ಪುತ್ತೂರು: ಕಂಬಳ, ಯಕ್ಷಗಾನ ಬೊಕ್ಕ ಭೂತಾರಾಧನೆ ತುಳುನಾಡ್ ದ ಸಂಸ್ಕೃತಿ ಆದ್ ಉಂಡು , ಈ ಸಂಸ್ಕೃತಿ ಜನಕ್ಲೆನ ನಡುಟು ಬುಲೆಡ್ ಬೈದುಂಡು ಅವೆನ್ ಒರಿಪಾದ್ ಬುಲೆಪಾವುನ ನೆಲೆಟ್ಟ್ ಮಾತೆರ್ನಲ ಪ್ರೋತ್ಸಾಹ ಅಗತ್ಯ ಪಂದ್ ಮಾಜಿ ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಪಂಡೆರ್.
ಮೇರ್ ಶನಿಯಾರ ಬೈಯ್ಯಗ್ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಎದುರು ಉಪ್ಪುನ ಮಾರು ಕಂಡಡ್ ಆವೊಂದು ಉಪ್ಪುನ ಕೋಟಿ ಚೆನ್ನಯ ಜೋಡುಕರೆ ಕಂಬುಲದ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.
ಮಾಜಿ ಸಚಿವೇರಾಯಿನ ಬಿ.ರಮಾನಾಥ ರೈ, ಶಾಸಕೆರಾಯಿನ ಬೈರತಿ ಸುರೇಶ್, ಬಸವರಾಜ್, ವಿಧಾನ ಪರಿಷತ್ ಸದಸ್ಯ ಹರೀಶ್ ಕುಮಾರ್, ಮಾಜಿ ಶಾಸಕೆರಾಯಿನ ಶಕುಂತಳಾ ಟಿ.ಶೆಟ್ಟಿ,ಪಿ.ಎಂ.ಅಶೋಕ್,ಶ್ರೀನಿವಾಸ್,ಮಾಜಿ ವಿಧಾನ ಪರಿಷತ್ ಸದಸ್ಯ ಐವನ್ ಡಿ.ಸೋಜಾ, ಅಖಿಲ ಭಾರತ ಇಂಟೆಕ್ ಪ್ರಧಾನ ಕಾರ್ಯದರ್ಶಿ ರಾಕೇಶ್ ಮಲ್ಲಿ ಬಿನ್ನೆರ್ ಆದ್ ಪಾಲ್ ಪಡೆದಿತ್ತೆರ್.
ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೇರಾಯಿನ ಹರೇಕಳ ಹಾಜಬ್ಬ, ಮಹಾಲಿಂಗ ನಾಯ್ಕ ಅಮೈ ಬೊಕ್ಕ ಕಂಬಳ ಕ್ಷೇತ್ರದ ಸಾಧಕ ಕೇಶವ ಭಂಡಾರಿ ಕೈಪ ಮೆಕ್ಲೆಗ್ ಮಾನದಿಗೆ ಲೇಸ್ ನಡತುಂಡು . ಒಕ್ಕಲಿಗ ಗೌಡ ಸಂಘದ ರಾಜ್ಯ ಉಪಾಧ್ಯಕ್ಷೆರಾಯಿನ ಡಾ.ರೇಣುಕಾ ಪ್ರಸಾದ್ ಮೆರೆಗ್ ಮಾನದಿಗೆ ಮಲ್ತೆರ್.ಕಂಬುಲ ಸಮಿತಿದ ಗುರ್ಕಾರ್ಲಾಯಿನ ಚಂದ್ರಹಾಸ ಶೆಟ್ಟಿ, ಸಂಚಾಲಕ ಎನ್.ಸುಧಾಕರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ದಿನೇಶ್ ಪಿ.ವಿ, ಕೋಶಾಧಿಕಾರಿ ಈಶ್ವರ ಭಟ್ ಪಂಜಿಗುಡ್ಡೆ, ಉಪಾಧ್ಯಕ್ಷ ವಸಂತಕುಮಾರ್ ರೈ ದುಗ್ಗಳ ಪಾಲ್ ಪಡೆದಿತ್ತೆರ್.
pallavi shetty