December 2021

ಮೂಡಿಗೆರೆ ಕೃಷಿಮೇಳಡ್ ಭಾರೀ ಪುಗರ್ತೆ ಪಡೆಯಿನ ವೇಣೂರು ಜಾನ್‌ ಡಿಸೋಜೆರ್ನ ಮಾಸ್ಟರ್ ಗನ್!

ಬೊಲ್ತೆರ್: ಬೆನ್ನಿ ಬೆನ್ಪುನೆನ್ ರಕ್ಷಿಸಾಯರೇ ಬೋಡಾದ್ ವೇಣೂರು ಜೋವಿನ್ ವುಡ್ ಬೊಕ್ಕ ಇಂಜಿನಿಯರಿಂಗ್ ವರ್ಕ್ಸ್‌ನ ಜಾನ್‌ ಡಿಸೋಜ ಮೇರ್ ಅವಿಷ್ಕಾರ ಮಲ್ತಿನ ಮಾಸ್ಟರ್ ಗನ್ ಡಿ. 17 ಕ್ಕ್ ಮೂಡಿಗೆರೆಟ್ಟ್ ನಡತಿನ ಕೃಷಿಮೇಳಡ್ ಭಾರೀ ಪುಗರ್ತೆನ್ ಪಡೆತ್ತ್ಂಡ್.

ಮೂಡಿಗೆರೆ ಕೃಷಿ ಪ್ರಾದೇಶಿಕ ಸಂಶೋದನ ಕೇಂದ್ರ ಅಂಚನೆ ಕಾಲೇಜ್ ದ ಬೇತೆ ಸಂಸ್ಥೆದ ಮುತಾಲಿಕೆಡ್ ನಡತಿನ ಕೃಷಿಮೇಳ ಕ್ಷೇತ್ರೋತ್ಸವ ಕಜ್ಜಕೊಟ್ಯಡ್ ವೇಣೂರು ಜಾನ್ ಡಿಸೋಜೆರ್ ಅವಿಷ್ಕಾರ ಮಲ್ತಿನ ಮಾಸ್ಟರ್ ಗನ್‌ ದ ಪ್ರದರ್ಶನ ಬೊಕ್ಕ ಮಾರುನ ಮಳಿಗೆನ್ ಪಾಡ್ದಿತ್ತೆರ್.

ಶಾಸಕೆರ್ದ್ ಪುಗರ್ತೆ

ಮೂಡಿಗೆರೆ ಕ್ಷೇತ್ರದ ಶಾಸಕೆರ್ ಆಯಿನ ಎಂ.ಪಿ. ಕುಮಾರಸ್ವಾಮಿ ಮೇರ್ ಕೃಷಿಮೇಳದ ಉದಿಪನದ ಲೇಸ್ ಗ್ ಬತ್ತಿತ್ತೆರ್. ಈ ಪೊರ್ತುಡ್ ಮಳಿಗೆನ್ ಉದಿಪನ ಮಲ್ತಿನ ಶಾಸಕೆರ್ ಎಂ.ಪಿ. ಕುಮಾರಸ್ವಾಮಿ ಮೇರ್ ನೇರವಾದ್ ಜಾನ್ ಡಿಸೋಜೆರ್ನ ಮಳಿಗೆಗ್ ಬತ್ತ್ ದ್, ಗನ್ ದ ಬಗ್ಗೆ ಮಾಹಿತಿನ್ ಕೆಂಡೆರ್. ಫೈರಿಂಗ್ ರೀತಿಡ್ ಗನ್ ಪತ್ತಿನ ಶಾಸಕೆರ್ ಬೆನ್ನಿ ಬೆನ್ಪುನಕ್ಲೆಗ್ ಪ್ರಯೋಜನ ಆಪಿನ ನಿಲೆಟ್ಟ್ ಜಾನ್‌ ಡಿಸೋಜೆರ್ನ ಈ ಕಾರ್ಯಗ್ ಪುಗರ್ತೆದ ಪಾತೆರನ್ ಪಂಡೆರ್.

