March 24, 2022

ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಉಚ್ಚಿಲ : ಪುದೆಕಾಣಿಕೆ ಮೆರವಣಿಗೆ

Mar 24, 2022

ಉಚ್ಚಿಲ : ಶ್ರೀ ಉಚ್ಚಿಲ ಮಹಾಲಕ್ಷ್ಮಿ ದೇವಸ್ಥಾನದ ಪುನರ್ ಪ್ರತಿಷ್ಠೆ ಬ್ರಹ್ಮ ಕಲಶ ಪುಣ್ಯೋತ್ಸವ ಗೌಜಿದ ಪೊರ್ತುಡು ಧಾರ್ಮಿಕ ಸಂಭ್ರಮದ ಭಾಗ ಆದ್ ದೇಶ ವಿದೇಶದ ನಾನಾ ಊರು ಪರವೂರುರ್ದು ಬರೊಂದು ಉಪ್ಪುನ ಪುದೆಕಾಣಿಕೆದ ಶೋಭಾಯಾತ್ರೆ ತಾ. 1-04-22 ಕ್ಕ್ ಕಾಪು ಮೂಳೂರುರ್ದು ಮಧ್ಯಾಹ್ನ 2.30ಕ್ ಪುಣ್ಯೋತ್ಸವದ ಬೊಕ್ಕ ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ನಾಡೋಜ ಜಿ.ಶಂಕರ್ ಮೇರ್ ಉದಿಪನ ಮಲ್ಪರೆ ಉಲ್ಲೆರ್.

ಇಂಚಿನ ಮಹತ್ಕಾರ್ಯಡ್ ಊರ , ಗ್ರಾಮ, ಜಿಲ್ಲೆದ ಪರಿಧಿ ಇಜ್ಜಂದೆ ಆಸ್ತಿಕ ಬಂಧುಲು ಏರ್ ಬೋಡಾoಡಲ ಪಾಲ್ ಪಡೆಯೋಲಿ ಪಂದ್ ಕ್ಷೇತ್ರದ ಆಡಳಿತ ವರ್ಗದಕುಲು ಬಿನ್ನಾಪು ಮಲ್ದೆರ್.

ಬಿರುವೆರೆ ಎಸೋಸಿಯೇಶನ್ ಬೊಂಬಾಯಿ ವತಿರ್ದ್ ಪುರಂದರ ದಾಸೆರ್ನ ಭಜನಾ ಪಂಥ

Mar 24, 2022

ಬೊಂಬಾಯಿ :ಬಿರುವೆರೆ ಎಸೋಸಿಯೇಶನ್ ಬೊಂಬಾಯಿ ಬೊಕ್ಕ ಅಂಧೇರಿ ಸ್ಥಳೀಯ ಕಚೇರಿದ ವತಿರ್ದ್ ಪುರಂದರ ದಾಸೆರ್ನ ಭಜನಾ ಪಂಥ ಮಧ್ಯಾಹ್ನ 1 ಗಂಟೆಗ್ ಶ್ರೀ. ಎಸ್. ಎನ್ ಉಡುಪ ಉದಿಪನ ಮಲ್ಪರೆ ಉಲ್ಲೆರ್. ವಿದ್ವಾನ್ ಕೈರ ಬೆಟ್ಟು ವಿಶ್ವನಾಥ ಭಟ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಅವ್ವೆ ದಿನ ಬಯ್ಯಗ್ 7 ಗಂಟೆಗ್ ಮುಗಿತಲದ ಲೇಸ್ ನಡಪರೇ ಉಂಡು.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲದ ಅಕ್ರಮ ಇಲ್ಲದ ಮಿತ್ತ್ ಜೆಸಿಬಿ ಘರ್ಜನೆ..!

