ತುಲುವರೆ ಕಲ ಮೂಜನೇ ವರ್ಸೊಚ್ಚಯ
(ವರದಿ : ಗೀತಾ ಲಕ್ಷ್ಮೀಶ್)
ಒಡಿಯೂರು : ತುಲುವೆರೆಡ ಸೌಹಾರ್ದೊದ ಮನೋಭಾವ ಉಂಡು. ಮಾತ ಕಾಲೊಗ್ಲಾ ಮಾತ ಪ್ರದೇಶೊಗ್ಲಾ ಒಂದೊಂದು ಪೋಪಿನ ತುಲುವೆರೆನ ಗುಣೊನೇ ತುಲುವೆರೆ ಬಾರಿ ಮಲ್ಲ ಆಸ್ತಿ. ತುಲು ಸಿರಿವಂತಿಕೆದ ಬಾಸೆ ಬೊಕ್ಕ ಸಮೃದ್ಧವಾಯಿನ ಬಾಸೆ ಪಂಡ್ದ್ ಶ್ರೀ ಗುರುದೇವದತ್ತ ಸಂಸ್ಥಾನದ ಶ್ರೀ ಗುರುದೇವಾನಂದ ಸ್ವಾಮೀಜಿಯೆರ್
ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಶ್ರೀ ಗುರುದೇವ ಜ್ಞಾನ ಮಂದಿರೊಡು ತುಲುವೆರೆ ಕಲ ಟ್ರಸ್ಟ್ರ್ದ್ ಬೇಸ ಒರ್ಂಬ ಐತಾರದಾನಿ ಆಯೋಜನೆ ಆಯಿನ ತುಲುವೆರೆ ಕಲ ಮೂಜಿನೇ ವರ್ಸೊಚ್ಚಯ ಬೊಕ್ಕ ಮಸ್ತಿರೆ ಬುಡುಗಡೆ ಅಂಚೆನೆ ಬೊಲ್ಪುದಾರಗೆ ಕಬಿಕೂಟದ ಲೇಸ್ನ್ ಉದಿಪನ ಮಲ್ತ್ದ್ ಆಶೀರ್ವಚನ ಮಲ್ತೊಂದು ಪಂಡೆರ್.
ಒವ್ವೇ ಲೇಸ್ಡ್ ಮೋಕೆ ಬೊಕ್ಕ ಪ್ರಯತ್ನ ಇತ್ತ್ಂಡ ಸಂಘಟನೆ ಯಶಸ್ವಿಯಾಪುಂಡು. ಬಾಸೆ ಸಂಸ್ಕೃತಿದ ಉಡಲ್ ಐತ ಒರಿಪುಗು ಸೊಂದುನ ಅಗತ್ಯ ಉಂಡು. ಕೃಷಿ ಸಂಸ್ಕೃತಿಡ್ ತುಲುವೆರೆ ಬದ್ಕ್ ದೆಂಗ್ದ್ಂಡ್ ಸ್ವಾಮೀಜಿಯೆರ್ ಪಂಡೆರ್.
ತುಲುವೆರೆ ಕಲ ಟ್ರಸ್ಟ್ದ ಗುರ್ಕಾರ್ಲು ಆಯಿನ ಸಿರಿಮತಿ ಗೀತಾ ಲಕ್ಷ್ಮೀಶ್ ಮೇರ್ ಲೇಸ್ದ ಗುರ್ಕಾರ್ಮೆ ವೈಸೊಂದೆರ್.
