June 27, 2022

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಡಿಸಿಪಿ ಹರಿರಾಂ ಶಂಕರ್ ನನ ಹಾಸನಗ್ ಎಸ್ಪಿ

Jun 27, 2022

ಕುಡ್ಲಡ್ ಕಾನೂನು ಬೊಕ್ಕ ಸುವ್ಯವಸ್ಥೆದ ಉಪ ಪೋಲೀಸ್ ಆಯುಕ್ತೆರ್ ಆದ್ ಇತ್ತಿನ ಹರಿರಾಂ ಶಂಕರ್ ಹಾಸನಗ್ ಪೋಲಿಸ್ ವರಿಷ್ಠಾಧಿಕಾರಿ (ಎಸ್ಪಿ) ಆದ್ ಸರ್ಕಾರದ ಅಧಿಕೃತ ವರ್ಗಾವಣೆ ಆದೇಶ ಬೈದ್ಂಡ್. ಇಂಬೆರ್ 2017 ಐಪಿಎಸ್ ಬ್ಯಾಚ್‌ದ ಅಧಿಕಾರಿ. ಹರಿರಾಂ ಶಂಕರ್ 2020 ನವೆಂಬರ್‌‌ಡ್ದಿಂಚಿ ಕುಡ್ಲಡ್ ಡಿಸಿಪಿ ಆದ್ ಜನೊಮೆಚ್ಚಿಗೆ ಪಡೆದ್ ಇತ್ತೆರ್.

ಗೆಜ್ಜೆಗಿರಿ ಮೇಳದ ಗೆಜ್ಜೆ ಸೇವೆ ಅಟ್ಟಣೆದ ಸಭೆ

Jun 27, 2022

ಪುತ್ತೂರು: ಶ್ರೀ ದೇಯಿ ಬೈದೆತಿ ಕೋಟಿ ಚೆನ್ನಯ ಮೂಲಸ್ಥಾನ ಗೆಜ್ಜೆಗಿರಿ ಕ್ಷೇತ್ರದ ಸ್ಥಳ ಪುರಾಣ ಆಧಾರಿತ, ಬಾರಿ ನಿರೀಕ್ಷೆದ ಶ್ರೀ ದೇಯಿ ಬೈದೆತಿ ಕೋಟಿ ಚೆನ್ನಯ ಕೃಪಾಪೋಷಿತ ಯಕ್ಷಗಾನ ಮಂಡಳಿದ “ಶ್ರೀ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ” ಪನ್ಪಿನ ಪೊಸ ಪ್ರಸಂಗದ ಗೆಜ್ಜೆ ಸೇವೆನ್ ತುಳುನಾಡ್ ಇಡೀಯ ಪಸೆರುನ ಪುಣ್ಯ ಕೆಲಸದ ಅಟ್ಟಣೆದ ನಿಲೆಟ್ಟ್ ಶ್ರೀ ಕ್ಷೇತ್ರಡ್ ಸಭೆ ನಡತ್ಂಡ್.

ಸಭೆತ್ತ ಗುರ್ಕಾರ್ಮೆ ಒಯಿಸ್ ದ್ ಪಾತೆರಿನ ಗೆಜ್ಜೆಗಿರಿ ಕ್ಷೇತ್ರದ ಅಧ್ಯಕ್ಷೆರ್ ಪೀತಾಂಬರ ಹೆರಾಜೆ ಮೇರ್, ಬಾರಿ ಮಲ್ಲ ಸಂಖ್ಯೆದ ಭಕ್ತೆರೆನ ಬೇಡಿಕೆದಂಚ ಗೆಜ್ಜೆಗಿರಿ ಮೇಳ ಸುರು ಮಲ್ಪರೆ ತೀರ್ಮಾನ ಮಲ್ದ. ನಮ. ಎನ್ನದಿನೆರ್ದ್ ಲ ಎಚ್ಚಿನ ಪ್ರೋತ್ಸಾಹ ತಿಕ್ಕ್ ದಂಡ್ ಪಂಡೆರ್.

