Uncategorized
ಉಡುಪಿದ ಸುದ್ದಿ | Udupi News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಸಂಪ್ರದಾಯದ ಒರುಟ್ಟು ಪುರಪ್ರವೇಶ ಮಲ್ತೆರ್ ಕೃಷ್ಣಾಪುರ ಮಠತ್ತ ಸ್ವಾಮಿಲು
ಒಡಿಪು : ಪೊಡವಿಗೊಡೆಯ ಶ್ರೀಕೃಷ್ಣ ಮುಖ್ಯಪ್ರಾಣ ದೇವೆರ್ನ ರಡ್ಡ್ ವರ್ಷ ಮುಟ್ಟ ದ ಪೂಜೆದ ಪರ್ಯಾಯದ 501 ನೇ ವರ್ಷದ ಪೊರ್ತುಡು ಶ್ರೀಕೃಷ್ಣಾಪುರ ಜನಾರ್ದನತೀರ್ಥ ಸಂಸ್ಥಾನದ ಮಠಾಧೀಶೆರಾಯಿನ ಪರಮಪೂಜ್ಯ ಶ್ರೀವಿದ್ಯಾಸಾಗರತೀರ್ಥ ಸ್ವಾಮಿಲು ನಾಲನೆ ಸಲ ಸರ್ವಜ್ಞ ಪೀಠಾರೋಹಣಗಾದ್ ದೇಶಾದ್ಯಂತ ತೀರ್ಥಕ್ಷೇತ್ರನ್ ತೂದು ಇನಿ ಜೋಡುಕಟ್ಟೆರ್ದ್ ಸಾಂಪ್ರದಾಯಿಕ ಮೆರವಣಿಗೆದ ಒಟ್ಟುಗು ಪುರಪ್ರವೇಶ ಮಲ್ತೆರ್ .
ಕನಕನ ಕಂಡಿಡ್ ಶ್ರೀಕೃಷ್ಣ ದೇವೆರೆನ್ ತೂದು ಶ್ರೀಚಂದ್ರೇಶ್ವರ ಬೊಕ್ಕ ಶ್ರೀಅನಂತೇಶ್ವರ ದೇವೆರೆಗ್ ಅಡ್ಡ ಬೂರ್ದು ಮಧ್ವಾಚಾರ್ಯೆರೆಗ್ ಪೂಜೆ ಮಲ್ತ್ , ಶ್ರೀಕೃಷ್ಣಮಠಕ್ ಬನ್ನಗ ಪರ್ಯಾಯ ಪೀಠಾಧೀಶೆರಾಯಿನ ಅದಮಾರು ಶ್ರೀಈಶಪ್ರಿಯತೀರ್ಥ ಸ್ವಾಮಿಲು ನನ ದುಂಬುದ ಪರ್ಯಾಯ ಸ್ವಾಮಿಲೆನ್ ಮೋಕೆಡ್ ಎದುಕೊಂಡೆರ್ .
ಶ್ರೀಕೃಷ್ಣ ಮುಖ್ಯಪ್ರಾಣ,ಮಧ್ವರ ದರ್ಶನ ಮಲ್ಪಾಯೆರ್ .ಐರ್ದ್ ಬೊಕ್ಕ ಕೃಷ್ಣಾಪುರ ಮಠಟ್ ನವಗ್ರಹ ದಾನಾದಿಲೆನ್ ಕೊರ್ದು ಬಯ್ಯಗ್ 5-22 ಗಂಟೆಗ್ ಮಠ ಪ್ರವೇಶ ಮಲ್ತ್ ಪಟ್ಟದ ದೇವೆರೆಗ್ ಮಂಗಳಾರತಿ ಮಲ್ತೆರ್ .
ಈ ಪೊರ್ತುಡು ಬಿಜೆಪಿ ಕುಡ್ಲ ವಿಭಾಗ ಪ್ರಭಾರಿ ಕೆ.ಉದಯ ಕುಮಾರ್ ಶೆಟ್ಟಿ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರ್ ರತ್ನಾಕರ ಹೆಗ್ಡೆ, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಯಶ್ರಾಲ್ ಎ. ಸುವರ್ಣ, ಬಿಜೆಪಿ ರಾಜ್ಯ ಕಾರ್ಯಕಾರಿಣಿ ಸದಸ್ಯೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ, ಗೀತಾಂಜಲಿ ಎಮ್. ಸುವರ್ಣ, ರಾಜ್ಯ ಎಸ್.ಸಿ. ಮೋರ್ಚಾ ಪ್ರಧಾನ ಕಾರ್ಯದರ್ಶಿ ದಿನಕರ ಬಾಬು, ರಾಜ್ಯ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜಿ. ಸುವರ್ಣ, ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಕುತ್ಯಾರು ನವೀನ್ ಶೆಟ್ಟಿ, ಮನೋಹರ್ ಎಸ್. ಕಲ್ಮಾಡಿ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ್ ಪಾಲ್ ಪಡೆದಿತ್ತೆರ್.