ಮಾನಾದಿಗೆದ ಗುರ್ಕಾರ್ಲಾಯಿನ ಸಿರಿ ಮುದ್ದು ಮೂಡುಬೆಳ್ಳೆ, ಮಲ್ಲ ಬಿನ್ನೆರಾದ್, ಒಡಿಯೂರು ಗುರುದೇವಪೀಠದ ಸಂಚಾಲಕೆರಾಯಿನ ಸಿರಿ ಗಣಪತಿ ಭಟ್ ಸೇರಾಜೆ, ಪೆರಿಯ ಸಾಹಿತಿ ಸಿರಿ ನಾರಾಯಣ ರೈ ಕುಕ್ಕುವಳ್ಳಿ, ಸಾಹಿತಿ ಸಿರಿಮತಿ ರೂಪಕಲಾ ಆಳ್ವ, ಮೂಲ್ಕಿ ಕನ್ನಡ ಸಾಹಿತ್ಯ ಪರಿಷತ್ತ್ದ ಗುರ್ಕಾರ್ಲು ಸಿರಿ ಮಿಥುನ್ ಉಡುಪ ಕೊಡೆತ್ತೂರು, ಉಪನ್ಯಾಸಕೆರ್, ಸಾಹಿತಿ ರಘು ಇಡ್ಕಿದು ಬಿನ್ನೆರಾದ್ ಪಾಲ್ ಪಡೆದೆರ್.
ವಿಶ್ವನಾಥ ಕುಲಾಲ್ ಮಿತ್ತೂರು ಮೆರೆಗ್ ‘ಕಲತ ಬೊಲ್ಲಿ’ ಮಾನಾದಿಗೆ ನಡತ್ಂಡ್. ‘ಬಾನ ಚಂದ್ರಮೆ’, ‘ಪೇರ್ ಪಂರ್ದ್’, ‘ಗುತ್ತುಗೊಂಜಿ ಕಲತ ಸುತ್ತು’ ಬೊಕ್ಕ ‘ಪದ ಪಾಡ್ದನ’ ತುಲು ಮಸ್ತಿರೆಲೆನ್ ಸಿರಿ ನಾರಾಯಣ ರೈ ಕುಕ್ಕುವಳ್ಳಿ, ಸಿರಿಮತಿ ರೂಪಕಲಾ ಆಳ್ವ, ಸಿರಿ ಮಿಥುನ್ ಉಡುಪ, ಸಿರಿ ಮುದ್ದು ಮೂಡುಬೆಳ್ಳೆ ಲೋಕಾರ್ಪಣೆ ಮಲ್ತೆರ್. ವಿನಮ್ರ ಇಡ್ಕಿದು ಬಾಮೊ ಗೀತೆ ಪಂಡೆರ್.
ಪಂತೊಡು ಗೆಂದಿನ ಹಂಸರಾಗ ಶೆಟ್ಟಿ, ದಿವ್ಯ ರೈ ಪೆರುವಾಜೆ, ಪೆರ್ಮುಖ ಸುಬ್ರಹ್ಮಣ್ಯ ಭಟ್, ಶಾರದಾ ತುಳುನಾಡ್, ಬನಶ್ರೀ ಅವಿನಾಶ್, ಪ.ರಾಮಕೃಷ್ಣ ಶಾಸ್ತ್ರಿ ಬೊಕ್ಕ ಸವಿತಾ ಎಸ್.ಭಟ್ ಅಡ್ವಾಯಿ ಮೊಕಲೆಗ್ ಇನಾಮುನು ಕೊರ್ದು ಮಾನಾದಿಗೆ ಮಲ್ತ್ಂಡ್.