ತೆಂಕುತಿಟ್ಟ್ ನಮ್ಮ ಈ ಪೊಸ ಮೇಳಡ್ ಪುಗರ್ತೆದ ಭಾಗವತೆರಾಯಿನ ಗಾನ ಮಂದಾರ ಗಿರೀಶ್ ರೈ ಕಕ್ಕೆಪದವು, ನಿರಂಜನ ಪೂಜಾರಿ ಬಡಗಬೆಳ್ಳೂರು ಮೊಕ್ಲೆನ ಇಂಪುದ ಭಾಗವತಿಕೆದ ಒಟ್ಟುಗು ಸಮತೂಕದ ಹಿಮ್ಮೇಳ, ಮುಮ್ಮೇಳ ಸೇರ್ದ್ ಗಜ ಮೇಳವಾದ್ ಪಿದಾಡರೆ ಉಂಡು ಪಂಡೆರ್.

ಸಭೆಟ್ಟ್ ಕ್ಷೇತ್ರದ ಪ್ರಧಾನ ಕಾರ್ಯಂತೆರ್ ಉಲ್ಲಾಸ್ ಕೋಟ್ಯಾನ್, ಒತ್ತು ಗುರ್ಕಾರ್ಲಾಯಿನ ರವಿ ಪೂಜಾರಿ ಚಿಲಿಂಬಿ, ಒತ್ತುಕಾರ್ಯಂತೆರ್ ಮೋಹನ್ ದಾಸ್ ವಾಮಂಜೂರು ಅಂಚೆನೆ ಚಂದ್ರಶೇಖರ್ ಉಚ್ಚಿಲ, ಕಾರ್ಯಕಾರಿ ಸದಸ್ಯೆರ್, ಮೇಳ ಸಂಚಾಲಕೆರ್ ನವೀನ್ ಸುವರ್ಣ, ಕಾನೂನು ಸಲಹೆಗಾರೆರ್ ನವನೀತ್ ಹಿಂಗಾಣಿ, ರಾಜೇಂದ್ರ ಚಿಲಿಂಬಿ, ಜನಾರ್ಧನ ಪೂಜಾರಿ ಪಡುಮಲೆ, ಸುರೇಶ್ ಪೂಜಾರಿ ಉಜಿರೆ, ನಿತಿನ್ ಕುಮಾರ್ ತೆಂಕಕಾರಂದೂರು, ಗಿರೀಶ್ ರೈ ಕಕ್ಕೆಪದವು, ಶಶಿಕಿರಣ ಕಾವು, ನಾರಾಯಣ ಸುವರ್ಣ, ದಾಮೋದರ ಪಾಟಾಳಿ ಸರಾವು, ಚಂದ್ರಶೇಖರ ಸುಳ್ಯಪದವು, ದಿವಾಕರ್ ದಾಸ್ ಕಾವಳಕಟ್ಟೆ, ಜಗದೀಶ್ ಕಜೆಕಾರ್ ಮೊಕುಲು ಮಾತ ಪಾಲ್ ಪಡೆದಿತ್ತೆರ್.

ಮೇಕನಹಡ್ಲು ಶ್ರೀ ದುರ್ಗಾಪರಮೇಶ್ವರಿ ರಕ್ತೇಶ್ವರಿ, ವೀರ ಕಲ್ಕುಡ ಕ್ಷೇತ್ರಡ್ ಪರಕೆದ ಕೋಲ

Jun 27, 2022

ಎನ್.ಆರ್.ಪುರ : ಚಿಕ್ಕಮಗಳೂರು ಜಿಲ್ಲೆದ ಎನ್.ಆರ್.ಪುರ ತಾಲೂಕು ಮೇಕನಹಕ್ಲುಡು ಜೂನ್ 25 ಕ್ಕ್ ಶ್ರೀ ದುರ್ಗಾಪರಮೇಶ್ವರಿ , ರಕ್ತೇಶ್ವರಿ, ವೀರ ಕಲ್ಕುಡ ಕ್ಷೇತ್ರಡ್ ಸುಮಾರ್ 200 ಜನ ಭಕ್ತೆರ್ ಸೇರ್ದ್ ಪರಕೆದ ಕೋಲ ಕೊರಿಯೆರ್.

