March 30, 2022

ಗೋರೆಗಾಂವ್ ಕರ್ನಾಟಕ ಸಂಘ ಗ್ರಂಥಾಯನ ವಿಭಾಗದ ಪ್ರವಾಸ ಅನುಭವ ಪಂಥ :

ಮುಂಬಯಿ,ಮಾ.30– ಪರ್ಯಟನೆಗ್ ಇತ್ತೆ ಉದ್ಯೋಗದ ದರ್ಜೆ ತಿಕ್ಕೊಂದು ಉಂಡು . ಪ್ರವಾಸ ಪಂಡ ನನೊಂಜಿ ಜಗತ್ತ್ ಅರ್ಥ ಮಲ್ಪುನ ಅವಕಾಶ . ಪ್ರವಾಸ ಪನ್ಪಿನವು ಶಿಕ್ಷಣ ಮಾಧ್ಯಮಲಾ ಅಂದ್ . ಅಂಚಾದ್ ಸೆಪ್ಟೆಂಬರ್ 27 ನ್ ವಿಶ್ವ ಪ್ರವಾಸೋದ್ಯಮ ದಿನ ಪಂದ್ ಆಚರಣೆ ಮಲ್ಪುವೆರ್ . ಪ್ರವಾಸ ನಮ್ಮ ಉಲಯಿದ ಹಾಂಕಾರನ್ ದೂರ ಮಲ್ಪುಂಡು ,ನಮ್ಮ ಸಂಸ್ಕೃತಿಯೇ ಶ್ರೇಷ್ಠ ಪನ್ಪಿನೆನ್ ಅರಿಕೆ ಮಲ್ಪುಂಡು ಪಂದ್ ಸಾಹಿತಿ, ಪತ್ರಕರ್ತ ಶ್ರೀನಿವಾಸ ಜೋಕಟ್ಟೆ ಪಂಡೆರ್ .
ಗೋರೆಗಾಂವ್ ಕರ್ನಾಟಕ ಸಂಘದ ಗ್ರಂಥಾಯನ ವಿಭಾಗವು ಮಾರ್ಚ್ 18 ತಾರೀಖ್ ಗ್ ಸಂಘದ ಬಾರ್ಕೂರು ರುಕ್ಮಿಣಿ ಶೆಟ್ಟಿ ಮಿನಿ ಚಾವಡಿಡ್ ಅಟ್ಟನೆ ಮಲ್ತಿನ ‘ಪ್ರವಾಸ ಅನುಭವ ಪಂಥ ‘ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಆರ್ ಪಾತೆರಿಯೆರ್.

ಗೋರೆಗಾಂವ್ ಕರ್ನಾಟಕ ಸಂಘ ಇತ್ತೆ ಮುಟ ಅಟ್ಟನೆ ಮಲ್ತಿನ 23 ಶೈಕ್ಷಣಿಕ ಪ್ರವಾಸ ಡ್ ಸುಮಾರ್ 15 ಪ್ರವಾಸಡ್ ಪಾಲ್ ಪಡೆಯಿನ ಖುಷಿ ಎಂಕ್ ಉಂಡು ಪಂದ್ ಶ್ರೀನಿವಾಸ ಜೋಕಟ್ಟೆ ಪಂಡೆರ್.ಲೇಸ್ ದ ಗುರ್ಕಾರ್ಮೆ ವಹಿಸಿನ, ಸಂಘದ ಗುರ್ಕಾರ್ಲಾಯಿನ ನಿತ್ಯಾನಂದ ಕೋಟ್ಯಾನ್ ಪಾತೆರ್ದ್ ನಮ್ಮ ದೇಶೋಡು ಉಪ್ಪುನ ಅವ್ವೆತೋ ಪ್ರವಾಸ ಜಾಗೆ ಉಂಡು ಪ್ರವಾಸದ ಮುಖೇನ ನಂಕ್ ಪೊಸ ಜನಕ್ಲೆನ ಗುರ್ತ ಆಪುಂಡು, ಪೊಸ ಅನುಭವ ತಿಕ್ಕುಂಡು ಪಂದ್ ಪಂಡೆರ್.