Mar 24, 2022

ಕುಡ್ಲ : ಕೋಟಿ ಪಣವುದ ಜಾಗೆನ್ ಅಧಿಕಾರಿಲು ಭೂ ಮಾಫಿಯಾಗ್ (Land Mafia) ಬುರ್ದು ಕೊರಿನ ವಿಚಾರಕ್ಕೆ ವಿಚಾರಗ್ ಸಂಭಂದಿ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ವರದಿದ ಬೆರಿಟ್ಟೆ ಕೋಡೆ ತನಿಖೆ ಸುರು ಆತುಂಡು. ವರದಿ ಆಯಿನ ಬೆರಿಟ್ಟೆ ಇನಿ ಕಾಂಡೆ ಜೆಸಿಬಿ ಮುಖೇನ ಕಾರ್ಯಾಚರಣೆ ಮಲ್ತ್ ಅಕ್ರಮ ಇಲ್ಲ್ ನ್ ಜರ್ತ್ ಪಾಡ್ದೆರ್ .

ಕುಡ್ಲದ ಕೋಟೆಕಾರು ಪ.ಪಂ ವ್ಯಾಪ್ತಿದ ಮಡ್ಯಾರು ಸಾಯಿ ನಗರಡ್ ಕಂಡ್ ದ್ ಕಟ್ಟಿನ ಇಲ್ಲ್ ನ್ ಅಧಿಕಾರಿಲು ಜರ್ತ್ ದೆರ್ ಪುಲ್ಯ ಕಾಂಡೆನೇ ಅಕ್ರಮ ಇಲ್ಲದ ಮಿತ್ತ್ ಜೆಸಿಬಿ ಕಾರ್ಯಾಚರಣೆ ಮಲ್ದೆರ್.ಉಳ್ಳಾಲ ನಗರಸಭೆ ಮುಖ್ಯಾಧಿಕಾರಿ ರಾಯಪ್ಪ ಮುತಾಲಿಕೆಡ್ ಕಾರ್ಯಾಚರಣೆ ನಡತ್oಡ್ . ಮುಗಿಯೆರೆ ಆಯಿನ ಇಲ್ಲನ್ ಜೆಸಿಬಿ ಮುಖೇನ ಜರ್ಟಿನ ಅಧಿಕಾರಿಲು , ಪುಲ್ಯ ಕಾಂಡೆ 5:30 ಗಂಟೆದ ಪೊರ್ತುಗು ಕಾರ್ಯಾಚರಣೆ ಮಲ್ದೆರ್ . ಉಳ್ಳಾಲದ ಕಡಲ್ಕೊರೆತ ಸಂತ್ರಸ್ತೆರೆಗ್ ಪಂದ್ ಇತ್ತಿನ ಕೋಟ್ಯಾಂತರ ಮೌಲ್ಯದ ಜಾಗೆನ್ ಪ್ರಭಾವಿ ಖಾಸಗಿ ಬಿಲ್ಡರ್ ನಕ್ಲೆಗ್ ಬುರ್ದು ಕೊರಿನ ಸರ್ಕಾರ ಅಧಿಕಾರಿಲೆನ ಬಂಡವಾಳನ್ ನಂಕ್ ತೆರಿಪಾದ್ ಕೊರಿಯೆರ್. ಕುಡ್ಲದ ಕೋಟೆಕಾರು ಪಟ್ಟಣ ಪಂಚಾಯತ್ ವ್ಯಾಪ್ತಿದ ಮಡ್ಯಾರು ಸಾಯಿ ‌ನಗರಡ್ ಉಳ್ಳಾಲದ ಕಡಲ್ಕೊರೆತ ಸಂತ್ರಸ್ತೆರೆಗಾದ್ ಸರ್ಕಾರ 1.42 ಎಕರೆ ಜಾಗೆ ಕೊರ್ದು ಇತ್ತುಂಡು . ಕಂದಾಯ ಇಲಾಖೆ ಈ ಜಾಗೆನ್ ಉಳ್ಳಾಲ ನಗರಸಭೆಕ್ ಹಸ್ತಾಂತರ ಮಲ್ದೆರ್ , ನಗರಸಭೆ ಪುದರ್ ಡ್ ಆರ್ ಟಿಸಿಲಾ ಉಂಡು . ಆಂಡ ಕರಿನ ಕೆಲವು ವರ್ಷರ್ದ್ ಮುಲ್ಪ ಸಂತ್ರಸ್ತೆರೆಗ್ ಒವ್ವೆ ಇಲ್ಲ್ ತಿಕ್ಕoದಿನ ಕಾರಣ ಐತ ಲಾಭ ಪಡೆಯಿನ ಖಾಸಗಿ ಬಿಲ್ಡರ್ ನಕುಲು ಜಾಗೆನ್ ವಶಕ್ ದೆತೊನ್ದೆರ್ . ವರ್ಷದ ಪಿರವು ಜಾಗೆ ದೆತ್ತ್ ದ್ ಆ ಜಾಗಡೇ ಲಕ್ಷಾಂತರ ಮೌಲ್ಯದ ಆಜಿ ಇಲ್ಲ್ ರಾಜಾರೋಷವಾದ್ ಕಟ್ಟ್ ದೆರ್ . ‌ಇಂಚ ಇತ್ತುಂಡಲ ಜಾಗದ ಜವಾಬ್ದಾರಿ ಇತ್ತಿನ ಉಳ್ಳಾಲ ನಗರಸಭೆ ಆವಡ್ ಅತ್ತ್ ಕೈತಲ್ ದ ಕೋಟೆಕಾರು ಪ.ಪಂ ಬಾಯಿ ಮುಚ್ಚಿದ್ ಉಂಡು , ಭ್ರಷ್ಟ ಅಧಿಕಾರಿ ವರ್ಗ ಅಕ್ರಮಗ್ ಸಾಥ್ ಕೊರ್ತೆರ್ . ಇಂಚಾದ್ ಬಿಲ್ಡರ್ ನಕುಲು ಇಲ್ಲ್ ಕಟ್ಟ್ ದ್ ಮಾರೊಂದು ಉಲ್ಲೆರ್.