ಸುಮಾರು ನೂದು ವರ್ಸೊದ ಪಿರವುಡು ಕಲ್ಕುಡೆ ಬೊಕ್ಕ ಲೆಕ್ಕೆಸಿರಿ ದೈವೊಲು ಮಾನವನ ರೂಪೊಡು ಬತ್ತ್ ದ್ ಮೂಲು ನಿಲೆಯಾತೆರ್ ಪನ್ಪಿನ ಇತಿಹಾಸ. ಇತ್ತೆ ದೇವಸ್ಥಾನೊನು 12 ವರ್ಸೊರ್ದಿಂಚ ಈ ಕ್ಷೇತ್ರದ ಮೂಜನೆ ತಲೆಮಾರ್ ದಾರ್ ಆಯಿನ ಸತೀಶ್ ಪಾತ್ರಿ ಅರೆನ ಮುತಾಲಿಕೆಡ್ ನಡಪಾವೊಂದು ಉಲ್ಲೆರ್.

ಸತೀಶ್ ಪಾತ್ರಿಗ್ ಈ ಕ್ಷೇತ್ರದ ಜಬದಾರಿ ಒಯಿಸೊನ್ನಗ ಶ್ರೀ ಕ್ಷೇತ್ರೊಡು ದೈವದ ಚೊಂಬು ಬೊಕ್ಕ ಕಡ್ಸಲೆ ಮಾತ್ರ ತಿಕ್ ದಿತ್ತ್ಂಡ್. ಇತ್ತೆ ಅವು ಈ ಕ್ಷೇತ್ರ ಮಲ್ಲ ದೈವಸ್ಥಾನ ಆದ್ ಅಭಿವೃದ್ಧಿ ಆತ್ಂಡ್. ಮೂಲು ಏಪಲ ಜನಮಂದೆಲು ಸೇರೊಂದುಪ್ಪುವೆರ್.

ಆತೆ ಅತ್ತಾಂದೆ ಐತಾರದಾನಿ ದರ್ಸನ ಸೇವೆ ನಡತೊಂದಿಪ್ಪುಂಡು. ಜನಕ್ಲೆಗ್ ಈ ಸೇವೆಡ್ ಪಾಲ್ ಪಡೆಯರೆ ಇತ್ತ್ಂಡ ದುಂಬುನಾನಿ ಟೋಕನ್ ದೆತೊನೊಡಾಪುಂಡು. ಶ್ರೀ ಕ್ಷೇತ್ರಡ್ ಕಾಲಾಧಿ ಜಾತ್ರೆ ಫೆಬ್ರವರಿ ತಿಂಗೊಲ್ದ ಕುಂಭ ಸಂಕ್ರಾಂದಿದ ಮಂದಾರ್ತಿದ ಸೇವೆ ಆದ್ ತಿಂಗೊಲ್ದ ಅಕೇರಿದ 24 – 25 ತಾರೀಕ್ ಗ್ ನಡಪುಂಡು. ಈ ಕ್ಷೇತ್ರಗ್ ಬೇತೆ ಜಿಲ್ಲೆರ್ದ್ ಬೇತೆ ರಾಜ್ಯೊರ್ದು ಭಕ್ತೆರ್ ಬತ್ತ್ ದ್ ಅಕ್ಲೆನ ಕಷ್ಟ, ಸಮಸ್ಯೆ ನಿವಾರಣೆ ಮಲ್ತ್ ಪೋಪಿನವು ವಿಶೇಷ.

