ಕಾಪುದ ಮಾರಿ ಪೂಜೆ ಜಾತ್ರೆಡ್ ಮುಸ್ಲಿಂ ದಕ್ಲೆಗ್ ಬೇರ ಮಲ್ಪರೆ ಅವಕಾಶ ಇಜ್ಜಿ

ಕಾಪು : ಕರ್ನಾಟಕ ಸರಕಾರ ಹಿಂದೂ ಧಾರ್ಮಿಕ ಧರ್ಮಾದಾಯ ದತ್ತಿ ಇಲಾಖೆದ ಅಧೀನಡ್ ಉಪ್ಪುನ ಕಾಪು ಮಾರಿಗುಡಿ ದೇವಲ್ ಯಡ್ ಮಾ. 22 ಬೊಕ್ಕ 23ಕ್ಕ್ ನಡಪರೆ ಉಪ್ಪುನ ಸುಗ್ಗಿ ಮಾರಿ ಪೂಜೆ ಜಾತ್ರೆಡ್ ಮುಸ್ಲಿಮ್ ದಕ್ಲೆಗ್ ಬೇರ ಮಲ್ಪರೆ ಅಂಗಡಿ ಕೊರಂದೆ ಉಪ್ಪುನೆತ್ತ ಬಗ್ಗೆ ದೇವಸ್ಥಾನದ ಆಡಳಿತ ಮಂಡಳಿ ನಿರ್ಧಾರಗ್ ತೀವ್ರ ವಿರೋಧ ವ್ಯಕ್ತ ಆತುಂಡು , ಜಿಲ್ಲಾಡಳಿತ ಆಯಿನಾತ್ ಬೇಗ ಮಧ್ಯ ಪ್ರವೇಶ ಮಲ್ತ್ ಸಂವಿಧಾನ ವಿರೋಧಿ ನಿರ್ಣಯದ ವಿರುದ್ಧ ಕ್ರಮ ದೆತೊನೊಡು ಪಂದ್ ಒತ್ತಾಯ ಮಲ್ದೆರ್ .

ಹಿಂದೂ ಜಾಗರಣಾ ವೇದಿಕೆ ಗುರುವಾರ ಕಾಪು ಪುರಸಭೆತ ಮುಖ್ಯಾಧಿಕಾರಿಲೆಗ್ ಬೊಕ್ಕ ಮೂಜಿ ಮಾರಿಗುಡಿತ ಆಡಳಿತ ಮಂಡಳಿಗ್ ಬಿನ್ನಾಪು ಮಲ್ತ್ ಮಾರಿಪೂಜೆಡ್ ಒವ್ವೆ ಮುಸ್ಲಿಮ್ ದಕ್ಲೆಗ್ ಅಂಗಡಿ/ಸ್ಟಾಲ್‌ ಪಾಡೆರೆ ಅವಕಾಶ ಕೊರಿಯೆರೆ ಬಲ್ಲಿ ಪಂದ್ ಪಂಡೆರ್.