ಸಾಹಿತಿ ಗುರುರಾಜ ಮಾರ್ಪಳ್ಳಿ ಮೆರೆನ ಕೊಳಲಿನ ಸ್ವರ ಬೂಕು ಬುಡುಗಡೆ

ಕುಡ್ಲ : ಸಾಹಿತಿ ಗುರುರಾಜ ಮಾರ್ಪಳ್ಳಿ ಮೆರೆನ ಕೊಳಲಿನ ಸ್ವರ ಅನುಭವ ಕಥನ ಬೂಕುನು ಕೋಡೆ ಪಿರಿಯಸಾಹಿತಿ ವೈದೇಹಿ ಮಣಿಪಾಲದ ಇರುವಂತಿಗೆ ಇಲ್ಲಡ್ ಬುಡುಗಡೆ ಮಲ್ತೆರ್ . ಕಲೆಯ ಪ್ರಪಂಚದ ಉನ್ನತ ಸಾಧಕೆರ್ನ ಅನುಭವದ ದಾಖಲೆಲು ವರ್ತಮಾನ ಜಗತ್ತ್ ಗ್ ಅಗತ್ಯವಾದ್ ಉಂಡು ಐರ್ದ್ ಪೊಸ ಜನಾಂಗ ಪ್ರೇರಣೆ

ಪಡೆಯೆರೆ ಸಾಧ್ಯ ಪಂದ್ ಕೃತಿದ ಬಗ್ಗೆ ವೈದೇಹಿ ಪಂಡೆರ್.

ಗುರುರಾಜ ಮಾರ್ಪಳ್ಳಿ ಪಾತೆರ್ದ್ ತಾನ್ ಬರೆಯೆರೆ ಶ್ರೀಮತಿ ವೈದೇಹಿ ಮೆರೆನ ಪ್ರೇರಣೆನೇ ಕಾರಣ ಆದ್ ಉಂಡು , ಕಲೆತ ಪ್ರಪಂಚಡ್ ಬೇಲೆ ಮಲ್ತಿನ ಉದ್ದಾಮ ವ್ಯಕ್ತಿತ್ವಲಾಯಿನ ಕಾರಂತ ಬಿ.ವಿ.ಕಾರಂತ, ಕೆ.ವಿ.ಸುಬ್ಬಣ್ಣ, ಕೆರೆಮನೆ ಶಂಭು ಹೆಗಡೆ, ಮಹಾಬಲ ಹೆಗಡೆ ಮೆಕ್ಲೆನ ಒಟ್ಟುಗು ಪಡೆಯಿನ ನೆಂಪು ಪಟ್ಟೋನ್ಡೆರ್ . ಈ ಪೊರ್ತುಡು ಒಡಿಪು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತ್ ದ ಗುರ್ಕಾರ್ಲಾಯಿನ ರವಿರಾಜ್ ಎಚ್.ಪಿ ಪಾಲ್ ಪಡೆದಿತ್ತೆರ್.