ತಿಗಲೆ ಬೇನೆಡ್ ತೀರ್‌ಪೋಯಿನ ನ್ಯಾಯವಾದಿ ಶ್ಯಾಮಲ ಹೆಗ್ಡೆ

Jun 27, 2022

ಪುತ್ತೂರು: ಪುತ್ತೂರು ವಕೀಲೆರೆ ಸಂಘೊದ ಸದಸ್ಯೆರಾದಿತ್ತಿನ ಹೆಬ್ಬಾರಬೈಲ್‌ದ ಶ್ಯಾಮಲಾ ಹೆಗ್ಡೆ ಕೆಲವು ಸಮಯೊಡ್ದು ಉಸಾರ್‌ದಾಂತೆ ಇತ್ತಿನಾರ್ ಸೋಮವಾರ ಕಾಂಡೆ ತಿಗಲೆ ಬೇನೆಡ್ ತೀರ್ ಪೋಯೆರ್. ಪುತ್ತೂರುದ ನ್ಯಾಯವಾದಿಲಾದ್ ಇತ್ತಿನ ಶ್ಯಾಮಲ ಹೆಗ್ಡೆ ಜೋಕ್ಲು ಪ್ರಜ್ವಲ್ ಬೊಕ್ಕ ಪವನ್‌ನ್ ಅಗತೆರ್.

Attorney Shymala Hegde dies of a heart attack

Puttur: Shymala Hegde who was a member of Lawyers Association Puttur,was unwell for some time and expired on Monday morning due to a heart attack.She was a practicing lawyer at Puttur .She leaves behind two sons Prajwal and Pawan.

Uncategorized ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉಳ್ಳಾಲಡ್ ಗುರು ಬೆಳದಿಂಗಳು ಫೌಂಡೇಶನ್‌ಡ್ದ್ ಅಬ್ಬಕ್ಕ ಸಾಲ್ ಮರ ಯೋಜನೆ

Jun 27, 2022

ಕುಡ್ಲ: ಪಸಂತ್ರದ ಒರಿಪು, ಪಸಂತ್ರನ್ ಸೊಚ್ಚ ದೀವೊನುನ ಲೇಸ್‌ಲ್ ಇನಿಕ್ಕ್ ಅಗತ್ಯ. ಅಂಚನೇ ಬಡವೆರೆನ ಸೇವೆದ ಒಟ್ಟುಡು ಪಸಂತ್ರದ ಜಾಗೃತೆ ಮಲ್ತೊಂದುಪ್ಪುನ ಗುರುಬೆಳದಿಂಗಳು ಫೌಂಡೇಶನ್‌ದ ಬೇಲೆ ಪುಗರೊಡಾಯಿನವು ಪಂದ್ ಉಳ್ಳಾಲದ ಶಾಸಕೆರ್ ಯು ಟಿ ಖಾದರ್ ಪುಗರಿಯೆರ್.

ಆರ್ ಕುದ್ರೋಳಿದ ಗುರುಬೆಳದಿಂಗಳು ಫೌಂಡೇಶನ್‌ದ ಮುತಾಲಿಕೆಡ್ ಕುಡ್ಲ ವಲಯ ಅರಣ್ಯ ಇಲಾಖೆ ಬೊಕ್ಕ ಪರಿಸರ ಪ್ರೇಮಿ ಮಾಧವ ಉಳ್ಳಾಲ್ ಒತ್ತುಸೇರಿಗೆಡ್ ನಡತಿನ ಉಳ್ಳಾಲ ಅಬ್ಬಕ್ಕನ ಪಾಪೆದಲ್ತ್ ಉಳ್ಳಾಲಬೈಲ್ ಮುಟ್ಟದ ‘ಅಬ್ಬಕ್ಕ ಸಾಲ್ ಮರ ಯೋಜನೆ’ದ ದಯಿ ನಡ್ಪಿನ ಲೇಸ್ ಉದಿಪನ ಮಲ್ತ್ ಪಾತೆರೊಂದು ಪಂಡೆರ್.

