ಮುಲ್ಕಿ: ಗ್ರಾಮೀಣ ಪ್ರದೇಶದ ಸಹಕಾರಿ ಕ್ಷೇತ್ರೊಡು ಜನಸೇವೆ ಮಲ್ಪುನ ಸಹಕಾರಿ ರಂಗನಾಥ ಶೆಟ್ರೆನ ಸಾಧನೆ ಮೆಚ್ಚೊಡಾಯಿನ ಪಂಡ್ ದ್ ಬೆಂಗಳೂರುದ ಅಂತಾರಾಷ್ಟ್ರೀಯ ವಾಸ್ತುತಜ್ಞೆರ್, ವೈಜ್ಞಾನಿಕ ಜ್ಯೋತಿಷಿ ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ ಪಂಡೆರ್.
ಆರ್ ಮುಲ್ಕಿ ದ ಶ್ರೀ ಚಂದ್ರಶೇಖರ ಸ್ವಾಮೀಜಿ ಆಶ್ರಮೊಡು ಸೋಮಾರ ಕಾಂಡೆ ದಕ್ಷಿಣ ಕನ್ನಡ ಜಿಲ್ಲಾ ಸಹಕಾರಿ ಪ್ರಕೋಷ್ಠದ ಸಂಚಾಲಕೆರಾದ್ ಆಯ್ಕೆ ಆಯಿನ ಮುಲ್ಕಿ ವಿಜಯ ಸೊಸೈಟಿದ ಅಧ್ಯಕ್ಷೆರ್ ರಂಗನಾಥ ಶೆಟ್ರೆನ್ ಮಾನಾದಿಗೆ ಮಲ್ತ್ ದ್ ಪಾತೆರಿಯೆರ್.
ಕರಿನ ಕೆಲವು ವರ್ಷೊರ್ದಿಂಚಿ ಬೇತೆ ಬೇತೆ ಸಂಘಟನೆಲೆನ ಮೂಲಕ ಮುಲ್ಕಿ ಪರಿಸರೊಡು ಬಡವರೆನ, ಹಿಂದುಳಿದ ವರ್ಗದಕಲೆನ ಶಕ್ತಿಯಾದ್ ಪುಗರ್ತೆ ಪಡೆಯಿನ ರಂಗನಾಥ ಶೆಟ್ರೆನ ಸೇವೆ ನಿರಂತರ ಆದುಪ್ಪಡ್ ಪಂಡ್ ದ್ ಆರ್ ಶುಭ ಹಾರೈಕೆ ಮಲ್ತೆರ್.
ಈ ಪೊರ್ತುಡು ಆಶ್ರಮದ ನಿರ್ದೇಶಕೆರಾಯಿನ ರಜನಿ ಚಂದ್ರಶೇಖರ್ ಭಟ್, ರೋಶನಿ ಭಟ್, ರಾಹುಲ್ ಸಿ. ಭಟ್, ಸಂಚಾಲಕೆರಾಯಿನ ಪುನೀತ್ ಕೃಷ್ಣ, ವಿಜಯ ರೈತ ಸೊಸೈಟಿ ನಿರ್ದೇಶಕೆರ್ ದೇವಿಪ್ರಸಾದ್ ಕೆಂಪುಗುಡ್ಡೆ, ಭದ್ರತಾ ಸಿಬ್ಬಂದಿ ಮಂಜುನಾಥ ಗೌಡ ಮೊಕುಲು ಮಾತ ಇತ್ತೆರ್.
ರಾಹುಲ್ ಸಿ. ಭಟ್ ಸ್ವಾಗತ ಮಲ್ತೆರ್. ಪುನೀತ್ ಕೃಷ್ಣ ಲೇಸ್ ಸುಧಾರಿಕೆ ಮಲ್ತೆರ್.
pallavi shetty