ಕುಡ್ಲ : ಮಂಡ್ಯದ ಕರುನಾಡು ಸೇವಾ ಟ್ರಸ್ಟ್ ಇಂಚೋಗು ಮೈಸೂರುಡು ಅಟ್ಟನೆ ಮಲ್ತಿನ ಲೇಸ್ ಡ್ ಬೇತೆ ಬೇತೆ ಕ್ಷೇತ್ರೊಡು ಬೇಲೆ ಮಲ್ತಿನ ಸಾಧಕೆರೆಗ್ ಮಾನದಿಗೆ ಮಲ್ಪುನ ಲೇಸ್ ನಡತುಂಡು .
ಅಭಿನಂದನ್ ಎಂ ಮುತಾಲಿಕೆಡ್ ನಡತಿನ ಈ ಲೇಸ್ ಡ್ ಗಡಿನಾಡು ಕಾಸ್ರೋಡುದ ಗಜಸೇನೆ ಘಟಕದ ಗುರ್ಕಾರ್ದಿ ಡಾ.ವಾಣಿಶ್ರೀ ಮೆರೆನ ಸಾಹಿತ್ಯ ಸಾಧನೆ ತೂದು , ‘ಕರುನಾಡು ವಿಭೂಷಣ’ ಪ್ರಶಸ್ತಿ ಕೊರ್ದು ಮಾನದಿಗೆ ಮಲ್ತೆರ್.
ನವದೆಹಲಿ: ಯುದ್ಧ ಪೀಡಿತ ಯೂಕ್ರೇನ್ರ್ದ್ ತನ್ನ ದೇಶದ ಪ್ರಜೆಕ್ಲೆನ್ ಸುರಕ್ಷಿತವಾದ್ ಸ್ಥಳಾಂತರ ಮಲ್ತಿನೆಕ್ಕ್ ಬಾಂಗ್ಲಾದೇಶದ ಪ್ರಧಾನಿ ಶೇಖ್ ಹಸಿನಾ ಮೇರ್ ಪ್ರಧಾನಿ ನರೇಂದ್ರ ಮೋದಿ ಸೊಲ್ಮೆ ಸಂದೈತ ಮಲ್ದೆರ್ .
ರಷ್ಯಾ ಕಾಂಡೆ 10 ಗಂಟೆರ್ದ್ (ಮಾಸ್ಕೋ ಸಮಯ) ತಾತ್ಕಾಲಿಕ ಕದನ ವಿರಾಮನ್ ಘೋಷಣೆ ಮಲ್ತ್ ಕೈವ್, ಚೆರ್ನಿಹಿವ್, ಸುಮಿ, ಖಾರ್ಕಿವ್ ಬೊಕ್ಕ ಮರಿಯುಪೋಲ್ ಪೆಂಟೆಡ್ ಮಾನವೀಯ ಕಾರಿಡಾರ್ಲೆನ್ ಕಟ್ಟ್ ದೆರ್.
ಐರ್ದ್ ಬೊಕ್ಕ ಭಾರತ ಅಂಗಾರೆ ಯೂಕ್ರೇನ್ದ ಸುಮಿರ್ದ್ ಪೋಲ್ಟವಾಗ್ ‘ಆಪರೇಷನ್ ಗಂಗಾ’ ಅಡಿಟ್ ಯೂಕ್ರೇನ್ಡ್ ಇತ್ತಿನ ಜನಕ್ಲೆನ್ ಲೆತೊಂದು ಪೋಯೇರೆ ಸಾಕಾರ ಕೊರಿಯೆರ್.
ಹೊಸದಿಲ್ಲಿ,: 2011ನೇ ಐಸಿಸಿ ಏಕದಿನ ವಿಶ್ವಕಪ್ ಗೆಂದಿನ ಕೂಟದ ಸದಸ್ಯ ಎಸ್.ಶ್ರೀಶಾಂತ್ ಭಾರತದ ದೇಶೀಯ ಕ್ರಿಕೆಟ್ದ ಜೀವನೊಗು ವಿದಾಯ ಪಂತೆರ್ . ಕೇರಳದ ಬಾರಿ ಬೇಗದ ಬೌಲರ್ ಶ್ರೀಶಾಂತ್ ಟ್ವಿಟರ್ದ ಮುಖೇನ ಈ ಘೋಷಣೆ ಮಲ್ತೆರ್ .
