ಕುಡ್ಲ,ಫೆ.22: ಸುಳ್ಳು ಸುದ್ದಿನ್ ಪಗರಿಸಾದ್ ಜನಕ್ಲೆನ ಶಾಂತಿನ್ ಭಂಗ ಮಲ್ಪರೆ ಪ್ರಯತ್ನ ಮಲ್ಪುನ ಸಮಾಜಘಾತಕೆರ್ನ ಮಿತ್ತ್ ಪೊಲೀಸ್ ಪೊಲೀಸ್ ಇಲಾಖೆ ನಿಗಾ ವಹಿಸಾದೆರ್. ಫೇಸ್ಬುಕ್, ವಾಟ್ಸಾಪ್ ಇಂಚಿತ್ತಿನ ಸಾಮಾಜಿಕ ಜಾಲತಾಣಡ್ ಸುಳ್ಳು ಸುದ್ದಿನ್ ಪಾಡ್ದ್ ಅವೆನ್ ಪಗರಿಸಾವುನ ಧೈರ್ಯ ಬೊಡ್ಚಿ ಪಂದ್ ಕುಡ್ಲದ ಪೊಲೀಸ್ ಕಮಿಷನರ್ ಎನ್ ಶಶಿಕುಮಾರ್ ಎಚ್ಚರಿಕೆನ್ ಕೊರಿಯೆರ್.
ಶಿವಮೊಗ್ಗಡ್ ಬಜರಂಗದಳತ್ತ ಕಾರ್ಯಕರ್ತೆ ಹರ್ಷ ಹತ್ಯೆ ಪ್ರಕರಣದ ಬೆರಿಟ್ಟೆ ಸಾಮಾಜಿಕ ಜಾಲತಾಣಡ್ ಹತ್ಯೆಯಾಯಿನ ಹಿಂದೂ ಸಂಘಟನೆದ ಕಾರ್ಯಕರ್ತೆ ಹರ್ಷ ವಿರುದ್ಧ ಬೊಡ್ಚಾಂದಿನ ಬರವುನ್ ಪಾಡ್ದ್ ಅವೆನ್ ಪೋಸ್ಟ್ ಮಲ್ತಿನ “ಮಂಗಳೂರು ಮುಸ್ಲಿಂ” ಪುದರ್ ದ ಫೇಸ್ಬುಕ್ ಪೇಜ್ ವಿರುದ್ದ ಕುಡ್ಲದ ಪೊಲೀಸೆರ್ ಸುಮೋಟೋ ಕೇಸ್ ದಾಖಲು ಮಲ್ತುದೆರ್.
ಶಿವಮೊಗ್ಗಡ್ ಹರ್ಷನ್ ಕೆರಿನ ಘಟನೆನ್ ಫೇಸ್ಬುಕ್ ಡ್ ಬೊಡ್ಚಾಂದಿನ ಪದಟ್ಟ್ ಬರೇದ್ ಕೊಲೆಯಾಯಿನಾಯೆ ಶಿವಮೊಗ್ಗದ ಬೀದಿ ನಾಯಿ ಪಂದ್ ಉಲ್ಲೇಖ ಮಲ್ತೆರ್. 2015 ಟ್ಟ್ ಹರ್ಷ ಪನ್ಪಿನ ಪ್ರವಾದಿನ್ ನಿಂದನೆ ಮಲ್ತ್ ದೆ ಪಂದ್ ಆರೋಪಿಸಾದ್ ಪ್ರವಾದಿನ್ ನಿಂದನೆ ಮಲ್ತಿನಾಯೆನ್ ಏಪೆಗ್ಲಾ ಬುಡ್ಪುಜ ಪಂದ್ ಫೇಸ್ಬುಕ್ ಪೇಜ್ ಡ್ ಎಚ್ಚರಿಕೆ ಕೊರ್ದಿತ್ತೆರ್.
ಈ ಬಗೆಟ್ಟ್ ಕುಡ್ಲದ ಮುಸ್ಲೀಮ್ಸ್ ಫೇಸ್ಬುಕ್ ಡ್ ಎಚ್ಚರಿಕೆ ಕೊರ್ದಿತ್ತೆರ್. ಈ ವಿಷಯಡ್ ಕುಡ್ಲದ ಮುಸ್ಲಿಂ ಪೇಜ್ ವಿರುದ್ಧ ಸುಮೋಟೋ ಪ್ರಕರಣ ದಾಖಲಿಸಾಯಿನ ಪೊಲೀಸೆರ್ ತನಿಖೆನ್ ಸುರು ಮಲ್ತ್ ದೆರ್.ಈ ಬೆಗೆಟ್ಟ್ ಹೇಳಿಕೆನ್ ಕೊರಿನ ಕುಡ್ಲದ ಕಮಿಷನರ್ ಎನ್ ಶಶಿಕುಮಾರ್ ಮೇರ್ ಶಿವಮೊಗ್ಗಡ್ ಕೆರಿ ಬೊಕ್ಕ ಕುಡ್ಲಡ್ ಕೆಲ ವ್ಯಕ್ತಿಲು ಸಂಘಟನೆದ ಪುದರ್ ಡ್ ಸಾಮಾಜಿಕ ಜಾಲತಾಣಡ್ ಕೋಮ ಭಾವನೆನ್ ಕೆರಲಿಸಾದ್, ಹತ್ಯೆ ಬೆದರಿಕೆನ್ ಪಾಡೊಂದಿಪ್ಪುನವ್ ತೋಜಿದ್ ಬತ್ತಿತ್ತ್ ದ್, ಇಂಚಿತ್ತಿನಕ್ಲೆನ ವಿರುದ್ಧ ಕಾನೂನು ಕ್ರಮನ್ ಪಾಡುವ ಪಂದ್ ಎಚ್ಚರಿಕೆನ್ ಕೊರ್ತೆರ್.
ಆಯಿತೊಟ್ಟ್ ಗ್ ವಾಟ್ಸಾಪ್, ಫೇಸ್ಬುಕ್ ಡ್ ಇಂಚಿತ್ತಿನ ಸೂಕ್ಷ್ಮ ವಿಚಾರನ್ ಲೈಕ್ ಅಂಚನೆ ಶೇರ್ ಮಲ್ತ್ಂಡ ಅಂಚಿತ್ತಿನಕ್ಲೆನ ವಿರುದ್ಧಲ ಸರಿಯಾಯಿನ ಕ್ರಮ ದೆತೊನರೆ ಉಂಡು ಪಂದ್ ಎಚ್ಚರಿಕೆನ್ ಕೊರ್ತೆರ್.
pallavi shetty