ಕೃಷಿ ವಿಜ್ಞಾನಿಲೆಡ್ದ್ ತೂಪಟಿಕೆ

ಶಾಸಕೆರ್ ಎಂ.ಪಿ. ಕುಮಾರಸ್ವಾಮಿ ಮೆರ್ನೊಟ್ಟುಗ್ ಕೃಷಿ ವಿಜ್ಞಾನಕೇಂದ್ರದ ವಿಜ್ಞಾನಿಲು ಅಂಚನೆ ಕೃಷಿಕಾಲೇಜ್ ದ ಪ್ರೊಫೆಸರ್‌ ನಕುಲ್ ಗನ್ ನ್ ತೂದ್ ತಯಾರ್ ಮಲ್ಪಿನ ಬಗೆಟ್ ಮಾಹಿತಿನ್ ದೆತೊಂದ್ ಅವಿಷ್ಕಾರ ಬೊಕ್ಕ ವಿನ್ಯಾಸ ಬಗೆಟ್ ಪುಗರ್ತೆನ್ ವ್ಯಕ್ತಪಡಿಸಾಯೆರ್. 25 ನೆಡ್ದ್ ಎಚ್ಚ ಬೇತೆ ಬೇತೆ ರೀತಿದ ಕೃಷಿಸಂಬಂಧಿತ ಮಳಿಗೆಲು ಕೃಷಿಮೇಳಡ್ ಪಾಲ್ ಪಡೆದಿತ್ತ್ಂಡ್.

ಜೋಕ್ಲೆಗ್ ಇಷ್ಟ ಆಯಿನ ಕೋವಿ!

ಮಾಸ್ಟರ್ ಗನ್ ಅಂಗಡಿಗ್ ಭೇಟಿ ಕೊರಿನ ತೋಟಗಾರಿಕೆ ವಿಭಾಗದ ಜೋಕುಲು ಗನ್‌ ಪತ್ತೊಂದ್ ಫೈರಿಂಗ್ ರೀತಿಡ್ ಫೋಸ್ ಕೊರಿಯೆರ್.

ಮಾಸ್ಟರ್ ಗನ್ ಪಂಡ ದಾದ?

ರೈತೆರ್ ಬೊಳೆಪಾಯಿನ ಬೆನ್ನಿಗ್ ಮಂಗೇ ಅಂಚನೆ ಬೇತೆ ಪ್ರಾಣಿ ಪಕ್ಷಿಲೆಡ್ದ್ ರಕ್ಷಿಸಾಯೆರ ತಯಾರ್ ಮಲ್ತಿನ ಕೋವಿ ಮಾದರಿದ ನಕಲಿ ಕೋವಿ. ಉಂದೆತ್ತ ನಳಿಕೆಗ್ ಎಲ್ಯ ಎಲ್ಯ ಕಲ್ಲ್ ನ್ ಜಿಂಜಾದ್ ಗನ್ ದ ಉಲಾಯಿ ಪಟಾಕಿನ್ ಪಾಡ್ದ್ ಸಿಡಿಪಾವುನ ಒಂಜಿ ಸಾಧನ ಆತ್ಂಡ್.

ಪಟಾಕಿದ ಶಬ್ದಗ್ ನಳಿಕೆದ ಉಲಯಿನ ಕಲ್ಲ್ ಸುಮಾರ್ 150 ಅಡಿದಾತ್ ಇದುರುಗ್ ಬೂರ್ಂಡ್. ಉಂದು ಪ್ರಾಣಿ, ಪಕ್ಷಿಲೆನ ಮುಟ್ಟ ಬೂರ್ನಗ ಎಲ್ಯ ರೀತಿಡ್ ಬೇನೆ ಆಪುಂಡ್. ಈ ರೀತಿಡ್ ಪ್ರಾಣಿ, ಪಕ್ಷಿಲೆನ್ ಪೋಡಿಪಾದ್ ರೈತೆರ್ನ ಬಿನ್ನಿನ್ ರಕ್ಷಿಸಾವೊಲಿಂದ್ ಜಾನ್ ಡಿಸೋಜ ಮೇರ್ ಪನ್ಪೆರ್.

Master Gun – made by Venur Jhon D Souza gets acclaimed at Mudigere Krishi Mela

Beltangady : Made to help agricultural workers ; Master Gun made by Venur Jovin Wood and engineering works proprietor John D Souza, was exhibited and acclaimed at Mudigere Krishi Mela on December 17 th.

The Krishi Mela was organised by Mudigere Krishi Research centre and college.

Mudigere MLA M.P.Kumaraswami inaugurated the program, and took part in in the the demonstration of the various new agricultural tools that were exhibited at the mela .
He had special appreciation for the Master Gun innovated by John D Souza as it was very beneficial for protecting crops in agricultural cultivation.

Master Gun
It wards off monkeys and other animals that destroy crops as it is filled with small stones and fire crackers that burst with a sound when fired and the stones hit the animals without hurting them seriously.The stones can reach a range of 150 feet.As such they can be very handy in protecting crops.