ಶ್ರೀಶಾಂತ್ 27 ಟೆಸ್ಟ್, 53 ಏಕದಿನ ಬೊಕ್ಕ 10 ಟ್ವೆಂಟಿ-20 ಪಂಥಡ್ ಭಾರತನ್ ಪ್ರತಿನಿಧಿಸಾದ್ ಇತ್ತೆರ್ .2007ಟ್ಟ್ ಆವೃತ್ತಿದ ಟ್ವೆಂಟಿ-20 ವಿಶ್ವಕಪ್ ಗೆಂದಿನ ಭಾರತದ ಕೂಟದ ಭಾಗ ಆದ್ ಇತ್ತೆರ್ . 2013ಟ್ಟ್ ಐಪಿಎಲ್ ಡ್ ಸ್ಪಾಟ್ಫಿಕ್ಸಿಂಗ್ಡ್ ಪಾಲ್ ಪಡೆಯಿನ ಆರೋಪಡ್ ರಾಜಸ್ಥಾನ ರಾಯಲ್ಸ್ದ ಒತ್ತು ಪಂತಾರ್ತಿ ಆಯಿನ ಅಜಿತ್ ಚಾಂಡಿಲಾ ಬೊಕ್ಕ ಅಂಕಿತ್ ಚವಾಣ್ನ ಒಟ್ಟುಗು ಶ್ರೀಶಾಂತ್ಗ್ ಲಾ ಬಿಸಿಸಿಐ ಆಜೀವ ನಿಷೇಧ ಕೊರ್ದು ಇತ್ತುಂಡು .
ಮಣಿಪಾಲ್ : ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಬಾನುಲಿ ಸರಣಿ ಲೇಸ್ ಡ್ ಮಾರ್ಚ್ ತಿಂಗೊಲ್ ದ ತಾರಿಕ್ 11ನೇ ಶುಕ್ರರ ದಾನಿ ಬಯ್ಯಗ್, 6 ಗಂಟೆಗ್ ಸಾವಯವ ಕೃಷಿ ವಿಧಾನದ ಮುಖೇನ ನೀರಿನ ಮಾಲಿನ್ಯ ಉಂತಾವುನ ಬಗ್ಗೆ, ಲೇಸ್ ನಡಪರೆ ಉಂಡು.
ಬ್ರಹ್ಮಾವರ ಕೃಷಿವಿಜ್ಞಾನ ಕೇಂದ್ರದ ಮಣ್ಣುವಿಜ್ಞಾನಿ ಡಾ.ಜಯಪ್ರಕಾಶ್ ,ಪ್ರಗತಿಪರ ಸಾವಯವ ಕೃಷಿಕೆರ್ ಬೊಕ್ಕ ಒಡಿಪು ಜಿಲ್ಲಾ ಕೃಷಿಕ ಸಂಘದ ಗುರ್ಕಾರ್ಲಾಯಿನ ಬಂಟಕಲ್ ರಾಮಕೃಷ್ಣ ಶರ್ಮ ,ಪ್ರಗತಿಪರ ಸಾವಯವ ಕೃಷಿಕಕೆರಾಯಿನ ಕುದಿ ಶ್ರೀನಿವಾಸಭಟ್,ಬೊಕ್ಕ ಮಾಧವ ಭಟ್ ಪಾಲ್
ಪಡೆಯರೇ ಉಲ್ಲೆರ್.
ನವದೆಹಲಿ: ಸೀರಮ್ ಇನ್ ಸ್ಟಿಟ್ಯೂಟ್ ದ ಕೋವೋವ್ಯಾಕ್ಸ್ ಮರ್ದ್ ನ್ 12 ವರ್ಷರ್ದ್ ಮಿತ್ತ್ ದ ಜೋಕ್ಲೆಗ್ ತುರ್ತು ಬಳಕೆಗಾದ್ ಡಿಸಿಜಿಐ ರ್ದ್ ಅನುಮತಿ ಕೊರ್ತೆರ್.
ಸೀರಮ್ ಇನ್ ಸ್ಟಿಟ್ಯೂಟ್ ಆಫ್ ಇಂಡಿಯಾದ ಸಿಇಒ ಆದಾರ್ ಪೂನಾವಾಲಾ ಮೇರ್ , ತನ್ನ ಕಂಪನಿ ತಯಾರ್ ಮಲ್ತಿನ ಕೋವೊವ್ಯಾಕ್ಸ್ ಮರ್ದ್ ನ್ ಪ್ರಾಯದಕ್ಲೆಗ್ ಬೊಕ್ಕ 12 ವರ್ಷರ್ದ್ ಮಿತ್ತ್ ದ ಜೋಕ್ಲೆಗ್ ತುರ್ತು ಬಳಕೆಗಾದ್ ಡಿಸಿಜಿಐರ್ದ್ ಅವಕಾಶ ಕೊರ್ತೆರ್ ಪಂದ್ ಪಂಡೆರ್.
