ಬೊಂಬಾಯಿ

ಘಾಟ್ಕೊಪರ್: ಪಂತ್ ನಗರ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಭಾರಿ ಗೌಜಿಡ್ ನಡತ್ಂಡ್ ಶ್ರೀ ದೇವಿ ಮಹಾತ್ಮೆ ಆಟ

ಕನ್ನಡ ವೆಲ್ಫೇರ್ ಸೊಸೈಟಿ ಘಾಟ್ಕೊಪರ್ ನೆತ್ತ 57 ನೇ ವರ್ಷದ ಲೇಸ್ ನ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಪಂತ್ ನಗರ ಘಾಟ್ಕೊಪರ್ ಮೊಕ್ಲೆನ ಒಟ್ಟು ಸೇರಿಗೆಡ್ ನವೆಂಬರ್ 7 ಅಂಗಾರೆ ಬಯ್ಯಗ್ ದೇವಸ್ಥಾನದ ವಠಾರೊಡು ಯಕ್ಷ ಧ್ರುವ ಸತೀಶ್ ಶೆಟ್ಟಿ ಪಟ್ಲ ಮೆರೆನ ಮುತಾಲಿಕೆದ ಶ್ರೀ ಜ್ಞಾನಶಕ್ತಿ ಸುಬ್ರಮಣ್ಯ ಸ್ವಾಮಿ ಕೃಪಾ ಪೊಷಿತ ಯಕ್ಷಗಾನ ಮಂಡಳಿ ಪಾವಂಜೆ ನೆತ್ತ ಪ್ರಬುದ್ಧ ಕಲಾವಿದೆರ್.

ವಿಶೇಷ ಅಲಂಕಾರ ಮಲ್ದಿನ ರಂಗ ಮಂಟಪೊಡು “ಶ್ರೀ ದೇವಿ ಮಹಾತ್ಮೆ ” ಪನ್ಪಿನ ಪುಣ್ಯ ಕಥೆನ್ ಯಕ್ಷಗಾನ ಬಯಲಾಟದ ರೂಪೊಡು ಗೊಬ್ಬು ತೋಜಾಯೆರ್.

ಸೊಸೈಟಿ ದ ಗುರ್ಕಾರೆ ನವೀನ್ ಶೆಟ್ಟಿ ಇನ್ನ ಬಾಳಿಕೆ ಮೆರೆನ ಮುತಾಲಿಕೆಡ್ ಪರಿಸರದ ಮಾಜಿ ಕಾರ್ಪೊರೇಟರ್ ರಾಖಿ ಜಾಧವ್ ಸಾಲಿಯಾನ್ ಮೆರೆನ ಸಂಪೂರ್ಣ ಸಕಾಯ ಸಹಕಾರೊಡು ಈ ಯಕ್ಷಗಾನ ಸೇವೆ ನಡತ್ಂಡ್.

ವಿಶೇಷವಾದ್ ಅಲಂಕಾರ ಮಲ್ದಿನ ರಂಗಸ್ಥಳೊಡು ನಡತಿನ ಈ ಆಟ ತೂವರೆ ಮಸ್ತ್ ಜನ ಸೇರ್ದ್ ಇತ್ತೆರ್.

ಈ ಪೊರ್ತುಡು ಸಮಾಜ ಸೇವಕಿ, ಮಾಜಿ ಕಾರ್ಪೊರೇಟರ್ ರಾಖಿ ಜಾದವ್ ಸಾಲಿಯಾನ್ ಮೆರೆನ್ ಮಲ್ಲ ಬಿನ್ನೆರೆ ಚಾವಡಿಡ್ ಮಾನಾದಿಗೆ ಮಲ್ತ್ ಅರೆಗ್ ಬಲ್ಮನ ಅರ್ಪಣೆ ಮಲ್ತೆರ್. ಅತ್ತಂದೆ ಯಕ್ಷಗಾನ ಭಾಗವತೆರ್ ಸತೀಶ್ ಶೆಟ್ರೆನ್ಲ ಮಾನಾದಿಗೆ ಮಲ್ತೆರ್.