ನನ ಈ ಅಕ್ರಮಡ್ ಉಳ್ಳಾಲ ನಗರಸಭೆ, ಕೋಟೆಕಾರು ಪ.ಪಂ ಬೊಕ್ಕ ಕಂದಾಯ ಇಲಾಖೆದ ಅಧಿಕಾರಿ ವರ್ಗ ಲಂಚ ಪಪಡೆದ್ ಶಾಮೀಲಾಯಿನ ಅನುಮಾನ ಉಂಡು. ಈ ಬೇಲೆಡ್ ಕಂದಾಯ ಇಲಾಖೆ ಅಧಿಕಾರಿಲಾ ಪಾಲ್ ಪಡೆತೆರ್ ಪನ್ಪಿನ ಅನುಮಾನ ಉಂಡು, ಸದ್ಯ ದ‌‌.ಕ ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಈ ಬಗ್ಗೆ ಸಮಗ್ರ ವರದಿ ಕೊರಿಯೆರೆ ಸೂಚನೆ ಕೊರ್ತೆರ್ .

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸುರತ್ಕಲ್ ಡ್ ಸಿನಿ ಗ್ಯಾಲಕ್ಸಿ ಪಿಚ್ಚರ್ ಟಾಕೀಸ್ ಮಾ.25 ಕ್ಕ್ ಉದಿಪನ

Mar 24, 2022

ಸುರತ್ಕಲ್, ಮಾ.23: ಕುಡ್ಲ, ಮಣಿಪಾಲಡ್ ಮಾತ್ರ ಇತ್ತಿನ ಮಲ್ಟಿಫ್ಲೆಕ್ಸ್ ಪಿಚ್ಚರ್ ದ ಥಿಯೇಟರ್ ಇತ್ತೆ ಮಸ್ತ್ ತಂತ್ರಜ್ಞಾನದೊಟ್ಟುಗ್ ಮೂಜಿ ಪಿಚ್ಚರ್ ತೂಪಿನ ಹಾಲ್ ಮಾರ್ಚ್ 25 ತಾರೀಕ್ ಗ್ ಶುಕ್ರಾರದಾನಿ ಸುರತ್ಕಲ್ ಡ್ ಇಪ್ಪುನ ಅಭಿಷ್ ಮಾಲ್ ಡ್ ಉದಿಪನ ಆಯರೇ ಉಂಡು.

