ಅಭಿವೃದ್ಧಿ

ಕಾರ್ಲ : ಸಾಣೂರುಡು ನಡತೊಂದು ಉಪ್ಪುನ ಮಠದ ಕೆರೆ ಅಭಿವೃದ್ಧಿ ಕಾಮಗಾರಿ ಬೊಕ್ಕ ಕ್ರೀಡಾಂಗಣ ಅಭಿವೃದ್ಧಿ ಕಾಮಗಾರಿದ ಬೇಲೆ ತೂಯಿನ ಸಚಿವ ಸುನಿಲ್ ಕುಮಾರ್

ಕಾರ್ಲ : ಸಾಣೂರುಡು ನಡತೊಂದು ಉಪ್ಪುನ ಮಠದ ಕೆರೆ ಅಭಿವೃದ್ಧಿ ಕಾಮಗಾರಿ ಬೊಕ್ಕ ಕ್ರೀಡಾಂಗಣ ಅಭಿವೃದ್ಧಿ ಕಾಮಗಾರಿದ ಬೇಲೆ ತೂಯಿನ ಸಚಿವ ಸುನಿಲ್ ಕುಮಾರ್

ಸಾಣೂರು : ಕಾರ್ಲದ ಸಾಣೂರುಡು ನಡತೊಂದು ಉಪ್ಪುನ ಮಠದ ಕೆರೆ ಅಭಿವೃದ್ಧಿ ಕಾಮಗಾರಿ ಬೊಕ್ಕ ಹೊರಾಂಗಣ ಕ್ರೀಡಾಂಗಣ ಅಭಿವೃದ್ಧಿ ಕಾಮಗಾರಿನ್ ಕನ್ನಡ ಬೊಕ್ಕ ಇಂಧನ ಸಚಿವೆರಾಯಿನ ಸುನಿಲ್ ಕುಮಾರ್ ಪರಿಶೀಲನೆ ಮಲ್ತೆರ್ .

ಈ ಪೊರ್ತುಡು ಮಾಜಿ ತಾಲೂಕು ಪಂಚಾಯತ್ ಸದಸ್ಯೆರಾಯಿನ ಪ್ರವೀಣ್ ಕೋಟ್ಯಾನ್,ಸಾಣೂರು ಗ್ರಾಮ ಪಂಚಾಯಿತಿ ಸದಸ್ಯೆರಾಯಿನ ಯುವರಾಜ ಜೈನ್,ನಿಟ್ಟೆ ಶಕ್ತಿಕೇಂದ್ರದ ಗುರ್ಕಾರ್ಲಾಯಿನ ಕರುಣಾಕರ ಕೋಟ್ಯಾನ್ , ಉಪಾಧ್ಯಕ್ಷ ಪ್ರಸಾದ್ ಪೂಜಾರಿ,ಗುತ್ತಿಗೆದಾರ ವಿಶ್ವನಾಥ್ ಶೆಟ್ಟಿ, ಭಾಸ್ಕರ್ ಆಚಾರ್ಯ ಪಾಲ್ ಪಡೆದಿತ್ತೆರ್.

ಕರ್ನಾಟಕ ಪಬ್ಲಿಕ್ ಸ್ಕೂಲ್ : ಶೈಕ್ಷಣಿಕ ಅಭಿವೃದ್ಧಿ ಸಭೆ

ಕೊಕ್ಕರ್ಣೆ : 2022-23 ನೇ ಸಾಲ್ ದ ಶೈಕ್ಷಣಿಕ ವರ್ಷ ಸುರು ಆಯರೇ ಉಂಡು , ಈ ಬಗ್ಗೆ ಕೋಡೆ 11-05-2022 ಕ್ಕ್ ಶಾಲಾಭಿವೃದ್ಧಿ ಸಮಿತಿ ಗುರ್ಕಾರ್ಲು , ಶಾಸಕೇರಾಯಿನ ಕೆ. ರಘುಪತಿ ಭಟ್ ಮೇರ್ ಕರ್ನಾಟಕ ಪಬ್ಲಿಕ್ ಸ್ಕೂಲ್ ಕೊಕ್ಕರ್ಣೆಡ್ ಸಭೆ ನಡಪಾದ್ ಶೈಕ್ಷಣಿಕ ಅಭಿವೃದ್ಧಿ ವಿಷಯದ ಬಗ್ಗೆ ಚರ್ಚೆ ಮಲ್ತೆರ್ .

ಈ ಪೊರ್ತುಡು ಕೊಕ್ಕರ್ಣೆ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ವಸಂತ್ ಸೇರ್ವೆಗಾರ್, ಪ್ರಸನ್ನ ಶೆಟ್ಟಿ, ಪ್ರಜ್ವತ್, ಸುನಿಲ್, ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಉದಯ್ ನಾಯಕ್ ಬೊಕ್ಕ ಮುಖ್ಯೋಪಾಧ್ಯಾಯೆರಾಯಿನ ಲತಾ, ಉಪನ್ಯಾಸಕೇರಾಯಿನ ದೇವೇಂದ್ರ ಮೊಗೇರ ಪಾಲ್ ಪಡೆದಿತ್ತೆರ್.

