ಕಿನ್ನಿಗೋಳಿ : ಸಾರ್ವಜನಿಕ ಶ್ರೀ

ಕಿನ್ನಿಗೋಳಿ : ಸಾರ್ವಜನಿಕ ಶ್ರೀ ಗಣೇಶೋಚ್ಚಯ ಸಮಿತಿರ್ದ್ 48ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋಚ್ಚಯ

ಕಿನ್ನಿಗೋಳಿ : ಕರಿನ 47 ವರ್ಸೊರ್ದು ಬಾರಿ ಗೌಜಿಡ್ ಕಿನ್ನಿಗೋಳಿಡ್ ಭಕ್ತಾಭಿಮಾನಿಲೆನ ಸಾಕಾರೊಡು ಆಚರಿಸೊಂದು ಬೈದಿನ ಸಾರ್ವಜನಿಕ ಶ್ರೀ ಗಣೇಶೋಚ್ಚಯನ್ ಈ ವರ್ಸ ಆ. 31 ಬುಧಾರರ್ದ್ ಸೆ. 2 ಶುಕ್ರಾರ ಮುಟ ಆಚರಣೆ ಮಲ್ಪರೆ ನಿರ್ಧಾರ ಮಲ್ದೆರ್.

ಈ ನೆಲೆಟ್ಟ್ ಆ. 31 ಬುಧಾರ ಕಾಂಡೆ 8 ಗಂಟೆಗ್ ವೇ. ಮೂ. ಕೆ. ವಾಸುದೇವ ಅಸ್ರಣ್ಣೆರೆನ ಉಪಸ್ಥಿತಿಡ್ ವಿಗ್ರಹ ಪ್ರತಿಷ್ಠೆ ಬೊಕ್ಕ ಗಣಹೋಮ ನಡಪೆರೆ ಉಂಡು. ಅವ್ವೆ ದಿನ ಕಾಂಡೆ 8:30 ಗಂಟೆರ್ದ್ ಕಟೀಲು ಲಿಂಗಪ್ಪ ಶೇರಿಗಾರ್ ಬೊಕ್ಕ ಕೂಟದಕ್ಲೆನೆರ್ದ್ ನಾದಸ್ವರ ವಾದನ ನಡಪೆರೆ ಉಂಡು. ಕಾಂಡೆ 10:30 ರ್ದ್ 11:30 ಮುಟ ಆದಿಶಕ್ತಿ ಭಜನಾ ಮಂಡಳಿ ಕಡಂದಲೆ ಮೊಕ್ಲೆನ ವತಿರ್ದ್ ಕುಣಿತ ಭಜನೆ ನಡಪೆರೆ ಉಂಡು. ಮಧ್ಯಾಹ್ನ 12:30 ಕ್ ಮಹಾಪೂಜೆ ಆದ್ ಮಧ್ಯಾಹ್ನ ಶ್ರೀ ಸೋಮನಾಥೆಶ್ವರ ಭಜನಾ ಮಂಡಳಿ ವರ್ಣ ಬೆಟ್ಟು ಕಡಂದಲೆ ಮೆಕ್ಲೆನ ವತಿರ್ದ್ ಭಜನಾ ಕಾರ್ಯಕ್ರಮ ನಡಪರೆ ಉಂಡು. ಗಂಟೆ 2:30 ರ್ದ್ 3:30 ಮುಟ ಶ್ರೀನಿವಾಸ ಮಕ್ಕಳ ಕುಣಿತ ಭಜನಾ ಕೂಟದ ವತಿರ್ದ್ ಕುಣಿತ ಭಜನೆ ಐರ್ದ್ ಬೊಕ್ಕ ರಾತ್ರಿ ಗಂಟೆ 8 ಗ್ ಮಹಾಪೂಜೆ ಆದ್ ಬಯ್ಯಗ್ 3 ಗಂಟೆರ್ದ್ 7 ಗಂಟೆ ಮುಟ ಶರತ್ ಶೆಟ್ಟಿ ಮುತಾಲಿಕೆದ ವಿಜಯ ಕಲಾವಿದೆರ್ ಕಿನ್ನಿಗೋಳಿ ಮೊಕ್ಲೆರ್ದ್ ಜಗದೀಶ್ ಶೆಟ್ಟಿ ಕೆಂಚನಕೆರೆ ನಿರ್ದೇಶನದ ತುಳುನಾಟಕ ತೊಟ್ಟಿಲ್ ನಡಪರೆ ಉಂಡು.

ಬಯ್ಯಗ್ 7 ಗಂಟೆರ್ದ್ 10 ಗಂಟೆ ಮುಟ್ಟ ಲೋಲಾಕ್ಷ ಕರ್ಕೇರ ಮೆರೆರ್ದ್ ಚಮತ್ಕಾರಿಕ ಮಾಜಿಕ್ ಶೋ ಲೋಲಾಕ್ಷ ಜಾದು ನಡಪರೆ ಉಂಡು ಪಂದ್ ಸಮಿತಿದಕುಲು ತೆರಿಪಾದೆರ್.