ಚಾವಡಿಡ್ ಮಲ್ಲ ಬಿನ್ನೆರ್ ಆದ್ ಬಂಟರ ಸಂಘ ಮುಂಬಯಿ ದ ಶಶಿಕಲಾ ಮಾಡ ಪಾಲ್ ಪಡೆದಿತ್ತೆರ್. ತೀರ್ಪುಗಾರೆರಾದ್
ಬತ್ತಿನ ಮಾಜಿ ಅಧ್ಯಕ್ಷ ಜಿ.ಟಿ.ಆಚಾರ್ಯೆರ್ ಪಾತೆರ್ದ್ 23 ಪ್ರವಾಸಡ್ ಅಪರೂಪದ ಅನುಭವನ್ ಪ್ರವಾಸಗ್ ಬತ್ತಿನಕುಲು , ಪ್ರವಾಸಡ್ ಪಾಲ್ ಪಡೆಯಿನಕುಲು ಇತ್ತೆರ್ ಇಂಚಿನ ಒಂಜಿ ವಿಶೇಷ ಪ್ರವಾಸ ಅನುಭವ ಪಂಥ ಅಟ್ಟನೆ ಮಲ್ಪುನಗ ನಮ್ಮುಲಯಿ ಏತ್ ಪ್ರತಿಭೆಲು ಉಲ್ಲಾ ಪಂದ್ ತೆರಿಯುoಡು ಪಂದ್ ಪಂಡೆರ್.

ಈ ಪಂಥಡ್ ಸುರುತ ಇನಾಮುನು ಗಣೇಶ್ ಕುಮಾರ್ ,ರಡ್ಡನೇ ಇನಾಮುನು ಶಿವಾನಂದ ಶೆಟ್ಟಿ, ಬೊಕ್ಕ ಮೂಜಿನೇ ಇನಾಮುನು ಸುಜಾತ ಉಮೇಶ್ ಶೆಟ್ಟಿ ಪಡೆಯೆರ್ .
ಶಾಂತಾ ಶೆಟ್ಟಿ, ಶ್ರೀಲತಾ ಐಲ್ ಬೊಕ್ಕ ವಸಂತಿ ಕೋಟೆಕಾರ್ ಮೆಕ್ಲೆನ ಪ್ರಾರ್ಥನೆದ ಒಟ್ಟುಗು ಪಂಥ ಸುರು ಆಂಡ್ . ಗ್ರಂಥಾಯನ ವಿಭಾಗದ ನಿರ್ದೇಶಕಿ ಉಷಾ ಎಸ್ ಶೆಟ್ಟಿ ಎದುಕೊಂದು ಪ್ರಾಸ್ತಾವಿಕ ನುಡಿ ಪಂಡೆರ್ . ಗ್ರಂಥಾಯನದ ನಿರ್ದೇಶಕಿ ಬತ್ತಿ ಬಿನ್ನೆರೆಗ್ ಪುರ್ಪ ಕೊರ್ದು ಎದುಕೊಂಡೆರ್ . ಅಧ್ಯಕ್ಷ ನಿತ್ಯಾನಂದ ಡಿ ಕೋಟ್ಯಾನ್ ನೆಂಪುದ ಕಾಣಿಕೆ ಕೊರಿಯೆರ್ .
ಬತ್ತಿ ಬಿನ್ನೆರ್ನ ಪೊಲಬುನು ಗ್ರಂಥಾಯನದ ಸದಸ್ಯೆ ಸುಜ್ಞಾನಿ ಬಿರಾದಾರ್, ಹೇಮಾ ಎಸ್ ಅಮೀನ್ ಮಲ್ತೆರ್ . ಗ್ರಂಥಾಯನದ ಸಂಚಾಲಕಿ ಶೈಲಾ ಎಸ್ ನಾಯಕ್ ಲೇಸ್ ನಡಪಾದ್ ಕೊರಿಯೆರ್. ಸದಸ್ಯೆ ವಿಜಯಲಕ್ಷ್ಮೀ ಸೊಲ್ಮೆ ಸಂದೈತ ಮಲ್ತೆರ್.