ಬೆಂಗ್ಳೂರು : ದಿವಂಗತ ನಟ ಪುನೀತ್ ರಾಜಕುಮಾರ್ ಗ್ ಮೈಸೂರು ವಿಶ್ವವಿದ್ಯಾನಿಲಯrd ಮರಣೋತ್ತರ ಗೌರವ ಡಾಕ್ಟರೇಟ್ ಕೊರಿಯೆರೆ ಉಲ್ಲೆರ್ ಪಂದ್ ಘೋಷಣೆ ಮಲ್ದೆರ್ . ಪುನೀತ್ ರಾಜ್ ಕುಮಾರ್ ಪುಟ್ಟು ಪರ್ಬಗ್ ಮೈಸೂರು ವಿವಿರ್ದ್ ಈ ಮುಖೇನ ಇನಾಮು ಕೊರೊಂದು ಉಲ್ಲೆರ್.
ಪುನೀತ್ ರಾಜಕುಮಾರ್ ಕುಟುಂಬದದಕ್ಲೆನ್ ಸಂಪರ್ಕ ಮಲ್ದ . ಪುನೀತ್ ನ ಬೊಡೆದಿ ಅಶ್ವಿನಿ ಘಟಿಕೋತ್ಸವಗ್ ಬರಿಯೆರೆ ಒಪ್ಪಿಯೆರ್ ಪಂದ್ ಮೈಸೂರು ವಿಶ್ವವಿದ್ಯಾನಿಲಯ ಕುಲಪತಿ ಪ್ರೋ ಹೇಮಂತ್ ಕುಮಾರ್ ಘೋಷಣೆ ಮಲ್ದೆರ್ .
ಮಾರ್ಚ್ 22 ಕ್ಕ್ ಮೈಸೂರು ವಿಶ್ವವಿದ್ಯಾನಿಲಯದ 102ನೇ ಘಟಿಕೋತ್ಸವ ಲೇಸ್ ನಡಪೆರೆ ಉಂಡು . ಈ ದಿನ ಮೂಜಿ ಮಹನೀಯೆರೆಗ್ ಗೌರವ ಡಾಕ್ಟರೇಟ್ ಕೊರಿಯೆರೆ ಉಲ್ಲ ಪಂದ್ ಪಂಡೆರ್. ಚಲನಚಿತ್ರ ನಟ ದಿವಂಗತ ಪುನೀತ್ ರಾಜಕುಮಾರಗ್ ಮರಣೋತ್ತರ ಡಾಕ್ಟರೇಟ್, ಪೆರಿಯ ವಿಜ್ಞಾನಿ ಡಾ ವಿ.ಎಸ್. ಅತ್ರೆ ಬೊಕ್ಕ ಜನಪದ ಗಾಯಕ ಮಳ್ಳವಳ್ಳಿ ಮಹಾದೇವಸ್ವಾಮಿ ಮೆಕ್ಲೆಗ್ ಗೌರವ ಡಾಕ್ಟರೇಟ್ ಕೊರಿಯೆರೆ ಉಲ್ಲೆರ್ ಪಂದ್ ಪಂಡೆರ್.
pallavi shetty