ಈ ಸಂದರ್ಬೊಡು ಚಾವಡಿದ ಗುರ್ಕಾರ್ಮೆನ್ ಕನ್ನಡ ವೆಲ್ಫೇರ್ ಸೊಸೈಟಿ ದ ಗುರ್ಕಾರೆ ನವೀನ್ ಶೆಟ್ಟಿ ಇನ್ನ ಬಾಳಿಕೆ ವಹಿಸೊಂದು ಬತ್ತಿ ಬಿನ್ನೆರೆನ್ ಮೋಕೆಡ್ ಎದ್ಕೊಂಡೆರ್. ಅಂಚೆನೆ ಕಾರ್ಯಕ್ರಮ ಆಯೋಜನೆ ಮಲ್ಪೆರೆ ಸಕಾಯ ಸಹಕಾರ ಮಲ್ತಿನ ಮಾತೆರೆಗ್ಲಾ ಉಡಲ್ ದಿಂಜಿ ಸೊಲ್ಮೆ ಸಂದಾಯ ಮಲ್ತೆರ್. ಸನ್ಮಾನೊಗು ಉತ್ತರ ಕೊರಿನ ರಾಖಿ ಜಾದವ್ ಸಾಲಿಯಾನ್, ಮುಲ್ಪ ಸೇರ್ದಿನ ಕನ್ನಡ ತುಳು ಭಾಸೆದ ಮಾತೆರೆಗ್ಲಾ ಎನ್ನ ನಮಸ್ಕಾರ . ಇನಿತ ಈ ಕಾರ್ಯಕ್ರಮ ಬಾರಿ ಅರ್ಥ ಪೂರ್ಣವಾಯಿನ. ನವೀನ್ ಅಣ್ಣ ನಮ ನನ ದುಂಬಗ್ ಅಪ್ಪೆ ದುರ್ಗಾಪರಮೇಶ್ವರಿ ನ ಆಶೀರ್ವಾದಡ್ ಪ್ರತಿವರ್ಷ ಈ ಕಾರ್ಯಕ್ರಮ ಮಲ್ಪುಗ .ನೆಕ್ಕ್ ಎನ್ನ ಸಂಪೂರ್ಣ ಸಾಕಾರ ಉಂಡು ಪಂಡೆರ್ .

ಬಿನ್ನೆರೆ ಚಾವಡಿಡ್ ಮುಂಬಯಿ ಬಂಟರ ಸಂಘದ ಉಪಾಧ್ಯಕ್ಷೆರ್ ರತ್ನಾಕರ ಶೆಟ್ಟಿ ಮುಂಡ್ಕೂರು, ಮಹೇಶ್. ಎಸ್ ಶೆಟ್ಟಿ, ರವೀಂದ್ರನಾಥ್ ಭಂಡಾರಿ, ಕಬಡ್ಡಿ ಜಯ ಶೆಟ್ಟಿ, ಕರ್ನಾಟಕ ಮಲ್ಲ ಪತ್ರಿಕೆದ ಚಂದ್ರಶೇಖರ ಪಾಲೆತ್ತಾಡಿ, ಕಲಾ ಸಾರಥಿ ಕರ್ನೂರು ಮೋಹನ್ ರೈ , ಸೊಸೈಟಿ ದ ಕಾರ್ಯದರ್ಶಿ ತಿಮ್ಮ ದೇವಾಡಿಗ, ಕೋಶಾಧಿಕಾರಿ ಹರೀಶ್ ಎಂ ಶೆಟ್ಟಿ ಇತ್ತೆರ್. ದೇವಸ್ಥಾನ ದ ಸತೀಶ್ ಸಾಲಿಯಾನ್ , ಶಶಿ ಸಾಲಿಯಾನ್, ಕನ್ನಡ ವೆಲ್ಫೇರ್ ಸೊಸೈಟಿ ದ ಮಾತಾ ಪದುಕೆರ್ ಲೇಸ್ ಪೊರ್ಲು ಆಯೆರೆ ಸೊಂದಿಯೆರ್. ಆಟ ಮುಗಿ ಬೊಕ್ಕ ಅನ್ನ ದಾನ ಸೇವೆಡ್ ಸಾವಿರೊಗ್ಲ ಮಿತ್ತ್ ಜನ ಪಾಲ್ ಪಡೆಯೆರ್. ಅಶೋಕ್ ಪಕ್ಕಳ ಲೇಸ್ ಸುಧಾರಿಕೆ ಮಲ್ತ್ ಸೊಲ್ಮೆ ಸಂದಾಯ ಮಲ್ತೆರ್.

✍️ವರದಿ ನಾಗರಾಜ್ ಗುರುಪುರ