ಈ ಬಗೆಟ್ಟ್ ನಡತಿನ ಪತ್ರಿಕಾಗೋಷ್ಠಿಡ್ ಸಂಸ್ಥೆದ ಧನಿಕುಲು ಶಶಿಧರ್ ಕೋಡಿಕಲ್ ಪಾತೆರ್ದ್, ಸುರತ್ಕಲ್, ಪಡುಬಿದ್ರೆ, ಮುಲ್ಕಿ, ಬಜಪೆ, ಕಾಟಿಪಳ್ಳ, ಕೃಷ್ಣಾಪುರ ಕೈತಲ್ದ ಗ್ರಾಮೀಣ ಭಾಗದ ಜನಕುಲೆಗ್ ಮಲ್ಟಿಫ್ಲೆಕ್ಸ್ ಡ್ ಕುಟುಂಬ ಸಮೇತರಾದ್ ಕುಲ್ಲ್ ದ್ ಪಿಚ್ಚರ್ ತೂವೊಲಿ. ಸಿನಿಗ್ಯಾಲಕ್ಸಿಡ್ ಹವಾನಿಯಂತ್ರಿತ 3 ಪರದೆಲು ಉಂಡು. ಎಡ್ಡೆ ತಂತ್ರಜ್ಞಾನ, ಸೌಂಡ್, ವಿಡಿಯೋ ಇಪ್ಪುನ ಈ ಮೂಜಿ ಪಿಚ್ಚರ್ ದ ಥಿಯೇಟರ್ ಡ್ 412 ಕುಲ್ಲುನ ಆಸನದ ವ್ಯವಸ್ಥೆ ಉಂಡು ಪಂದ್ ಶಶಿಧರ್ ಕೋಡಿಕಲ್ ಪಂಡೆರ್.

ಪ್ರೊಜೆಕ್ಟ್ ಹೆಡ್ ಸುದರ್ಶನ ಕೋಟೆ ಪಾತೆರ್ದ್, ಯುಎಫ್ ಒ ತಂತ್ರಜ್ಞಾನದೊಟ್ಟುಗ್ ಪಿಚ್ಚರ್ ಟಾಕೀಸ್ ತಯಾರ್ ಆದಿತ್ತ್ ದ್ ರಾಕರ್, ಗೋಲ್ಡ್ ಸೋಫಾ ಸೀಟ್ಸ್, ಫುಡ್ ಕೋರ್ಟ್ ಲ ಉಂಡು. ಗ್ಯಾಲಕ್ಸಿ ಎಂಟಟೈರ್ನೆಂಟ್ ಇಂಟರ್ ನ್ಯಾಷನಲ್ ಲಿಮಿಟೆಡ್ ಸಂಸ್ಥೆ ಪಿಚ್ಚರ್ ತೂಪಿನಕುಲೆಗ್ ಕಮ್ಮಿ ಬಜೆಡ್ ಡ್ ಪಿಚ್ಚರ್ ತೂವೊಲಿ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಂಸ್ಥೆದ ನಿರ್ದೇಶಕೆರ್ ಪ್ರಜ್ವಲಾ ಶಶಿಧರ್, ರೇಣುಕಾ, ವಿದ್ಯಾ, ಸಂಸ್ಥೆದ ಮೇಲ್ವಿಚಾರಕೆರ್ ದೀಪಕ್, ಗಂಗಾಧರ್ ಇತ್ತೆರ್.

ಮಾರ್ಚ್ 25 ತಾರೀಕ್ ಗ್ ಪಿಚ್ಚರ್ ಟಾಕೀಸ್ ಉದಿಪನ ಆಯರೇ ಇತ್ತ್ ದ್, ದಿನಟ್ಟ್ 15 ಪಿಚ್ಚರ್ ದ ಪ್ರದರ್ಶನ ಇಪ್ಪುಂಡು. ಮಲ್ಲ ಮಲ್ಲ ಬಿನ್ನೆರ್ ಬೊಕ್ಕ ಕೋಸ್ಟಲ್ ವುಡ್ ದ ನಟಿನಕುಲು ಸಿನಿಗ್ಯಾಲಕ್ಸಿ ಪಿಚ್ಚರ್ ಟಾಕೀಸ್ ನ್ ಉದಿಪನ ಮಲ್ಪುವೆರ್.

