ತೋಕೂರು ಸ್ಪೋರ್ಟ್ಸ್ ಕ್ಲಬ್ ರ್ದ್ ಹರ್ ಘರ್ ತಿರಂಗಾ ಅಭಿಯಾನಗ್ ಚಾಲನೆ

ತೋಕೂರು ಸ್ಪೋರ್ಟ್ಸ್ ಕ್ಲಬ್ ರ್ದ್ ಹರ್ ಘರ್ ತಿರಂಗಾ ಅಭಿಯಾನಗ್ ಚಾಲನೆ

ತೋಕೂರು : ಜಿಲ್ಲಾ, ರಾಜ್ಯ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ 2021 ನೇ ಸಾಲ್ ದ ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ
ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್(ರಿ) ತೋಕೂರು, ಹಳೆಯಂಗಡಿ ನೆತ್ತ ವತಿರ್ದ್ ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ ಹರ್ ಘರ್ ತಿರಂಗಾ(ಇಲ್ಲ್ ಇಲ್ಲಡ್ ತ್ರಿವರ್ಣ) ಅಭಿಯಾನಗ್ ಸ್ಪೋರ್ಟ್ಸ್ ಕ್ಲಬ್ ಚಾವಡಿಡ್ ಗುರ್ಕಾರ್ಲಾಯಿನ ಸಂತೋಷ್ ದೇವಾಡಿಗ ಉದಿಪನ ಮಲ್ತ್ , “ಸ್ವಾತಂತ್ರ್ಯದ 75 ವರ್ಷನ್ ಪೂರ್ಣ ಮಲ್ತಿನ ನೆಲೆಟ್ಟ್ ದೇಶದ ಮಿತ್ತ್ ಉಪ್ಪುನ ಅಭಿಮಾನ, ಮೋಕೆಡ್ ಸ್ವಾತಂತ್ರ್ಯೋಚ್ಚಯನ್ ಅರ್ಥಪೂರ್ಣವಾದ್ ಆಚರಣೆ ಮಲ್ತ್ ಯಶಸ್ವಿ ಮಲ್ಪೊಡು ಪಂದ್ ಕೇಂದ್ರ ಸರ್ಕಾರ ಇಲ್ಲ್ ಇಲ್ಲಡ್ ರಾಷ್ಟ್ರಧ್ವಜ ಪಾರಾವುನ *’ಹರ್ ಘರ್ ತಿರಂಗಾ’* ಅಭಿಯಾನನ್ ಅಟ್ಟನೆ ಮಲ್ದೆರ್ . ಐತ ಪ್ರಕಾರ , ಈ ಅಭಿಯಾನದ ಅಡಿಟ್ ದೇಶದ ಪ್ರತಿಯೊರಿ ನಾಗರಿಕೆಲ ತನ್ನ ಇಲ್ಲಡ್ ಆಗಸ್ಟ್ 13 ರ್ದ್ 15 ತಾರಿಕ್ ಮುಟ ರಾಷ್ಟ್ರೀಯ ಪೆರ್ಮೆನ್ ಸಂಕೇತಿಸಾವುನ ತ್ರಿವರ್ಣ ಧ್ವಜ ಪಾರಾದ್ ರಾಷ್ಟ್ರಪ್ರೇಮ ವ್ಯಕ್ತ ಮಲ್ಪರೆ ಅವಕಾಶ ತಿಕ್ಕುಂಡು ಪಂದ್ ” ಪಂಡೆರ್ .

ಈ ಪೊರ್ತುಡು ಸ್ಪೋರ್ಟ್ಸ್ ಕ್ಲಬ್ ನ ಗೌರವ ಗುರ್ಕಾರ್ಲಾಯಿನ ಮೋಹನ್ ದಾಸ್, ಕಾರ್ಯಾಧ್ಯಕ್ಷ ಸುರೇಶ್ ಶೆಟ್ಟಿ, ಆರೋಗ್ಯ ನಿಧಿ ಕಾರ್ಯದರ್ಶಿ ಮುಕೇಶ್ ಸುವರ್ಣ, ಆಂತರಿಕ ಲೆಕ್ಕ ಪರಿಶೋಧಕೆರಾಯಿನ ಸುಭಾಸ್, ಸದಸ್ಯೆರಾಯಿನ ಯುನುಸ್, ಹಿಮಕರ್ ಕೋಟ್ಯಾನ್, ಸಂತೋಷ್. ಎಸ್ .ದೇವಾಡಿಗ, ಅರ್ಫಾಜ್, ಶಿವ ದೇವಾಡಿಗ, ಕಾರ್ತಿಕ್ ಕೋಟ್ಯಾನ್, ಸೋಮನಾಥ್, ಪ್ರದೀಪ್ ಬೊಕ್ಕ ಪದುಕೆರ್ ಪಾಲ್ ಪಡೆದಿತ್ತೆರ್ .