ಲೇಸ್‌ಡ್ ಉಳ್ಳಾಲ ಸಯ್ಯದ್ ಮದನಿ ದರ್ಗಾದ ಗುರ್ಕಾರ್ರ್ ಅಬ್ದುಲ್ ರಶೀದ್, ಗುರು ಬೆಳದಿಂಗಳು ಫೌಂಡೇಶನ್‌ದ ಗುರ್ಕಾರ್ರ್ ಪದ್ಮರಾಜ್ ಆರ್, ವಲಯ ಅರಣ್ಯಾಧಿಕಾರಿ ಮಹಾಬಲ, ಸೌಮ್ಯ, ಉಳ್ಳಾಲ ನಗರ ಸಭೆತ್ತ ಪೌರಾಯುಕ್ತೆರ್ ವಿದ್ಯಾ, ಗುರ್ಕಾರ್ದಿ ಚಿತ್ರಕಲಾ ಚಂದ್ರಕಾಂತ್, ಧರ್ಮರಾಜ್ ಅಮ್ಮುಂಜೆ, ಸತೀಶ್ ಕುಮಾರ್ ಬಜಾಲ್, ಯುವವಾಹಿನಿ ಕೊಲ್ಯ ಎಗ್ಗೆದ ಗುರ್ಕಾರ್ರ್ ಮೋಹನ್ ಮಾಡೂರು, ಯು. ಎ ಪ್ರೇಮನಾಥ್, ಉದಯ ಆರ್ ಕೆ, ಮನೋಜ್ ಸಾಲ್ಯಾನ್, ರಾಜಲಕ್ಷ್ಮೀ ಸುವರ್ಣ,ಕುಡ್ಲ ಕಾರ್ಪೊರೇಟರ್ ಅನಿಲ್ ಪೂಜಾರಿ, ನಾರಾಯಣಗುರು ಅಧ್ಯಯನ ಪೀಠದ ಸದಸ್ಯೆ ನಮಿತಾ ಶ್ಯಾಮ್, ಬಿಲ್ಲವ ಸಂಘದ ಪ್ರಶಾಂತ್ ಬಂಡಿಕೊಟ್ಯ, ಮಮತಾ, ವೇಣುಗೋಪಾಲ್ ಕೊಲ್ಯ, ಭಾಸ್ಕರ್ ಮಡ್ಯಾರ್, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಜಯಂತಿ, ಲೋಹಿತ್ ಪಾಲ್ ಪಡೆಯೆರ್. ಕುಸುಮಾಕರ್ ಕುಂಪಲ ಲೇಸ್ ಸುದಾರಿತೆರ್. ಫೌಂಡೇಶನ್‌ದ ಕಾರ್ಯಂತೆರ್ ರಾಜೇಶ್ ಸುವರ್ಣ ಸೊಲ್ಮೆ ಸಂದಾಯೆರ್.

Guru Beladingalu foundation has proposed Abbakka Salumara Yojana at Ullal

Mangalore: The Guru Beladingalu foundation has proposed an Abbakka Salumara Yojana in which trees ar to be planted along the roadside from Abbakka circle to Ullal town.This project will be implemented with the assistance of the Forest department Mangalore division and environmentalist Madav Ullal.

Ullal MLA UT Kadhar inaugurated this project and said that Guru Beladingalu foundation was doing a good job of helping the needy and creating awareness of saving the environment.

The president of Sayed Madani Darga of ullal,Abdul Rashid, Padmaraj R of Guru Beladingalu foundation, Range forest officer Mahabala and others participated in the program.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಂಟು ನಿಂಗ್‌‌ನ ಉಚ್ಚುನು ರಚ್ಚನೆ ಮಲ್ತಿನ ಸ್ನೇಕ್ ಅಶೋಕ್

Jun 27, 2022

ಕಳೆಂಜ: ಕಳೆಂಜ ಗ್ರಾಮದ ಶಾಲೆತ್ತಡ್ಕಡ್ ಇಲ್ಲದ ಬರಿಟ್ ಉಚ್ಚು ಒಂಜಿ ಕುಂಟು ನಿಂಗ್‌ದ್ ಬುಡ್ಪಯೆರೆ ಒದ್ದಾಡೊಂದು ಇತ್ತ್‌ನೆನ್ ತೂಯಿನ ಅಶೋಕ್ ಪೂಜಾರಿಲ್ ಲಾಯಿಲದ ಸ್ನೇಕ್ ಅಶೋಕ್‌ಗ್ ತೆರಿಪಾಯೆರ್. ಗಳಿಗೆಡ್ ಬತ್ತಿ ಸ್ನೇಕ್ ಅಶೋಕ್ ಉಚ್ಚುನು ಪತ್ತ್‌ದ್, ಅವು ನಿಂಗ್‌ದಿತ್ತಿ ಕುಂಟುನು ದೆತ್ತ್‌ದ್ ಉಚ್ಚುನು ಕಾಡ್‌ಗ್ ಬುಡಿಯೆರ್.

