ಯಕ್ಷ ಲಹರಿ ತಾಳಮದ್ದಳೆ ಪ್ರತಿವರ್ಷಲ ಬುಡಂದೆ ನಡಪಡ್: ಲ.ದೇವಪ್ರಸಾದ್ ಪುನರೂರು
ಕುಡ್ಲ : ಯಕ್ಷ ಲಹರಿ (ರಿ) ಕೂಟದ ಮುತಾಲಿಕೆಡ್ ನಡತೊಂದು ಬೈದಿನ ತಾಳಮದ್ದಳೆ ಸಪ್ತಾಹ ನನಲ ಪ್ರತಿವರ್ಷಲ ನಿರಂತರವಾದ್ ನಡತೊಂದು ಬರಡ್ ಪಂದ್ ಯುವ ಉದ್ಯಮಿ, ಲಯನ್ ದೇವಪ್ರಸಾದ್ ಪುನರೂರು ಪಂಡೆರ್.
ಆರ್ ಯಕ್ಷಲಹರಿ (ರಿ), ಯುಗಪುರುಷ ಕಿನ್ನಿಗೋಳಿ ಅಂಚೆನೆ ಕರ್ಣಾಟಕ ಬ್ಯಾಂಕ್ ಒಟ್ಟುಸೇರಿಗೆಡ್ ಯುಗಪುರುಷ ಸಭಾಭವನದ ಚಾವಡಿಡ್ ನಡಪುನ 32 ನೇ ವರ್ಷದ “ಯಕ್ಷಗಾನ ತಾಳಮದ್ದಳೆ ಸಪ್ತಾಹ ಏತದ್ಧಿ ರಾಮಾಯಾಣ’ ದ ಆಜನೇ ದಿನೊತ್ತ ಸಭಾ ಕಾರ್ಯಕ್ರಮೊಡು ಗುರ್ಕಾರ್ಮೆ ಒಯಿಸೊಂದು ಪಾತೆರಿಯೆರ್.
ಈ ಪೊರ್ತುಡು ಪೆರಿಯ ಕಲಾವಿದೆರ್ ರಾಮಯ್ಯ ಪೂಜಾರಿ ಮೆರೆನ್ ಮಾನಾದಿಗೆ ಮಲ್ತೆರ್.
ಅಂಚೆನೆ ಪುಗರ್ತೆದ ಭಾಗವತೆರ್ ದಿ.ಪದ್ಯಾಣ ಗಣಪತಿ ಭಟ್ ಮೆರೆನ ನೆಂಪುನು ಪಶುಪತಿ ಭಟ್ ಮಲ್ತ್ ಕೊರಿಯೆರ್.
ಮಿತ್ತರ್ಮೆಡ್ ಶುಂಠಿಲಪದವು ಪಿಡಿಒ ಉಗ್ಗಪ್ಪ ಮೂಲ್ಯ, ಶ್ರೀ ಕ್ಷೇತ್ರ ಮುಂಡ್ಕೂರು ವ್ಯವಸ್ಥಾಪನ ಸಮಿತಿದ ಗುರ್ಕಾರ್ಲು ರವೀಂದ್ರ ಶೆಟ್ಟಿ ಮುಲ್ಲಡ್ಕ ಪರಾಡಿ, ಸಿಂಡಿಕೇಟ್ ಬ್ಯಾಂಕ್ ನಿವೃತ್ತ ಪ್ರಬಂಧಕೆರ್ ಮಂಜುನಾಥ ಮಲ್ಯ, ಭುವನಾಭಿರಾಮ ಉಡುಪ, ಸ್ವಸ್ತಿಕ್ ಪದ್ಯಾಣ, ಉದ್ಯಮಿ ನಾಗರಾಜ ಆಚಾರ್ಯ, ವಸಂತ ದೇವಾಡಿಗ, ಪಶುಪತಿ ಶಾಸ್ತ್ರಿ,ಶ್ರೀವತ್ಸ ಭಟ್, ರಾಮಹೊಳ್ಳ ಸುಧಾಕರ ಕುಲಾಲ್, ಅಶ್ವಥ ರಾವ್, ಶಶಿಧರ ರಾವ್, ಯಕ್ಷಲಹರಿದ ಗುರ್ಕಾರ್ಲು ರಘುನಾಥ ಕಾಮತ್ ಕೆಂಚನಕೆರೆ, ಉಮೇಶ್ ನೀಲಾವರ ಮೊಕುಲು ಮಾತ ಲೇಸ್ ಡ್ ಪಾಲ್ ಪಡೆದಿತ್ತೆರ್.
Editorial