Cini Galaxy movie talkies to be inaugurated on March 25th

Suratkal ,March 23rd : A three hall, well equipped cini theatre will be inaugurated on Friday March 25th,at Abish Mall Suratkal.

Speaking to the press the owner of the venture Sashidhar Kodikal said this would provide an multiplex movie experience to the rural people of surrounding areas. The halls are fully air conditioned well equipped with the latest sound system with a seating capacity for 412 persons.

Project head Sudarshan said the theatre had UFO technology with rocker gold sofa seats and a food court.Galaxy entertainment international would provide a good movie experience on a small budget.

ಚಿತ್ರದುರ್ಗಡ್ ಭೀಕರ ಅಪಘಾತ : ಒಂಜಿ ಕುಟುಂಬದ ನಾಲ್ ಜನ ಬಲಿ

Mar 24, 2022

ಚಿತ್ರದುರ್ಗ – ಮುಲ್ಪದ ಹೊಳಲ್ಕೆರೆ ಕೈತಲ್ ಬುಧಾರ ನಡತಿನ ಭೀಕರ ಅಪಘಾತಗ್ ಕಂಡನಿ , ಬೊಡೆದಿ ಬೊಕ್ಕ ರಡ್ಡ್ ಜೋಕುಲು ಬಲಿ ಆತೆರ್. ಮೊಕುಲು ಮಾತೆರ್ಲ ಚನ್ನಗಿರಿ ತಾಲೂಕುದಕುಲು.

ಒಂಜೇ ಬೈಕ್ ಡ್ ನಾಲ್ ಜನ ಪೋವೊಂದು ಇತ್ತಿನ ಪೊರ್ತುಡು ಪ್ರೈವೇಟ್ ಬಸ್ ಒಂಜಿ ಡಿಕ್ಕಿ ಆಕ್ದ್ ಅಪಘಾತ ಆತುಂಡು .ಹೊಳಲ್ಕೆರೆ ಪೊಲೀಸೆರ್ ಜಾಗೆಗ್ ಬತ್ತ್ ದ್ ಪರಿಶೀಲನೆ ಮಲ್ದೆರ್ .

ಬರ್ಪಿ ವಾರ ರಡ್ಡ್ ದಿನ ಮಾತ್ರ ಬ್ಯಾಂಕ್ ಸೇವೆ

Mar 24, 2022

ಬೆಂಗ್ಳೂರು: ಬರ್ಪಿ ವಾರ ಬ್ಯಾಂಕ್ ಸೇವೆಡ್ ಭಾರಿ ವ್ಯತ್ಯಾಸ ಆಯರೇ ಉಂಡು . ಗ್ರಾಹಕೆರ್ ಈ ವಾರನೇ ಬ್ಯಾಂಕ್ ಸಂಬಂಧಿ ತುರ್ತು ಬೇಲೆನ್ ಮಲ್ಪುನ ಎಡ್ಡೆ.ಬರ್ಪಿ ವಾರ ಮಾರ್ಚ್ 27ರ್ದ್ 29 ಮುಟ ಬ್ಯಾಂಕ್ ಮುಷ್ಕರ ಉಂಡು , 30 ಬೊಕ್ಕ 31ಕ್ಕ್ ಬ್ಯಾಂಕ್ ಓಪನ್ ಉಂಡು .

ಎಪ್ರಿಲ್ ಒಂಜೆಕ್ಕ್ ಪೊಸ ಆರ್ಥಿಕ ವರ್ಷದ ಸುರು ಆಯಿನೆರ್ದಾವರ ಸೇವೆ ಇಜ್ಜಿ . ಏಪ್ರಿಲ್ 2ಕ್ಕ್ ಯುಗಾದಿ ನೆಲೆಟ್ಟ್ ಬ್ಯಾಂಕ್ ಗ್ ರಜೆ ಉಂಡು , ಬರ್ಪಿ ವಾರ ಒಟ್ಟಾದ್ ರಡ್ಡ್ ದಿನ ಮಾತ್ರ ಬ್ಯಾಂಕ್ ಓಪನ್ ಉಂಡು .