Snake Ashok rescues a snake that had swallowed cloth !!

Kalyanja: In am incident reported from Kalyanja Village a snake had swallowed and entangled itself with a cloth and was in trouble as it could not free itself. Ashok Poojary from here contacted expert snake Ashok from Laila who rushed in and rescued the snake and rehabilitated into the forest.

ಸುರತ್ಕಲ್ ಬಂಟರ ಸಂಘದ ಪೊಂಜೋವುಲೆ ಎಗ್ಗೆಡ್ದ್ ಪ್ರವಚನ ಲೇಸ್

Jun 27, 2022

ಸುರತ್ಕಲ್: ಬಂಟೆರೆ ಸಂಘದ ಪೊಂಜೋವುಲೆನ ಎಗ್ಗೆಡ್ದ್ ಸಂಸ್ಕಾರ, ಸಂಸ್ಕೃತಿ, ಆಚಾರ-ವಿಚಾರೊಲೆನ ಬಗೆಟ್ ಸನಾತನ ಸಂಸ್ಥೆದ ಲಕ್ಷ್ಮೀ ಪೈ ಮೇರೆಡ್ದ್ ಪ್ರವಚನದ ಲೇಸ್ ನಡತ್ಂಡ್. ಆರೆನ್ ಪೊಂಜೋವುಲೆ ಎಗ್ಗೆದ ಗುರ್ಕಾರ್ದಿ ಚಿತ್ರಾ ಜೆ ಶೆಟ್ಟಿ ಮಾನಾದಿಗೆ ಮಲ್ತೆರ್.

ಮಹಿಳಾ ಘಟಕ ಕಾಟಿಪಳ್ಳ-ಕೃಷ್ಣಾಪುರ ವಲಯ ಸಂಘಟನೆದ ಸದಸ್ಯೆ ಜಯಂತಿ ಟಿ ಶೆಟ್ರೆನ ಗುರ್ಕಾರ್ಮೆದ ಲೇಸ್‌ಡ್ ಕ್ರೀಡಾ ಕ್ಷೇತ್ರದ ಸಾಧನೆಗಾದ್ ಬಬಿತಾ ಶೆಟ್ಟಿ, ಅಂಚನೇ ಸಮಾಜ ಸೇವಕಿ ಸುಶೀಲಾ ಶೆಟ್ಟಿ ಬೊಕ್ಕ ನಿವೃತ್ತಿದ ಕಲ್ಪಾದಿ ಪ್ರೇಮಾ ಶೆಟ್ರೆನ್ ಮಾನಾದಿಗೆ ಮಲ್ತೆರ್.

ಲೇಸ್‌‌ಡ್ ಒತ್ತು ಗುರ್ಕಾರ್ದಿ ಭವ್ಯಾ ಎ ಶೆಟ್ಟಿ, ಕಾರ್ಯಂತೆರ್ ಸರೋಜ ಟಿ ಶೆಟ್ಟಿ, ಪಣವುದ ಪಾಲವೆರ್ ಶೈಲಾ ಎಸ್ ಶೆಟ್ಟಿ, ಒತ್ತು ಕಾರ್ಯಂತೆರ್ ರಾಜೇಶ್ವರಿ ಡಿ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯಂತೆರ್ ಕೇಸರಿ ಎಸ್ ಪೂಂಜಾ, ಕ್ರೀಡಾ ಕಾರ್ಯಂತೆರ್ ಅಕ್ಷತಾ ಜಿ ಶೆಟ್ಟಿ, ಸಂಘಟನಾ ಕಾರ್ಯಂತೆರ್ ಭಾರತಿ ಜಿ ಶೆಟ್ಟಿ, ಅಂಜನಾ ಶೆಟ್ಟಿ, ಚಂದ್ರಕಲಾ ಶೆಟ್ಟಿ, ಬೇಬಿ ಶೆಟ್ಟಿ ಪಾಲ್ ಪಡೆಯೆರ್.

