ಕೋಮು ಸಂಘರ್ಷ ಉಂತಾಯೆರೆ ಶಾಲೆಗ್ ಸರ್ಕಾರಿ ರಜೆ : ಆನ್ಲೈನ್ ಕ್ಲಾಸ್ ಮಲ್ಪರೆ ತೀರ್ಮಾನ

ಬೆಂಗ್ಳೂರು: ರಾಜ್ಯೋಡು ನಡತೊಂದು ಉಪ್ಪುನ ಹಿಜಾಬ್​-ಕೇಸರಿ ಶಾಲು ಸಂಘರ್ಷಗ್ ಕಡಿವಾಣ ಪಾಡೆರೆ ಸರ್ಕಾರ ಶಾಲಾ-ಕಾಲೇಜುಗು ಮೂಜಿ ದಿನ ರಜೆ ಘೋಷಣೆ ಮಲ್ದುಂಡು . ಆಂಡ , ಖಾಸಗಿ ಶಾಲೆ ಜೋಕ್ಲೆಗ್ ಆನ್‌ಲೈನ್ ಮುಖೇನ ತರಗತಿ ಮಲ್ಪರೆ ತೀರ್ಮಾನ ಮಲ್ದೆರ್ .

ಕಾನೂನು ಬೊಕ್ಕ ಸುವ್ಯವಸ್ಥೆ ನೆಲೆಟ್ಟ್ ರಾಜ್ಯ ಸರ್ಕಾರ ಮೂಜಿ ದಿನ ರಜೆ ಘೋಷಣೆ ಮಲ್ದಿನೆನ್ ಖಾಸಗಿ ಶಾಲೆ ಒತ್ತೋನ್ದುಂಡು.

ಕರೊನಾ ಮೂಜನೇ ಅಲೆ ನೆಲೆಟ್ಟ್ ಜ.6 ರ್ದ್ 30 ತಾರೀಖ್ ಮುಟ ಶಾಲಾ-ಕಾಲೇಜು ಬಂದ್ ಆದ್ ಇತ್ತುಂಡು . ಜ.31ರ್ದ್ ಭೌತಿಕ ತರಗತಿಲೆನ್ ಸುರು ಮಲ್ತ್ ಇತ್ತೆರ್ . ಕುಡ ಮೂಜಿ ದಿನ ರಜೆ ಕೊರಿನೆರ್ದಾವರ ಜೋಕ್ಲೆನ ಶೈಕ್ಷಣಿಕ ನೆಲೆಟ್ಟ್ ಆನ್‌ಲೈನ್ ಮುಖೇನ ಜೋಕ್ಲೆಗ್ ತರಗತಿ ಮಲ್ಪರೆ ರಾಜ್ಯ ಖಾಸಗಿ ಶಾಲಾ ಆಡಳಿತ ಮಂಡಳಿದ ಒಕ್ಕೂಟ(ಕ್ಯಾಮ್ಸ್) ಶಾಲೆಗ್ ಸೂಚನೆ ಕೊರ್ತುಂಡು .