ಶಿವಮೊಗ್ಗ : ನುಪ್ಪು ಮಲ್ಪುನ ವಿಚಾರವಾದು ಮಾಮಿ ಬೊಕ್ಕ ಮರ್ಮಲ್ ನ ಮಧ್ಯೊಡು ಲಡಾಯಿ ಆತುಂಡು. ಮಾತುಗು ಮಾತು ಪೊದು, ಮರ್ಮಲ್ ಬೆಚ್ಚ ಬೆಚ್ಚ ನುಪ್ಪುದ ತೆಲಿನು ಮಾಮಿನ ತೆರೆತ್ತ ಮಿತ್ತು ಪಾಡ್ದೆರ್.
ಶಿವಮೊಗ್ಗ ಜಿಲ್ಲೆದ ಸಾಗರ ತಾಲೂಕ್ ದ ಮುಳಕೇರಿ ಗ್ರಾಮೊದ ನಿವಾಸಿ ಪಾರ್ವತಮ್ಮ (58) ಸುಟ್ಟ ಗಾಯಾಡ್ದಾವರ ಆಸ್ಪತ್ರೆಗು ಸರ್ದೆರ್.
ಘಟನೆದ ವಿವರ :
ಪಾರ್ವತಮ್ಮ ಇಂಬೆರ್ನ ಮರ್ಮಲ್ ನೇತ್ರಾ ನುಪ್ಪು ದೀದಿತೆರ್. ಇಂದೆನ್ ತೂಯಿನ ಪಾರ್ವತಮ್ಮ ಯಾನು ನುಪ್ಪು ಮಲ್ತೆ. ಕುಡೊರಾ ದಾಯೆ ನುಪ್ಪು ದೀಯಾ ಪಂಡುದು ಪ್ರಶ್ನೆ ಕೆಂಡೆರ್. ಈ ಮಧ್ಯೊಡು ಪಾರ್ವತಮ್ಮ ಬೊಕ್ಕ ನೇತ್ರಾನ ಮಧ್ಯೋಡು ಲಾಡಯಿ ಆತುಂಡು. ಮಾತುಗು ಮಾತು ಬುಳೆದು ಇರ್ವೆರ್ಲಾ ಸಿಟ್ಟಾತೆರ್. ನೇತ್ರಾ ಒಲೆತ್ತ ಮಿತ್ತು ದೀತಿನ ನುಪ್ಪುದ ಬಾಜನೆನ್ ಕನತು ಆಯಿಟು ಇತ್ತಿನ ತೆಲಿನು ಮಾಮಿನ ತರೆತ ಮಿತ್ತು ಪಾಡ್ದೆರ್.
ಸುಟ್ಟಿನ ಗಾಯಾಡ್ದಾವರ ಮಾಮಿ ಆಸ್ಪತ್ರೆಗು ಸೆರ್ದೆರ್. ಸಾಗರ ಗ್ರಾಮ ಪಂಚಾಯತ್ ಡು ಈ ಪ್ರಕಟನೆ ದಾಖಲಾತುಂಡು.
pallavi shetty