ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ : ಪುಂಜಾಲಕಟ್ಟೆ ಘಟಕ : ವಾರ್ಷಿಕ ಉಚ್ಚಯ , ಮಾನಾದಿಗೆ , ಯಕ್ಷಗಾನ

ಬಂಟ್ವಾಳ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ನೆತ್ತ ಪುಂಜಾಲಕಟ್ಟೆ ಘಟಕದ ನಾಲನೆ ವರ್ಷದ ಉಚ್ಚಯದ ಲೇಸ್ ಜ.16ಕ್ಕ್ ಬೈಯ್ಯಗ್ ಪುಂಜಾಲಕಟ್ಟೆ ಬಂಗ್ಲೆ ಮೈದಾನಡ್ ನಡಪರೇ ಉಂಡು .

ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಮೇರ್ ಲೇಸ್ ನಡಪಾದ್ ಕೊರಿಯೆರ್ . ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜ ಮೇರ್ ಗುರ್ಕಾರ್ಮೆ ವಹಿಸರೆ ಉಲ್ಲೆರ್ . ಫೌಂಡೇಶನ್ ಸ್ಥಾಪಕಾಧ್ಯಕ್ಷ ಪಟ್ಲ ಸತೀಶ್ ಶೆಟ್ಟಿ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯೆರೆ ಉಲ್ಲೆರ್.

ಈ ಪೊರ್ತುಡು ಪೆರಿಯ ಭಾಗವತ ಸುಬ್ರಾಯ ಕಕೃಣ್ನಾಯ ಬೊಕ್ಕ ಯಕ್ಷ ಪ್ರತಿಭೆ ಚೈತ್ರಾ ಅಶ್ವಿನ್ ಕುಮಾರ್ ಮೆರೆನ್ ಮಾನಾದಿಗೆ ಮಲ್ತೆರ್ . ಮಧ್ಯಾಹ್ನ ಘಟಕದ ಜೋಕ್ಲೆನೆರ್ದ್ ಬಬ್ರುವಾಹನ, ವೀರವರ್ಮ ಕಾಳಗ ಯಕ್ಷಗಾನ ಪ್ರದರ್ಶನ ನಡಪರೇ ಉಂಡು , ಕರ್ನಾಟಕ ಪಬ್ಲಿಕ್ ಸ್ಕೂಲ್ ಉಪ ಪ್ರಾಂಶುಪಾಲ ಉದಯ ಕುಮಾರ್ ಜೈನ್ ಮೇರ್ ಉದಿಪನ ಮಲ್ಪರೆ ಉಲ್ಲೆರ್ . ಪಿಲಾತಬೆಟ್ಟು ವ್ಯ.ಸೇ.ಸ.ಸಂಘದ ಗುರ್ಕಾರ್ಲಾಯಿನ ಕೆ.ಲಕ್ಷ್ಮೀನಾರಾಯಣ ಉಡುಪ ಪಾಲ್ ಪಡೆಯೆರೆ ಉಲ್ಲೆರ್ . ಬೈಯ್ಯಗ್ ಪಾವಂಜೆ ಮೇಳದಕ್ಲೆನೆರ್ದ್ ಶ್ರೀ ದೇವೀ ಮಹಾತ್ಮೆ ಯಕ್ಷಗಾನ ಪ್ರದರ್ಶನ ನಡಪರೇ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.