Suratkal Bunts Association women’s wing have a discourse:

Suratkal: A discourse on culture, traditions and ethics was given by Lakshmi Pai of Sanatana organization to the members of the women’s wing of Suratkal Bunts Association.
She was welcomed by the president of the women’s wing Smt Chitra J Shetty.

Jayanthi T Shetty , member of the women’s wing of Katipalla- Krishnapura zone presided over the program and honoured Babitha Shetty acheiver in the field of sports and social worker Susheela Shetty and retired teacher Prema Shetty

The program was graced by vice president Navya Shetty, secretary Saroja T Shetty, treasurer Shaila Shwtty, joint secretary Rajeshwari D Shetty, cultural secretary Kesari S Punja, sports secretary Akshata G Shetty amongst others.

ತಿಗಲೆಬೇನೆಡ್ ತೀರ್ ಪೋಯೆರ್ 34 ನೆಕ್ಕಿಲಾಡಿ ಪಿಡಿಓ ಕುಮಾರಯ್ಯ

Jun 27, 2022

ಉಬಾರ್: 34 ನೆಕ್ಕಿಲಾಡಿ ಗ್ರಾಮ ಪಂಚಾಯತ್‌ದ ಪಿಡಿಓ ಪ್ರಭಾರ ಆದಿತ್ತಿನ ಬೋಲ್ತೇರ್ ತಾಲೂಕು ಕುದ್ರಡ್ಕದ ಕುಮಾರಯ್ಯ ಸೋಮಾರ ಪುಲ್ಯಕಾಂಡೆ ತಿಗಲೆ ಬೇನೆಡ್ ತೀರ್‌ಪೋಯೆರ್.

46 ಒರ್ಸೊ ಪ್ರಾಯೊದ ಕುಮಾರಯ್ಯೆ ರ್ ದುಂಬು ಮಚ್ಚಿನ ಗ್ರಾಮ ಪಂಚಾಯತ್‌ಡ್ ಗುಮಾಸ್ತೆ ಆದ್ ಇತ್ತಿನಾರ್ ಒಂಜರೆ ಒರ್ಸೊದ ಪಿರವು 34 ನೆಕ್ಕಿಲಾಡಿ ಗ್ರಾಮ ಪಂಚಾಯತ್‌ಡ್ ಕಾರ್ಯದರ್ಶಿಯಾದಿತ್ತೆರ್ . ಅಲ್ಪ ಪಿಡಿಓ ಇಜ್ಜಂದಿನೆಡ್ ಪ್ರಭಾರ ಪಿಡಿಓ ಆದಿತ್ತಿನಾರ್ ಜ್ವರ ಪಂದ್ ರಡ್ಡ್ ದಿನತ್ತ ರಜೆಟ್ ಇತ್ತಿನಾರೆಗ್ ತಿಗಲೆ ಬೇನೆ ಸುರುವಾದ್ ಕುಡ್ಲಗ್ ಕೊನೊಂಡಲಾ ಫಲದಾಂತೆ ಪೋಂಡು. ಕುಮಾರಯ್ಯೆರ್ ಬೊಡೆದಿ ಬೊಕ್ಕ ರಡ್ಡ್ ಕಿನ್ಯ ಜೋಕ್ಲೆನ್ ಅಗತೆರ್.

ದಕ ಜಿಲ್ಲಾ ವ್ಯಾಪ್ತಿಡ್ 53.75 ಲಕ್ಷ ರೂ. ಬಿಲೆತ್ತ್ ಅಮಲ್ ದ ವಸ್ತುಲೆನ್ ಪೊತ್ತಾಯಿನ ಪೊಲೀಸೆರ್

Jun 27, 2022

ಕುಡ್ಲ: ಅಂತಾರಾಷ್ಟ್ರೀಯ ಮಾದಕ ದ್ರವ್ಯ ಬೊಕ್ಕ ಕಳ್ಳ ಸಾಗಣೆ ವಿರೋಧಿ ದಿನತ್ತ ಅಂಗವಾದ್ ಕುಡ್ಲ ಕಮಿಷನರೇಟ್ ವ್ಯಾಪ್ತಿಡ್ ಒಟ್ಟು 53,75,300 ರೂ. ಬಿಲೆತ್ತ ಮಾದಕವಸ್ತುಲೆನ್ ಪೊಲೀಸೆರ್ ಐತಾರ ನಾಶ ಮಲ್ತೆರ್.