ಬಪ್ಪನಾಡು ಮುಸ್ಲಿಮ್ ದಕ್ಲೆಗ್ ಬೇರ ಮಲ್ಪರೆ ಅವಕಾಶ ಇಜ್ಜಿ ಪನ್ಪಿ ಬ್ಯಾನರ್ಗ್ಲಾ ನಮಕ್ಲಾ ದಾಲ ಸಂಬಂಧ ಇಜ್ಜಿ ”; ಸ್ಪಷ್ಟನೆ ಕೊರಿನ ಆಡಳಿತ ಮಂಡಳಿ

Mar 24, 2022

ಬಪ್ಪನಾಡು ಮುಸ್ಲಿಮ್ ದಕ್ಲೆಗ್ ಬೇರ ಮಲ್ಪರೆ ಅವಕಾಶ ಇಜ್ಜಿ ಪನ್ಪಿ ಬ್ಯಾನರ್ಗ್ಲಾ ನಮಕ್ಲಾ ದಾಲ ಸಂಬಂಧ ಇಜ್ಜಿ ”; ಸ್ಪಷ್ಟನೆ ಕೊರಿನ ಆಡಳಿತ ಮಂಡಳಿ

ಈ‌‌ ಬಗ್ಗೆ ದೇವಸ್ಥಾನದ ಮುಖ್ಯಸ್ಥೆರ್ ದಾದ ಪಂಡೆರ್ ಗೊತ್ತಾ?

ಕುಡ್ಲ : ಬಪ್ಪನಾಡು ದುರ್ಗಾಪರಮೇಶ್ವರಿ ದೇವಲ್ಯದ ಜಾತ್ರಾ ಉಚ್ಚಯದ ಬೇರಗ್ ಸಂಬಂದಿ ಬ್ಯಾನರ್ ಪಾಡಿನ ಬಗ್ಗೆ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಪ್ರತಿಕ್ರಿಯೆ ಕೊರ್ತೆರ್ , ಬ್ಯಾನರ್ಗ್ಲಾ ನಮಕ್ಲಾ ಸಂಭಂದ ಇಜ್ಜಿ ಪಂದ್ ಸ್ಪಷ್ಟನೆ ಕೊರ್ತೆರ್.

ದೇವಲ್ಯದ ಮೊಕ್ತೇಸರೆರಾಯಿನ ದುಗ್ಗಣ್ಣ ಸಾವಂತೆರ್ ಈ‌‌ ಬಗ್ಗೆ ಪಾತೆರ್ದ್ , ಬ್ಯಾನರ್ಗ್ಲಾ ದೇವಸ್ಥಾನಗ್ಲಾ ಒವ್ವೆ ಸಂಬಂಧಇಜ್ಜಿ . ದೇವಸ್ಥಾನದ ವತಿರ್ದ್ ನಮ ಈ ಬ್ಯಾನರ್ ಪಾಡ್ದಿಜ . ಮುಸ್ಲಿಮ್ ದಕುಲು ಜಾತ್ರಾ ಉಚ್ಚಯಡ್ ವ್ಯಾಪಾರ-ವಹಿವಾಟು ಮಲ್ಪುನ ಬಗ್ಗೆ ದೇವಸ್ಥಾನದ ವತಿರ್ದ್ ಒವ್ವೆ ನಿರ್ಬಂಧ ಇಜ್ಜಿ ಪಂದ್ ಪಂಡೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಜರ್ಮನಿಡ್ ಪುಡ್ ಡೆಲಿವರಿ ಬಾಯ್ ಆದ್ ಬೇಲೆ ಮಲ್ತೊಂದು ಉಪ್ಪುನ ಅಫ್ಘಾನಿಸ್ತಾನದ ಮಾಜಿ ಸಚಿವೆ

