ಕೊಲ್ನಾಡ್: ಕೃಷಿ ಸಿರಿ ಗ್ರಾಮೀಣ ಕ್ರೀಡೋತ್ಸವ

ಮುಲ್ಕಿ : ಮುಲ್ಕಿ ತಾಲೂಕುದ ಕೊಲ್ನಾಡ್ ಡ್ ಮಾಚ್೯ 11, 12 ,13 ಮುಟ್ಟ ನಡಪರೆ ಉಪ್ಪುನ ” ಕೃಷಿ ಸಿರಿ” ಕೃಷಿ ರಾಜ್ಯ ಸಮ್ಮೇಳನ 2022 ದ ನಿಲೆಟ್ಟ್ ಸಾಂಪ್ರಾದಾಯಿಕ ಗ್ರಾಮೀಣ ಕ್ರೀಡೋತ್ಸವ ಲಗೋರಿ ಬೊಕ್ಕ ಹಗ್ಗ ಜಗ್ಗಾಟ ಸ್ಪರ್ಧೆ ಫೆ. 27 ಐತಾರ ಕೊಲ್ನಾಡ್ ಮೈದಾನಡ್ ನಡತ್ಂಡ್.
ಅದಾನಿ ಫೌಂಡೇಷನ್ ದ ದಕ್ಷಿಣ ಭಾರತದ ಅಧ್ಯಕ್ಷೆರ್ ಕಿಶೋರ್ ಆಳ್ವ ಪಾತೆರ್ದ್, ಮಾತೆರೆಗ್ಲಕೃಷಿತ್ತ ಮಿತ್ತ್ ಮೋಕ್ಯೆ ಬೋಡು. ಶಾಲೆಡ್ ಜೋಕುಲೆಗ್ ಕೃಷಿ ತ್ತ ಬಗೆಟ್ಟ್ ಕಲ್ಪಾವೊಡು ಪಂಡೆರ್.

ಮಿತ್ತೆರ್ಮೆಡ್
ಮಲ್ಲ‌ ಬಿನ್ನೆರಾದ್ ಪಡುಪಣಂಬೂರು ಗ್ರಾಪಂ ಸದಸ್ಯೆರಾಯಿನ ವಿನೋದ್ ಸಾಲ್ಯಾನ್, ಹರಿಪ್ರಸಾದ್, ಅತಿಕಾರಿಬೆಟ್ಟು ಗ್ರಾಪಂ ಅಧ್ಯಕ್ಷೆರ್ ಮನೋಹರ ಕೋಟ್ಯಾನ್, ಕೃಷಿ ಮೇಳ ಕೃಷಿ ಸಿರಿ 2022 ಅಧ್ಯಕ್ಷೆರ್ ವಿಜಯ ಶೆಟ್ಟಿ, ಪದುಕೆರಾಯಿನ ಜೀವನ್ ಶೆಟ್ಟಿ ಕಾರ್ನಾಡ್, ಮಮತಾ ಅಣ್ಣಯ್ಯ ಕುಲಾಲ್, ಮುಕ್ಕ ಶ್ರೀನಿವಾಸ ಆಸ್ಪತ್ರೆದ ಡಾ. ಡೇವಿಡ್ ರೊಸಾರಿಯೋ, ಲಯನ್ಸ್ ಕ್ಲಬ್ ಕದ್ರಿ ಹಿಲ್ಸ್ ದ ಜಗದೀಶ್ ಪೈ, ಸಂತೋಷ್ ಶೆಟ್ಟಿ, ಕೃಷ್ಣ ಶೆಟ್ಟಿ ತಾರೆಮಾರ್ ಮೊಕುಲು ಮಾತ ಇತ್ತೆರ್.
ದಿನೇಶ್ ಕೊಲ್ನಾಡು ಲೇಸ್ ನಡಪಾದ್ ಕೊರಿಯೆರ್. ವಿಜಯ ಶೆಟ್ಟಿ ಸೊಲ್ಮೆ ಸಂದಾಯೆರ್.
ಅವೆರ್ದ್ ಬೊಕ್ಕ ಕ್ರೀಡಾ ಭಾರತಿ ಮುತಾಲಿಕೆಡ್ ಲಗೋರಿ ಬೊಕ್ಕ ಹಗ್ಗ ಜಗ್ಗಾಟ ನಡತ್ಂಡ್.
ಉಂದುವೇ ಪೊರ್ತುಡು ಶ್ರೀನಿವಾಸ್ ಮೆಡಿಕಲ್ ಕಾಲೇಜು ಆಸ್ಪತ್ರೆದ ಸಹಕಾರೊಡು ರಕ್ತದಾನ ಶಿಬಿರ ಬೊಕ್ಕ ಪುಟ್ಟಣ್ಣ ಕುಲಾಲ್ ಪ್ರತಿಷ್ಢಾನ (ರಿ)ಕುಡ್ಲ ಮೊಕ್ಲೆನ ಸಹಕಾರೊಡು ಧರ್ಮಾರ್ಥ ಆಯುಷ್ ಮಾನ್ ಕಾರ್ಡ್, ಇ ಶ್ರಮಿಕ್ ಕಾರ್ಡ್ ಶಿಬಿರ ನಡತ್ಂಡ್.

ಅವೆರ್ದ್ ಬೊಕ್ಕ ಅವಿಭಜಿತ ದಕ ಬೊಕ್ಕ ಒಡಿಪು, ಕಾಸ್ರೋಡು ಜಿಲ್ಲೆಗ್ ಕೃಷಿ ಸಿರಿ 2022 ಪ್ರಚಾರ ವಾಹನೊಗು ಚಾಲನೆ ಕೊರಿಯೆರ್.