ಕೊಲ್ನಾಡು : ರಾಜ್ಯ ಮಟ್ಟದ ಕೃಷಿ ಮೇಳದ ಸುರುತ್ತ ದಿನವಾಯಿನ ಸುಕ್ರಾರ ಪೇಜಾವರ ಮಠತ್ತ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಜಿ ಗೋಪೂಜೆ ಮಲ್ತ್ ದ್ ಪಂಜುರ್ಲಿ ಚಾವಡಿ ಉದಿಪನ ಮಲ್ತೆರ್. “ಕೃಷಿ ಇತ್ತೆದ ಕಾಲದ ಅಗತ್ಯ ಆದುಂಡು.
ಕೃಷಿರ್ದ್ ನಮ್ಮ ಭೂಮಿ ಫಲವತ್ತಾಪುಂಡು. ಕೃಷಿ ಒರಿಂಡ ಮಾತ್ರ ನಮ ಮಾತಾ ಒರಿವೊಲಿ ಪಂಡೆರ್. ಬೊಕ್ಕ ಪೇಜಾವರ ಸ್ವಾಮಿಲು ಪಾರಂಪರಿಕ ಗ್ರಾಮೊಗು ಭೇಟಿ ಕೊರ್ದು ಅಕ್ಲೆಡ ಪಾತೆರಿಯೆರ್.
ಮುಲ್ಕಿ : ಮಾತೆರ್ಲ ಮಸ್ತ್ ದಿನೊರ್ದಿಂಚಿ ಕಾತೊಂದಿತ್ತಿನ ರಾಜ್ಯಮಟ್ಟದ ಕೃಷಿ ಮೇಳ ” ಕೃಷಿ ಸಿರಿ 2022″ ಸುಕ್ರಾರದಾನಿ ಕಾಂಡೆ ಕಾರ್ನಾಡ್ ದ ಶ್ರೀ ರಾಮಕೃಷ್ಣ ವೇದಿಕೆಡ್ ಸುರುವಾಂಡ್.
ಪಡುಪಣಂಬೂರು
ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಕೃಷಿ ಮೇಳದ ಕೊಡಿ ಏರಾಯೆರ್.
ಮುಲ್ಕಿ ಸೀಮೆ ಅರಸೆರ್ ಎಂ. ದುಗ್ಗಣ್ಣ ಸಾವಂತೆರ್ ಶ್ರೀ ರಾಮಕೃಷ್ಣ ವೇದಿಕೆ ಉದಿಪನ ಮಲ್ತ್ ದ್, ದುಂಬುದ ಕಾಲೊಡು ದಾಲ ಸೌಕರ್ಯ ಇಜ್ಜಿಡಲ ಕೃಷಿ ಸಮೃದ್ಧಿಯಾದಿತ್ತ್ಂಡ್. ಇತ್ತೆ ಬೋಡಾಯಿನಾತ್ ಕೃಷಿ ಯಂತ್ರೋಪಕರಣದ ಸೌಕರ್ಯ ಇತ್ತ್ಂಡಲ ಜವನೆರ್ ಕೃಷಿರ್ದ್ ವಿಮುಖರಾವೊಂದುಲ್ಲೆರ್. ಅಂಚ ಆವರೆ ಬಲ್ಲಿ ಪಂಡೆರ್.
