ರಾಂಚಿಡ್ ಪ್ರವಾದಿ ನಿಂದನೆ ವಿರುದ್ಧದ ಪ್ರತಿಭಟನೆ ಪೊರ್ತುಡು ಲಡಾಯಿ ; ಪೊಲೀಸ್ ಫೈರಿಂಗ್ ಗ್ ಎಲ್ಯ ಆಣ್ ಸೇರ್ದ್ ರಡ್ಡ್ ಜನಕ್ ಗುಂಡು
ರಾಂಚಿ;ಪ್ರವಾದಿ ನಿಂದನೆ ವಿರುದ್ಧ ಝಾರ್ಖಾಂಡ್ ನದ ರಾಂಚಿಡ್ ಜನಕ್ಲೆನ ಲಡಾಯಿ ಜಾಸ್ತಿ ಆವೊಂದು ಉಂಡು. ಫೈರಿಂಗ್ ಡ್ ರಡ್ಡ್ ಜನ ಕಿನ್ಯ ಪ್ರಯೋದ ಜವಣ್ ಯೆರ್ ತೀರ್ ಪೋಯಿನ ಘಟನೆದ ಬಗ್ಗೆ ವರದಿ ಆತುಂಡು.
ಘಟನೆಡ್ ಪೊಲೀಸೆರ್ ಸೇರ್ದ್ 15ರ್ದ್ ಜಾಸ್ತಿ ಜನಕ್ ಗಾಯ ಆತುಂಡು. ನೂಪುರ್ ಶರ್ಮಾ ಪ್ರವಾದಿ ವಿರುದ್ಧ ಕೊರಿನ ಹೇಳಿಕೆನ್ ಖಂಡಿಸಾದ್ ದೇಶಡ್ ಪ್ರತಿಭಟನೆ ಆವೊಂದು ಉಂಡು . ನೆತ್ತ ಪಿರವುಡೇ ರಾಂಚಿಡ್ ಬಾರೀ ಲಡಾಯಿಗ್ ಕಾರಣ ಆವೊಂದು ಉಂಡು .
ನೂಪುರ್ ಶರ್ಮಾ ವಿರುದ್ಧ ಪ್ರತಿಭಟನಾಕಾರೆರ್ ಘೋಷಣೆ ಮಲ್ದೆರ್ . ಈ ಪೊರ್ತುಡು ಕಲ್ಲು ತೂರಾಟ ಆದ್ ಪೊಲೀಸೆರ್ ಫೈರಿಂಗ್ ಮಲ್ದೆರ್ .
ರಾಂಚಿದ ರೈನ್ ಮಸ್ಜಿದ್ ಹಿಂದ್ ಪುರಿ ನಿವಾಸಿ ಮುದಸ್ಸರ್ (16) ಬೊಕ್ಕ ಕರ್ಬಲಾ ಟ್ಯಾಂಕ್ ಮಾರ್ಗದ ಚಿಸ್ತಿ ಮೊಹಲ್ಲಾ ನಿವಾಸಿ ಶಾಹಿಲ್ ಅಫ್ಝಲ್ ಪೊಲೀಸೆರ್ನ ಗುಂಡುಗು ಬಲಿಯಾತೆರ್
ರಾಂಚಿ ಮೈನ್ ಮಾರ್ಗದ ಹನುಮಾನ್ ಮಂದಿರದ ಕೈತಲ್ ಪ್ರತಿಭಟನೆ ಹಿಂಸಾರೂಪಗ್ ತಿರುಗಿ ಬೊಕ್ಕ ಕರ್ಫ್ಯೂ ಪಾಡ್ದೆರ್.
Editorial