ಕಾಲೇಜು ಅಭಿವೃದ್ಧಿ ಸಮಿತಿ ಸಭೆ ಮಲ್ಪರೆ ಸೂಚನೆ ಕೊರಿನ ಒಡಿಪು ಡಿಸಿ ಕೂರ್ಮಾರಾವ್

ಒಡಿಪು : ರಾಜ್ಯದ ಪದವಿ ಮತ್ತು ಪದವಿಪೂರ್ವ ಬೊಕ್ಕ ವಸ್ತ್ರಸಂಹಿತೆಗ್ ಸಂಬಂಧಿ ಹೈಕೋರ್ಟ್ ಪೂರ್ಣಪೀಠ ಕೊರಿನ ಮಧ್ಯಂತರ ಆದೇಶನ್ ಪಾಲನೆ ಮಲ್ಪುನ ನೆಲೆಟ್ಟ್ ಮುಖ್ಯಮಂತ್ರಿಲೆನ ಗುರ್ಕಾರ್ಮೆಡ್ ವಿಡಿಯೋ ಕಂಫರೆನ್ಸ್ ಮುಖೇನ ಮಾತಾ ಜಿಲ್ಲಾಧಿಕಾರಿಲು , ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಲು ಪೊಲೀಸ್ ಅಧೀಕ್ಷಕೆರ್ ಬೊಕ್ಕ ಪೊಲೀಸ್ ಕಮಿಷನರ್ ಗ್ ಮುಖ್ಯಮಂತ್ರಿ ಅಗತ್ಯ ಸೂಚನೆ ಕೊರ್ತೆರ್.

ಈ ನೆಲೆಟ್ಟ್ ವಸ್ತ್ರಸಂಹಿತೆ ಬಗ್ಗೆ ಉಚ್ಚ ನ್ಯಾಯಾಲಯದ ಪೂರ್ಣಪೀಠ ಕೊರಿನ ಆದೇಶೊನು ಪಾಲನೆ ಮಲ್ಪರೆ ಒಡಿಪು ಜಿಲ್ಲೆದ ಮಾತಾ ಪದವಿಪೂರ್ವ ಬೊಕ್ಕ ಪದವಿ ಕಾಲೇಜ್ಡ್ ಇನಿ ಫೆ. 12 ನೇ ಶನಿಯಾರ ದಾನಿ ಶಿಕ್ಷಕೆರ್ನ ಬೊಕ್ಕ ಪೋಷಕೆರ್ನ ಸಭೆ, ಕಾಲೇಜು ಅಭಿವೃದ್ಧಿ ಸಮಿತಿ ಸಭೆ ಬೊಕ್ಕ ಕಾಲೇಜು ಆಡಳಿತ ಮಂಡಳಿ ಸಭೆನ್ ಲೆತ್ತ್ ದ್ ,ನ್ಯಾಯಾಲಯದ ಆದೇಶೊನು ಪಾಲನೆ ಮಲ್ಪರೆ ಮಾತಾ ಅಗತ್ಯ ಕ್ರಮದೆತೊನೆರೆ ಪ್ರಾಂಶುಪಾಲೆರೆಗ್ , ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಬೊಕ್ಕ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಸೂಚನೆ ಕೊರ್ತೆರ್ .