ಮುಲ್ಕಿಡ್ ಕೆ.ಸೋಮಪ್ಪ ಸುವರ್ಣೆರ್ನ ನೆಂಪು, ಪ್ರಶಸ್ತಿ ಪಟ್ಟುನ ಲೇಸ್
ಮುಲ್ಕಿ : ಸಮಾಜ ಸೇವಕೆರ್ ಶಿಕ್ಷಣ ತಜ್ಞೆರ್ , ಮಾಜಿ ಶಾಸಕೆರ್ ಕೆ. ಸೋಮಪ್ಪ ಸುವರ್ಣ ಮೇರ್ನ ನೆಂಪು ಲೇಸ್ ಬೊಕ್ಕ ಪ್ರಶಸ್ತಿ ಪಟ್ಟುನ ಲೇಸ್ ಸುಕ್ರಾರ ಬಯ್ಯಡ್ ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘದ ಚಾವಡಿಡ್ ನಡತ್ಂಡ್.ಬ್ರಹ್ಮಶ್ರೀ ನಾರಾಯಣ ಗುರುಕ್ಕುಲೆನ ಎದುರು ಬಿನ್ನೆರ್ ಮಾತೆರ್ಲ ಸೇರ್ದ್ ಪ್ರಾರ್ಥನೆ ಮಲ್ತ್ ದ್ ಬೊಕ್ಕ ಕೆ. ಸೋಮಪ್ಪ ಸುವರ್ಣೆರ್ನ ಭಾವಚಿತ್ರೊಗು ಪುರ್ಪ ಪಾಡ್ದ್ ಕೈ ಮುಗಿಯೆರ್.
ಕೆ.ಸೋಮಪ್ಪ ಸುವರ್ಣ ನೆರಳು- ನೆಂಪು ಸಮಿತಿ ಮುಲ್ಕಿದ ಮುತಾಲಿಕೆಡ್ ನಡತಿನ ಈ ಲೇಸ್ ದ ಗುರ್ಕಾರ್ಮೆನ್ ಸಾಹಿತ್ಯ ಪರಿಷತ್ ದ ಮಾಜಿ ರಾಜ್ಯಾಧ್ಯಕ್ಷೆರ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಒಯಿಸ್ ದಿತ್ತೆರ್.
ಮಲ್ಲ ಬಿನ್ನೆರಾದ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಮುಲ್ಕಿ ಬಂಟರ ಸಂಘದ ಅಧ್ಯಕ್ಷೆರ್ ಕೆ.ಪುರುಷೋತ್ತಮ ಶೆಟ್ಟಿ,
ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರಕಲ್, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ. ರಾಜಶೇಖರ ಕೋಟ್ಯಾನ್, ಉಪಾಧ್ಯಕ್ಷೆರ್ ಸೂರ್ಯಕಾಂತ ಜೆ. ಸುವರ್ಣ ಮೊಕುಲು ಮಾತಾ ಮತ್ತರ್ಮೆಡ್ ಇತ್ತೆರ್. ರಂಗಕರ್ಮಿ ಪರಮಾನಂದ ಸಾಲ್ಯಾನ್ ಕೆ.ಸೋಮಪ್ಪ ಸುವರ್ಣೆರ್ನ ನೆಂಪು ಮಲ್ತ್ ಪಾತೆರಿಯೆರ್.
ಸೋಮಪ್ಪ ಸುವರ್ಣೆರ್ನ ಜೋಕುಲಾಯಿನ ಪ್ರಮೋದ್ ಕುಮಾರ್ ಹರೀಂದ್ರ ಕುಮಾರ್, ಚೆನ್ನಕೇಶವ ಬೊಕ್ಕ ಇಲ್ಲದಕುಲು ಅಂಚೆನೆ ಬಾರಿ ಸಂಖ್ಯೆಡ್ ಅಭಿಮಾನಿಲು ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಉಂದುವೇ ಪೊರ್ತುಡು ಶಿಕ್ಷಣ ಕ್ಷೇತ್ರದ ಸಾಧಕೆರ್ ಪಣಂಬೂರು ರಾಮ ರಾವ್, ಸಮಾಜಸೇವಕೆರ್ ಬೆದ್ರದ ನಾರಾಯಣ ಪಿ.ಎಮ್, ಕೃಷಿ ಸಾಧಕೆರ್ ಮುಲ್ಕಿ ಬಡಗುಹಿತ್ಲು ರಾಜು ಪೂಜಾರಿ ಮೊಕ್ಲೆಗ್ ಮಾನಾದಿಗೆ ನಡತ್ಂಡ್.
ನೆಂಪು ಸಮಿತಿದ ಸದಸ್ಯೆರ್ ವೈ.ಎನ್. ಸಾಲ್ಯಾನ್ ಪ್ರಶಸ್ತಿ ಪಡೆದಿನಕ್ಲೆನ ಪೊಲಬು ಮಲ್ತ್ ಕೊರಿಯೆರ್.
ಜಯ ಕುಮಾರ್ ಕುಬೆವೂರು ದೇವೆರೆನ್ ಸುಗಿತೆರ್. ನೆಂಪು ಸಮಿತಿದ ಸದಸ್ಯೆರ್ ಡಾ. ಗಣೇಶ್ ಅಮೀನ್ ಸಂಕಮಾರ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಪ್ರಮೋದ್ ಕುಮಾರ್ ಬಿನ್ನೆರೆನ್ ಎದ್ ಕೊಂಡೆರ್. ಸಮಿತಿದ ಕಾರ್ಯದರ್ಶಿ ಚಂದ್ರಶೇಖರ ಸುವರ್ಣ ಸೊಲ್ಮೆ ಸಂದಾಯೆರ್.
ಜತೆ ಕಾರ್ಯದರ್ಶಿ ವಿಜಯ ಕುಮಾರ್ ಕುಬೆವೂರು ಲೇಸ್ ನಡಪಾದ್ ಕೊರಿಯೆರ್.
K Somappa Suvarna memorial awards ceremony.
Mulki : Social leader, educationalist , former MLA K Somappa Suvarna memorial day and awards ceremony was held on Friday evening at Mulki Billava samaj Seva Sangha.
The program begun with prayers offered to Sri Narayan Guru and paying floral tributes to K Somappa Suvarna.
The program was held under the patronage of K Somappa Suvarna Neralu- Nempu Samiti Mulki.
The program was presided by former state president of Kannada Sahitya Parishad Harikrishna Punaroor.K Abhay Chandra Jain former minister, Mulki Billava Sangha president Ramesh Amin and Mulki Buntara Sangha president K Purusottam Shetty were the guests of honour.
Paramanand Salian, theatre artiste spoke in rememberance of Somappa Suvarna.
His well wishers had gathered in large numbers at the function.His family had also come over to take part in the program.
At the program, educationalist Panamboor Rama Rao, Social worker Narayan P.M from Moodbidri and Progressive farmer from Mulki, Badagahitilu Raju Poojary were honoured.
