ಇಲ್ಲಡೇ ಸಾವಯವ ಗೊಬ್ಬರ ಮಲ್ತ್ ದ್ ಲಾಭ ಪಡೆಯೊಲಿ : ಶ್ರೀ ಏಕಗಮ್ಯಾನಂದ ಸ್ವಾಮೀಜಿ
ಕೊಲ್ನಾಡ್ : ರಾಜ್ಯಮಟ್ಟದ ಕೃಷಿ ಮೇಳದ ಕಡೆತ್ತ ದಿನವಾಯಿನ ಐತಾರದಾನಿ ನಡತಿನ ರಡ್ಡನೇ “ತೆರಿಪು ಕೂಟ” ಸಂಪನ್ಮೂಲ ವ್ಯಕ್ತಿಯಾದ್ ಬೈದಿನ ಕುಡ್ಲದ ರಾಮಕೃಷ್ಣ ಮಠತ್ತ ಶ್ರೀ ಏಕಗಮ್ಯಾನಂದ ಸ್ವಾಮೀಜಿ ಮೇರ್ ಇಲ್ಲಡೇ ಕೈತೋಟ ಮಲ್ಪುನು ಎಂಚ ಅಂಚೆನೆ ಸಾವಯವ ಗೊಬ್ಬರ ತಯಾರ್ ಮಲ್ಪುನು ಎಂಚ ಪಂದ್ ತೆರಿಪಾಯೆರ್.
“ರಾಮಕೃಷ್ಣ ಮಠತ್ತ ವತಿರ್ದ್ 2014- 2019 ಮುಟ್ಟ ಕುಡ್ಲ ಡ್ 4000 ಕಾರ್ಯಕರ್ತೆರ್ನ ಜೊತೆಟ್ಟ್ ಸ್ವಚ್ಛತಾ ಕಾರ್ಯಕ್ರಮ ಮಲ್ತ. ಅಯಿತೊಟ್ಟುಗೆ ಇಲ್ಲ್ ಇಲ್ಲ್ ಡ್ ಜಾಗೃತಿ ಮಲ್ಪಾಯ. 108 ಶಾಲೆದ 13000 ಜೋಕ್ಲೆನ್ ಸೇರ್ಸಾದ್ ಕಾರ್ಯಕ್ರಮ ಮಲ್ತ. ಸಾವಯವ ಗೊಬ್ಬರ ತಯಾರಿ ಮಲ್ತ್ ದ್ ಕೈತೋಟ ಮಲ್ಪರೆ ಪ್ರೇರಣೆ ಕೊರ್ಪಾಯ ಪಂಡೆರ್.
ಪಜ್ಜಿ ಕಜವುದ ನಿರ್ವಹಣೆ ವಿಶ್ವೊಡು ಓಲ್ಲಾ ಸರಿಯಾದ್ ನಡಪುಜಿ. ಉಂದೆತ್ತ ಬಗೆಟ್ಟ್ ಮಾತೆರ್ಲ ಪೊಲಬು ಮಲ್ತೊಂಡ ಸಾವಯವ ಪದ್ದತಿಡ್ ಬುಳೆ ಬುಳೆಪಾವರೆ ಸಾಧ್ಯ ಪಂಡೆರ್.
ಕೃಷಿಕೆರ್ ಏತೇ ಕಷ್ಟ ಬುಡುಂಡಲ ಅಕ್ಲೆಗ್ ತಿಕ್ಕುನ ಲಾಭ ಮಾತ್ರ ಕಮ್ಮಿಯೆ. ಒವ್ವೇ ರಾಸಾಯನಿಕ ಗೊಬ್ಬರ ಗಲಸುನೆರ್ದ್ ಅಂಬಿ ಗೊಬ್ಬರದ ಸಾವಯವ ಗೊಬ್ಬರ ಗಲಸ್ಂಡ ಎಡ್ಡೆ. ಈ ಮುಕೇನ ಎಚ್ಚ ಲಾಭ ಪಡೆಯೊಲಿ ಪಂಡೆರ್.
ಮತ್ತರ್ಮೆಡ್ ಪಿಡಿಒ ಸೋಮಪ್ಪ ನಾಯಕ್, ರತ್ನಾಕರ ಕುಳಾಯಿ ಮೊಕುಲು ಇತ್ತೆರ್.
ನವೀನ್ ಶೆಟ್ಟಿ ಎಡ್ಮೆಮಾರ್ ತೆರಿಪು ಕೂಟದ ಸುದಾರಿಕೆ ಮಲ್ತೆರ್.
ಇತ್ತೆದ ಕಾಲಿಫ್ಲವರ್ ಡ್ ಪುರಿಯೇ ಉಪ್ಪುಜಿ
ಸಾವಯವ ಪದ್ದತಿ ಡ್ ಬುಳೆಪಾಯಿನ ಒವ್ವೇ ತರಕಾರಿಡ್ ಪುರಿ ಪತ್ತುಂಡು. ಆಂಡ ರಾಸಾಯನಿಕ ಪಾಡ್ದ್ ಬುಳೆಪಾಯಿನ ತರಕಾರಿಡ್ ಪುರಿಲ ಉಪ್ಪುಜಿ. ಒಂಜಿ ವೇಳೆ ಪುರಿ ಇತ್ತ್ಂಡಲ ಕಮ್ಮಿ ಪವರ್ ದ ಎಂಡೋಸಲ್ಫಾನ್ ದ ನೀರ್ ಡ್ ಅವೆನ್ ಮುರ್ಕಾದ್ ದೆಪ್ಪುವೆರ್. ಅಂಚಾದ್ ನಮ ತಿನ್ಪುನ ಕಾಲಿಫ್ಲವರ್ ಡ್ ಪುರಿಯೇ ಉಪ್ಪುಜಿ.ದಾಯೆಪಂಡ ಆ ವಸ್ತುಲೆಡ್ ಆತೇ ಪ್ರಮಾಣದ ಇಸ ದಿಂಜಿದಿಪ್ಪುಂಡು ಪಂದ್
ತೆರಿಪು ಕೂಟದ ಗುರ್ಕಾರ್ಮೆ ಒಯಿಸ್ ದಿನ ಡಾ.ತುಕಾರಾಮ್ ಪೂಜಾರಿ ಪಂಡೆರ್.
ಲೇಸ್ ದ ಗುರ್ಕರ್ಮೆನ್ ಜೈ ತುಲುನಾಡ್ ಸಂಘಟನೆ ಕಾಸ್ರೋಡು ಎಗ್ಗೆದ ಗುರಿಕಾರೆರ್ ಹರಿಕಾಂತ್ ಕಾಸ್ರೋಡು ವಯಿಸೊಂದು,ಮಲ್ಲ ಬಿನ್ನೆರಾದ್ ಸಮಾಜ ಸೇವಕೆ ಹರೀಶ್ ಶೆಟ್ಟಿ ಮಾಡ ಪಾಲ್ ಪಡೆಯೆರ್ .ಲೇಸ್ ದ ಸುರೂಕು ಮಾಡ ಪರಿಸರೊಡು ಸಮಾಜ ಸೇವೆ ಮಂತ್ದ್ ದೇವೆರೆ ಪಾದ ಸಂದಿನ ಚೈತ್ರೇಶ್ ಬೊಕ ದಿ |ಬಾಬು ಮಾಸ್ಟರ್ ಮುಕ್ಲೆಗ್ ಒಂಜಿ ನಿಮಿಷದ ಮೌನ ಸುಗಿಪು ಸಂದಾಂಡ್ .