Mar 24, 2022

ವಾಷಿಂಗ್ಟನ್‌(24-03-2022); ಇಂಚೋಗು ದುಂಬುದ ಅಫ್ಘಾನಿಸ್ಥಾನದ ಸರಕಾರಡ್ 600 ಕೋಟಿ ಡಾಲರ್ ಬಜೆಟ್ ಮಂಡನೆ ಮಲ್ತಿನ ಮಾಜಿ ಹಣಕಾಸು ಸಚಿವ ಖಾಲಿದ್‌ ಪವೆಂಡಾ ಮೆರ್ನ ತಾಲಿಬಾನ್ ಸರಕಾರ ಬತ್ತಿ ಬೊಕ್ಕದ ಬರ್ಬಾದ್ ಸ್ಟೋರಿ ವೈರಲ್ ಆದ್ ಇತ್ತುಂಡು .ಇತ್ತೆ ಕೂಡೋರಿ ಸಚಿವನ‌ ಕಥೆಲಾ ಅಂಚನೆ ಉಂಡು.ಅಫ್ಘಾನಿಸ್ಥಾನಡ್ ಸಂಹವನ ಮಾಜಿ ಸಚಿವೆ ಆದ್ ಇತ್ತಿನ ಸಯೀದ್‌ ಸಾದತ್‌, ಜರ್ಮನಿದ ಲೀಪ್‌ಜಿಗ್‌ ಪೆಂಟೆಡ್ ಪುಡ್ ಡೆಲಿವರಿ ಬಾಯ್‌ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಎಂಕ್ ಕುಟುಂಬ ನಡಪಾಯರೇ ಈ ಬೇಲೆ ಅನಿವಾರ್ಯ ಆದ್ ಉಂಡು ಪಂದ್ ಸಾದತ್‌ ಪಂತೆರ್ .ತಾಲಿಬಾನ್‌ ಸರಕಾರ‌ ಬತ್ತಿ ಬೊಕ್ಕ ಅಪ್ಘಾನ್‌ ರ್ದ್ ಜೀವರಕ್ಷಣೆಗಾದ್ ಈ ದುಂಬುದ ಸರಕಾರದ ಸಚಿವೆರ್ ಊರು ಬುರ್ದು ಬೇತೆ ದೇಶಗ್ ಪಲಾಯನ ‌ಮಲ್ತ್ ಇತ್ತೆರ್ .‌‌

March 24, 2022

ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಉಚ್ಚಿಲ : ಪುದೆಕಾಣಿಕೆ ಮೆರವಣಿಗೆ

ಬಿರುವೆರೆ ಎಸೋಸಿಯೇಶನ್ ಬೊಂಬಾಯಿ ವತಿರ್ದ್ ಪುರಂದರ ದಾಸೆರ್ನ ಭಜನಾ ಪಂಥ

ಕುಡ್ಲದ ಅಕ್ರಮ ಇಲ್ಲದ ಮಿತ್ತ್ ಜೆಸಿಬಿ ಘರ್ಜನೆ..!

ಸುರತ್ಕಲ್ ಡ್ ಸಿನಿ ಗ್ಯಾಲಕ್ಸಿ ಪಿಚ್ಚರ್ ಟಾಕೀಸ್ ಮಾ.25 ಕ್ಕ್ ಉದಿಪನ

ಚಿತ್ರದುರ್ಗಡ್ ಭೀಕರ ಅಪಘಾತ : ಒಂಜಿ ಕುಟುಂಬದ ನಾಲ್ ಜನ ಬಲಿ

ಬರ್ಪಿ ವಾರ ರಡ್ಡ್ ದಿನ ಮಾತ್ರ ಬ್ಯಾಂಕ್ ಸೇವೆ

ಜರ್ಮನಿಡ್ ಪುಡ್ ಡೆಲಿವರಿ ಬಾಯ್ ಆದ್ ಬೇಲೆ ಮಲ್ತೊಂದು ಉಪ್ಪುನ ಅಫ್ಘಾನಿಸ್ತಾನದ ಮಾಜಿ ಸಚಿವೆ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