ಡೆತ್‌ನೋಟ್ ಬರೆದ್ ಆತ್ಮಹತ್ಯೆ ಮಲ್ತಿನ ಕುಡ್ಲದ ದಂಪತಿ

ಸುರತ್ಕಲ್ : ಕೋವಿಡ್ ಸೋಂಕು ಇತ್ತಿನ ದಂಪತಿಲು ಬಲ್ಲ್ ಪಾರ್ದ್ ಆತ್ಮಹತ್ಯೆ ಮಲ್ತಿನ ಘಟನೆ ಕುಡ್ಲದ ಬೈಕಂಪಾಡಿ ಚಿತ್ರಾಪುರಡ್ ನಡತುದುಂಡು..

ಚಿತ್ರಾಪುರ ಬೈಕಂಪಾಡಿ ಅಪಾರ್ಟ್‌ಮೆಂಟ್‌ದ ನಿವಾಸಿಲಾಯಿನ ಆರ್ಯ ಸುವರ್ಣ(45) ಬೊಕ್ಕ ಗುಣ ಸುವರ್ಣ(35) ಆತ್ಮಹತ್ಯೆ ಮಲ್ತಿನಕುಲು . ಮೆಕುಲು ಮೂಲತಃ ಪಡುಬಿದ್ರಿ ನಿವಾಸಿಲು.

ಆರ್ಯ ಸುವರ್ಣ ಖಾಸಗಿ ಕಂಪನಿಡ್ ಬೇಲೆಡ್ ಇತ್ತೆರ್ . ಗುಣ ಆರ್. ಸುವರ್ಣ ಡೆತ್ ನೋಟ್ ಬರೆದ್ ಐಟ್ ನಮ ಆತ್ಮಹತ್ಯೆ ಮಲ್ಪುನ ಕಾರಣ ಬರೆತೆರ್.

ಕಮಿಷನರ್ಗ್ ಕರೆ: ಆತ್ಮಹತ್ಯೆ ಮಲ್ಪುನ ದುಂಬು ಆರ್ಯ ಕಮಿಷನರ್ ಎನ್. ಶಶಿಕುಮಾರ್‌ಗ್ ವಾಯ್ಸ್ ಮೆಸೇಜ್ ಮಲ್ದೆರ್ , ‘ದಂಪತಿಲಾಯಿನ ನಮ ಆತ್ಮಹತ್ಯೆ ಮಲ್ತೊಂದು ಉಲ್ಲ ‘ ಪಂದ್ ಪಂತೆರ್. ನೆಕ್ಕ್ ಕಮಿಷನರ್ ಅಪಗನೆ ಪ್ರತಿಕ್ರಿಯೆ ಕೊರ್ದು ‘ಆತ್ಮಹತ್ಯೆದಂಚಿನ ದುಸ್ಸಾಹಸ ಮಲ್ಪೊಚಿ . ನಿಕ್ಲೆನ ಕಷ್ಟ ದಾದಾನೆ ಇತ್ತುಂಡ ಯಾನ್ ಸಾಕಾರ ಕೊರ್ಪೆ . ದಯಮಲ್ತ್ ಆತ್ಮಹತ್ಯೆ ಮಲ್ಪೋಚ್ಚಿ ಪಂದ್ ‘ ಪಂಡೆರ್ . ಅಪಗನೆ ಮಾತಾ ಪೊಲೀಸ್ ಠಾಣೆಗ್ ಮಾಹಿತಿ ಕೊರ್ತೆರ್ದಂಪತಿ
ರಕ್ಷಣೆಗೆ ಆಗ್ರಹಿಸಿದ್ದಾರೆ. ದಂಪತಿ ಮಾಹಿತಿ ಪಡೆದ್ ಸುರತ್ಕಲ್ ಪೊಲೀಸೆರ್ ಅಪಾರ್ಟ್‌ಮೆಂಟ್‌ಗ್ ಪೋನಗ ದಂಪತಿ ಆತ್ಮಹತ್ಯೆ ಮಲ್ದಿನ ತೊಜಿದ್ ಬತ್ತುಂಡ್.

ಜಾಗೆಗ್ ಕುಡ್ಲ ನಗರ ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್, ಡಿಸಿಪಿ ಹರಿರಾಂ ಶಂಕರ್, ಸುರತ್ಕಲ್, ಪಣಂಬೂರು ಇನ್‌ಸ್ಪೆಕ್ಟರ್ ಭೇಟಿ ಕೊರ್ತೆರ್..