ಪೆರಿಯ ಸಾಹಿತಿ, ಪತ್ರಕರ್ತೆರ್ ಮಲಾರ್ ಜಯರಾಮ ರೈ ಮೆರೆನ ಗುರ್ಕಾರ್ಮೆಡ್ ಬೊಲ್ಪುದಾರಗೆ ತುಲು ಕಬಿಕೂಟ ನಡತ್ಂಡ್. ಆರ್ಯನ್ ಸವನಾಲ್, ಹಂಸರಾಗ ಶೆಟ್ಟಿ, ಸವಿತ ಕರ್ಕೇರ, ಕಾವೂರು, ನಳಿನಿ ಭಾಸ್ಕರ ರೈ ಮಂಚಿ, ಪದ್ಮನಾಭ ಮಿಜಾರ್, ಜಯರಾಮ ಪಡ್ರೆ, ಚಂದ್ರಹಾಸ ಕುಂಬಾರ ಬಂದಾರು, ರವೀಂದ್ರ ಕುಲಾಲ್ ವರ್ಕಾಡಿ, ಪೂರ್ಣಿಮ ಸಾಲೆತ್ತೂರು, ಭವ್ಯಜ್ಯೋತಿ ಕೆ ವಿಟ್ಲ, ಸೌಮ್ಯ ಆರ್ ಶೆಟ್ಟಿ, ಕೆ. ಶಶಿಕಲಾ ಭಾಸ್ಕರ್ ದೈಲಾ, ಮಲ್ಲಿಕಾ ಜೆ ರೈ ಪುತ್ತೂರು, ಅಶ್ವಿನಿ ತೆಕ್ಕುಂಜೆ, ವಿಶ್ವನಾಥ ಕುಲಾಲ್ ಮಿತ್ತೂರು, ಆಯಿಷಾ ಪೆರ್ನೆ, ಅನುರಾಧ ರಾಜೀವ್ ಸುರತ್ಕಲ್, ನವೀನ್ ಕುಮಾರ್ ಪೆರಾರ, ಅಶ್ವತ್ಥ್ ಬರಿಮಾರು, ಅಶೋಕ ಎನ್ ಕಡೇಶಿವಾಲಯ, ಪದ್ಮನಾಭ ಪೂಜಾರಿ ಬಂಟ್ವಾಳ, ರಕ್ಷಿತ್ ಬಿ. ಕರ್ಕೇರ, ಶ್ರೀಶಾವಾಸವಿ ತುಳುನಾಡ್, ಉಮೇಶ್ ಶಿರಿಯ, ಗೀತಾ ಲಕ್ಷ್ಮೀಶ್, ಶಾಂತಾ ವಿಘ್ನೇಶ್ವರ ಕೋಡ್ಲ , ಸವಿತಾ ಭಟ್ ಅಡ್ವಾಯಿ, ಕವಿತಾ ಚಿಪ್ಪಾರು, ದಿವ್ಯ ರೈ ಪಿ ಪೆರುವಾಜೆ, ಶಾರದಾ ತುಳುನಾಡ್ ಈ ಕಬಿಕೂಟಡ್ ಪಾಲ್ ಪಡೆದಿತ್ತೆರ್.
ಪದ್ಮನಾಭ ಪೂಜಾರಿ ಸುಗಿತೆರ್. ತುಲುವೆರೆ ಕಲ ಟ್ರಸ್ಟ್ ಗುರ್ಕಾರ್ಲು ಗೀತಾ ಲಕ್ಷ್ಮೀಶ್ ಎದುಕೊಂಡೆರ್. ಜಯರಾಮ ಪಡ್ರೆ ಸೊಲ್ಮೆ ಸಂದಾಯ ಮಲ್ತೆರ್. ರೇಣುಕಾ ಕಣಿಯೂರು ಲೇಸ್ ಸುದಾರಿಕೆ ಮಲ್ತೆರ್.
ತುಲು ಬಾಸೆ ಪ್ರಾದೇಶಿಕತೆಗ್ ಅನುಗುಣವಾದ್ ಬದಲಾವಣೆ ಅವೊಂದುಪ್ಪುಂಡು ಆಂಡ ಐತ ಆತ್ಮ ಒಂಜೇ. ಬಾಸೆದ ಒರಿಪುಗು ‘ತುಲುವೆರೆ ಕಲ’ತಂಚಿನ ಸಂಘಟನೆಲು ಶಕ್ತಿ ದಿಂಜಾವುಂಡು. ಆಧುನಿಕತೆ ಬಾಸೆಗ್ ತೊಡಕಾವಂದಿನಂಚ ಗೇನ ದೀವೊಡು. ಯುವಶಕ್ತಿ, ಮಾತೃಶಕ್ತಿಡ್ ಅದಮ್ಯ ಚೇತನ ಅಡಂಗ್ದ್ಂಡ್, ಐತ ಸದ್ಭಳಕೆ ಅಗತ್ಯ.
| ಶ್ರೀ ಗುರುದೇವಾನಂದ ಸ್ವಾಮೀಜಿ
ಒಡಿಯೂರು ಶ್ರೀಗುರುದೇವದತ್ತ ಸಂಸ್ಥಾನ