ಕಲ್ಯಾಣ ಕರ್ನಾಟಕದ ಅಭಿವೃದ್ಧಿಗ್ 5030 ಕೋಟಿ ರೂ ಅನುದಾನಗ್ ಬಿನ್ನಾಪು ಮಲ್ತಿನ ಸಿಎಂ ಬೊಮ್ಮಾಯಿ

ನವದೆಹಲಿ : ಕಲ್ಯಾಣ ಕರ್ನಾಟಕ ಪ್ರದೇಶದ ಸಮಗ್ರ ಅಭಿವೃದ್ಧದ ನೆಲೆಟ್ಟ್ ಕೇಂದ್ರ ಪುರಸ್ಕೃತ ಯೋಜನೆದ ಅಡಿ ವಿಶೇಷವಾದ್ ಕಲ್ಯಾಣ ಕರ್ನಾಟಕ ಭಾಗಗ್ 5030 ಕೋಟಿ ರೂ. ಅನುದಾನ ಕೊರೊಡು ಪಂದ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮೆರೆಗ್ ಬಿನ್ನಾಪು ಮಲ್ತೆರ್.

ಇಂಚೋಗು ತಿರುಪತಿಡ್ ನಡತಿನ ದಕ್ಷಿಣ ವಲಯ ಮಂಡಳಿ ಸಭೆಟ್ ಚರ್ಚೆ ಮಲ್ತಿನ ಪ್ರಕಾರ , ಆಂಧ್ರ ಪ್ರದೇಶ ರಾಜ್ಯ ತನ್ನ ಹಿಂದುಳಿದ ಜಿಲ್ಲೆದ ಅಭಿವೃದ್ಧಿಗ್ ವಿಶೇಷ ಅನುದಾನ ಕೊರಿಯೆರೆ ಬಿನ್ನಾಪು ಮಲ್ತೆರ್. ನೀತಿ ಆಯೋಗದ ಬಹು ಆಯಾಮದ ಬಡತನ ಸೂಚ್ಯಂಕಡ್ಲಾ ಈ ಜಿಲ್ಲೆ ಪಿರ ಒರಿದಿನೆರ್ದಾವರ ಕಲ್ಯಾಣ ಕರ್ನಾಟಕ ಭಾಗಗ್ ಬೇತೆ ಬೇತೆ ಕೇಂದ್ರ ಪುರಸ್ಕೃತ ಯೋಜನೆದ ಅಡಿಟ್ 5030 ಕೋಟಿ ರೂ. ಅನುದಾನ ಕೊರೊಡು ಪಂದ್ ಮುಖ್ಯಮಂತ್ರಿ ಬಿನ್ನಾಪು ಮಲ್ತೆರ್.

CM Basavaraj Bommai asks for 5030 crore grant for Kalyan Karnataka.

New Delhi: For the development of Kalyana Karnataka region the CM Basavaraj Bommai has requested for a grant of 5030 crore rupees from finance minister Nirmala Seetharaman.

Recently at the South zone mandal sabha held at Tirupati discussion were held and Andhra Pradesh had asked for special grant to develop its backward districts.

ಮೂಡೂರು ನಾಗಬ್ರಹ್ಮಸ್ಥಾನದ ಅಭಿವೃದ್ಧಿಗ್ ಚಾಲನೆ ಬೊಕ್ಕ ಡೈರಕ್ಟರಿ ಬುಡುಗಡೆ ಲೇಸ್

ಕೊಕ್ಕರ್ಣೆ:ಮೂಡೂರು ನಾಗಬ್ರಹ್ಮಸ್ಥಾನದ ಅಭಿವೃದ್ಧಿಗ್ ಚಾಲನೆ ಬೊಕ್ಕ ಡೈರಕ್ಟರಿ ಬುಡುಗಡೆ ಲೇಸ್ ನಡತುಂಡು ಲೇಸ್ ನ್ ಒಡಿಪು ಶಾಸಕ ಕೆ.ರಘುಪತಿ ಭಟ್ ಉದಿಪನ ಮಲ್ತ್ ಮೂಲಸ್ಥಾನದ ನಂಟು ಪವಿತ್ರವಾದ್ ಉಂಡು ಅವೆನ್ ಒರಿಪಾದ್ ಬುಳೆ ಪಾವುನ ನಮ್ಮ ಜಬದಾರಿ ಆದ್ ಉಂಡು ಪಂದ್ ಪಂಡೆರ್.

ಕ್ಷೇತ್ರ ತಂತ್ರಿ ವೇದಮೂರ್ತಿ ಹಲುವಳ್ಳಿ ಸೀತರಾಮ ಅಡಿಗೆರ್ ಎಡ್ಡೆಪ್ಪುದ ಪಾತೆರ ಪಂಡೆರ್ . ಲೇಸ್ ದ ಗುರ್ಕಾರ್ಮೆನ್ ಅಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಮೂಡೂರು ಮನೋಹರ ಶೆಟ್ಟಿ ಕ್ಷೇತ್ರದ ಅಭಿವೃದ್ಧಿಗ್ ಮಾತೆರ್ನಲ ಸಾಕಾರಗ್ ಬಿನ್ನಾಪು ಮಲ್ತೆರ್.ರಾಷ್ಟ್ರಪ್ರಶಸ್ತಿ ಶಿಕ್ಷಕ ಕುದಿ ವಸಂತ ಶೆಟ್ಟಿ ದೈವರಾಧನೆದ ಬಗ್ಗೆ ಉಪನ್ಯಾಸ ಕೊರಿಯೆರ್ . ಲೇಸ್ ಡ್ ಪಂಚಾಯತ್ ಮಾಜಿ ಗುರ್ಕಾರ್ಲಾಯಿನ ಕನ್ನಾರು ಕಮಲಾಕ್ಷ ಹೆಬ್ಬಾರ್, ರೇಶ್ಯಾ ದೇವಿಪ್ರಸಾದ ಶೆಟ್ಟಿ, ಮೂಡೂರು ಭಾಸ್ಕರ ಹೆಗ್ಡೆ, ದಿನಕರ ಶೆಟ್ಟಿ, ಪಾಲ್ ಪಡೆದಿತ್ತೆರ್ .