ್ ಟೋಲ್ ಗೇಟ್ ವಿರೋಧಿ ಸಮಿತಿದಕುಲು ತೆರಿಪಾದೆರ್.

ನ್ಯಾಷನಲ್ ಹೈವೇ 66ತ್ತ ಎನ್‌ಐಟಿಕೆ ಕೈತಲ್ ಉಪ್ಪುನ ಟೋಲ್‌ಗೇಟ್‌ನ್ ದೆಪ್ಪರೆ ತಾರೀಕ್ ಘೋಷಣೆ ಮಲ್ಪೊಡು ಪಂದ್ ಆಗ್ರಹಿಸಾದ್ ಸಮಾನ ಮನಸ್ಕ ಸಂಘಟನೆದ ಮುತಾಲಿಕೆಡ್ ಸಾಮೂಹಿಕ ಧರಣಿ ಕಾರ್ಯಕ್ರಮ ಅಂಗಾರೆ ಟೋಲ್‌ಗೇಟ್ ಕೈತಲ್ ನಡತ್ಂಡ್.

ಕಾಂಡೆ 10 ಗಂಟೆಗ್ ಈ ಧರಣಿ ಸುರು ಆತ್ಂಡ್. ಸುರತ್ಕಲ್ ಟೋಲ್‌ಗೇಟ್ ವಿರೋಧಿ ಹೋರಾಟ ಸಮಿತಿ ಆಯೋಜನೆ ಮಲ್ತಿನ ಈ ಧರಣಿಡ್ ಪ್ರಮುಖೆರ್ ಆಯಿನ ಮುನೀರ್ ಕಾಟಿಪಳ್ಳ, ದಿನೇಶ್ ಹೆಗ್ಡೆ ಉಳೇಪಾಡಿ, ಮೊಯ್ದೀನ್ ಬಾವ, ಮಿಥುನ್ ರೈ, ಪಿ ವಿ ಮೋಹನ್, ಪ್ರತಿಭಾ ಕುಳಾಯಿ, ಇಮ್ತಿಯಾಝ್, ಪುರುಷೋತ್ತಮ ಚಿತ್ರಾಪುರ, ಎಂ ಜಿ ಹೆಗ್ಡೆ, ಶೇಖರ್ ಹೆಗ್ಡೆ ಪಾಲ್ ಪಡೆದಿತ್ತೆರ್. ಟೋಲ್‌ಗೇಟ್ ನ್ ದೆಪ್ಪುನ ಪಂದ್ ಭರವಸೆ ಕೊರಿನ ರಾಷ್ಟ್ರೀಯ ಹೆದ್ದಾರಿ ಇಲಾಖೆ ಅಧಿಕಾರಿಲು ನನಲ ದಿನ ಮಲ್ಪಂದೆ ಜನಕ್ಲೆರ್ದ್ ಟೋಲ್‌ ಶುಲ್ಕನ್ ದೆತೊನೊಂದು ಉಲ್ಲೆರ್.

Public agitation to remove toll gate at Suratkal: The last date set for October 18th.

Suratkal: The toll plaza set up by the government at Suratkal is illegal and has to be removed or it will be forcibly removed said representatives of Suratkal toll gate opposition samithi.They have set the deadline for October 18th.
A demonstration was arranged on Tuesday jointly by many organisations under the leadership of

ಸುರತ್ಕಲ್: ಎನ್‌ಐಟಿಕೆ ನಿರ್ದೇಶಕೆರಾದ್ ಪ್ರೊ. ಪ್ರಸಾದ್ ಕೃಷ್ಣ ಆಧಿಕಾರಗ್

Aug 26, 2022

ಕುಡ್ಲ: ಸುರತ್ಕಲ್ ಎನ್‌ಐಟಿಕೆ ನಿರ್ದೇಶಕೆರಾದ್ ಪ್ರೊ. ಪ್ರಸಾದ್ ಕೃಷ್ಣ ಮೇರ್ ಅಧಿಕಾರ ಸ್ವೀಕಾರ ಮಲ್ತೊಂಡೆರ್.

ಪ್ರೊ. ಪ್ರಸಾದ್ ಕೃಷ್ಣ ಮೇರ್ ಎನ್‌ಐಟಿ ಕ್ಯಾಲಿಕಟ್ ದ ನಿರ್ದೇಶಕೆರಾದ್ ಬೇಲೆ ಮಲ್ತೊಂದಿತ್ತಿನ ಒಟ್ಟುಗ್ ಎನ್‌ಐಟಿಕೆ ನಿರ್ದೇಶಕೆರೆನ ಹುದ್ದೆಡ್ ಲ ಬೇಲೆ ಮಲ್ತೊಂದಿತ್ತೆರ್. ಮೇರ್ ಮೆಕ್ಯಾನಿಕಲ್ ಎಂಜಿನಿಯರಿಂಗ್ ವಿಭಾಗಡ್ ಪ್ರಾಧ್ಯಾಪಕೆರಾದ್, ಎನ್‌ಐಟಿಕೆ ಡೀನ್ ಆದ್ ಬೇಲೆ ಮಲ್ತೊಂದಿತ್ತೆರ್..