ಮಲ್ಲ ಬಿನ್ನೆರಾದ್ ಪಂಜುರ್ಲಿ ಗ್ರೂಪ್ ಆಫ್ ಹೋಟೆಲ್ಸ್ ಹುಬ್ಬಳ್ಳಿ ತಾಪಕೆರ್ ರಾಜೇಂದ್ರ ವಿ.ಶೆಟ್ಟಿ, ಚಂದ್ರಮೌಳೇಶ್ವರ ದೇವಸ್ಥಾನ ದ ಆಡಳಿತ ಮೊಕ್ತೇಸರೆರ್ ಜಯಂತ್ ರೈ ಪಾದೆಮನೆ, ಬೊಂಬೈ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ಭುಜಂಗ ಎಂ.ಶೆಟ್ಟಿ ಉತ್ರುಂಜೆ, ಸಿಎಸ್ಐ ಅಮ್ಮನ್ ಮೆ.ಚರ್ಚ್ ಹಳೆಯಂಗಡಿ ಉಂದೆತ್ತ ಧರ್ಮಗುರುಕುಲು ರೆ.ವಿನಯ ಲಾಲ್ ಬಂಗೇರಾ, ಹಳೆಯಂಗಡಿ ಕೇಂದ್ರ ಜುಮ್ಮಾ ಮಸೀದಿದ ಗುರುಕ್ಕುಲು ಪಿ.ಎ.ಅಬ್ದುಲ್ ಜೈನಿ, ಬಡಗನ್ನೂರು, ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಆಡಳ್ತೆ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಅಲೆಮಾರಿ ಬೊಕ್ಕ ಅರೆ ಅಲೆಮಾರಿ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್ ಕೆ. ರವೀಂದ್ರ ಶೆಟ್ಟಿ ಉಳಿದೊಟ್ಟು, ಹಳೆಯಂಗಡಿ ಗ್ರಾಮ ಪಂಚಾಯತಿ ಅಧ್ಯಕ್ಷೆರ್ ಪೂರ್ಣಿಮಾ, ಪಡುಪಣಂಬೂರು ಪಂಚಾಯತ್ ಉಪಾಧ್ಯಕ್ಷೆರ್ ಕುಸುಮಾ ಚಂದ್ರಶೇಖರ್, ಉದ್ಯಮಿ ಪದ್ಮರಾಜ್ ಎಕ್ಕಾರ್, ಪ್ರದೀಪ್ ಕುಮಾರ್ ಕಲ್ಕೂರ, ಭುವನಾಭಿರಾಮ ಉಡುಪ, ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ,ಆರೋಗ್ಯ ಅಧಿಕಾರಿ ಡಾ. ಕಿಶೋರ್ ಕುಮಾರ್, ತಾಲೂಕು ವೈದ್ಯಾಧಿಕಾರಿ ಡಾ.ಸುಜಯ್ ಭಂಡಾರಿ ಮೊಕುಲು ಮಾತ ಇತ್ತೆರ್.
ಪ್ರಭಾಕರ ಕಲ್ಲಾಪು ದೇವೆರೆನ್ ಸುಗಿತೆರ್. ಕೃಷಿಸಿರಿ ಅಧ್ಯಕ್ಷೆರ್ ವಿಜಯ ಶೆಟ್ಟಿ ಕಪಲ್ನಾಡು ಬಿನ್ನೆರೆನ್ ಎದ್ಕೊಂಡೆರ್.ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು ಜಿ.ಆರ್. ಪ್ರಸಾದ್ ಪ್ರಸ್ತಾಪುದ ನುಡಿ ಪಂಡೆರ್. ನವೀನ್ ಕುಮಾರ್ ಎಡ್ಮೆಮಾರ್ ಲೇಸ್ ಸುಧಾರಿಕೆ ಮಲ್ತೆರ್.ದಿನೇಶ್ ಕೊಲ್ನಾಡು ಸೊಲ್ಮೆ ಸಂದಾಯೆರ್.ಸಮ್ಮೇಳನದ ಕೋಶಾಧಿಕಾರಿ ಜಗದೀಶ್ ಪೈ, ಪ್ರಧಾನ ಕಾರ್ಯದರ್ಶಿ ಸಂತೋಷ್ ಶೆಟ್ಟಿ, ಸಂಚಾಲಕರಾಯಿನ ಡಾ. ಅಣ್ಣಯ್ಯ ಕುಲಾಲ್ ಉಳ್ತೂರು, ಕೃಷ್ಣ ಶೆಟ್ಟಿ ತಾರೆಮಾರ್, ಪ್ರಶಾಂತ್ ಜಿ ಪೈ, ರತ್ನಾಕರ್ ಕುಳಾಯಿ, ವಿನೋದ್ ಸಾಲಿಯಾನ್ ಬೆಳ್ಳಾಯರು, ಸಲಹೆಗಾರರಾಯಿನ ಕೆ. ರವೀಂದ್ರ ಶೆಟ್ಟಿ ಉಳಿದೊಟ್ಟು, ಕದ್ರಿ ನವನೀತ್ ಶೆಟ್ಟಿ, ಮೂಲ್ಕಿ ಜೀವನ್ ಕೆ ಶೆಟ್ಟಿ, ಪ್ರದೀಪ್ ಕುಮಾರ್ ಕಲ್ಕೂರ, ತುಕಾರಾಂ ಪೂಜಾರಿ, ಹರಿಕೃಷ್ಣ ಪುನರೂರು, ಮಾಧ್ಯಮ ಮತ್ತು ಪ್ರಚಾರ ಸಮಿತಿದ ಜಗನ್ನಾಥ ಶೆಟ್ಟಿ ಬಾಳ ಲೇಸ್ ದ ಮುತಾಲಿಕೆ ಒಯಿಸ್ ದಿತ್ತೆರ್.