ಕಮಿಷನರೇಟ್ ವ್ಯಾಪ್ತಿದ 11 ಸ್ಟೇಶನ್ ದಕುಲು ಪತ್ ದಿನ 23,75,300 ರೂ. ಬಿಲೆತ್ತ 53.128 ಕೆಜಿ ಗಾಂಜಾ, 30,00,000 ರೂ. ಬಿಲೆತ್ತ 120 ಗ್ರಾಂ ಹೆರಾಯಿನ್ ನ್ ಮುಲ್ಕಿದ ರಾಮ್ಕಿ ಎನರ್ಜಿ ಬೊಕ್ಕ ಎನ್ವಿರಾನ್ ಮೆಂಟ್ ಲಿ.ಕಂಪನಿಡ್ ಪೊತ್ತಾದ್ ಪಾಡಿಯೆರ್.

ಕೋರ್ಟು ದ ಆದೇಶದಂಚ ನಡತಿನ ಈ ನಡತ್ಂಡ್. ದಕ ಜಿಲ್ಲಾ ಮಾದಕದ್ರವ್ಯ ವಿಲೇವಾರಿ ಸಮಿತಿ ಅಧ್ಯಕ್ಷೆರ್ ಸೋನಾವಣೆ ಋಷಿಕೇಶ್ ಭಗವಾನ್,ಬಂಟ್ವಾಳ ಉಪವಿಭಾಗದ ಅಧಿಕಾರಿ ಶಿವಾಂಶು ರಜಪೂತ್, ಪುತ್ತೂರು ಉಪ ವಿಭಾಗದ ಅಧಿಕಾರಿ ಗಾನ ಪಿ.ಕುಮಾರ್ ಮೊಕಲ್ನ ಎದುರುಡು ಈ ಬೇಲೆ ನಡತ್ಂಡ್.

ಗಂಡ್ ಕಾಯಿ ಮಿತ್ತ್ ಗೆಲ್ಲ್, ಇರೆ ತಿರ್ತ್

Jun 27, 2022

ಗಂಡ್ ಕಾಯಿ ಮಿತ್ತ್ ಗೆಲ್ಲ್, ಇರೆ ತಿರ್ತ್

ಕೊಪ್ಪಡ್ ತೋಜಿದ್ ಬತ್ತ್ಂಡೊಂಜಿ ಅಚ್ಚಿರ

ಪ್ರಕೃತಿ ಅವ್ವೇತೋ ವಿಶೇಷತೆ ಇಪ್ಪುಂಡು. ಆಂಡ ಒವ್ವೇ ಒಂಜಿ ಮರಟ್ಟ್ ಗೆಲ್ಲ್ , ಇರೆಕುಲು ಮಿತ್ತ್ ಇಪ್ಪುವ, ಆಂಡ ಕಾಯಿ ತಿರ್ತ್ ಇಪ್ಪುಂಡು. ಆಂಡ ಚಿಕ್ಕಮಗಳೂರು ಜಿಲ್ಲೆದ ಕೊಪ್ಪಡ್ ತೋಜಿದ್ ಬತ್ತಿನ ಒಂಜಿ ಅಚ್ಚಿರ ದಾದ ಪಂಡ ಬಪ್ಪಂಗಾಯಿದ ಒಂಜಿ ಮರಟ್ಟ್ ಬಪ್ಪಂಗಾಯಿ (ಗಂಡ್ ಕಾಯಿ) ಮಿತ್ತ್, ಆಂಡ ಗೆಲ್ಲ್, ಇರೆ ಪೂರ ತಿರ್ತ್ ಉಂಡು. ಉಂದು ವಿಚಿತ್ರ ಆಂಡಲ ಸತ್ಯ. ಅಂಚಾದ್ ಪ್ರಕೃತಿ ಪನ್ಪಿನನೇ ಒಂಜಿ ವಿಸ್ಮಯದ ಸಿರಿ ತುಪ್ಪೆ.