ಕುಡ್ಲ, ಆ.21: ಅಫ್ಘಾನಿಸ್ತಾನೊಡು ತಾಲಿಬಾನ್ ಅಟ್ಟಹಾಸ ಜಾಸ್ತಿ ಅವೊಂದುoಡು. ಈ ವಿಷಯಡ್ ಕುಡ್ಲಡು ಇಪ್ಪುನ ಅಫ್ಘಾನ್ ವಿದ್ಯಾರ್ಥಿಲೆಗ್ ಅಂಚನೇ ಜನಕುಲೆಗ್ ಕುಡ್ಲದ ಪೊಲೀಸ್ ಆಯುಕ್ತೆರಾಯಿನ ಎನ್. ಶಶಿಕುಮಾರ್ ಅಕುಲೆನ್ ಲೆತ್ತುದು ಧೈರ್ಯದ ಪಾತೆರ ಪಂಡೆರ್.
ಶನಿವಾರ ಕಮಿಷನರ್ ಕಚೇರಿಡು ಪಾತೆರ್ದಿನ ಆರ್, ಮಾತ ವಿದ್ಯಾರ್ಥಿಲೆಗ್ ಧೈರ್ಯಡು ಇಪ್ಪುಲೆ ಪಂಡೆರ್. 58 ವಿದ್ಯಾರ್ಥಿಲೆಡ್ 11 ವಿದ್ಯಾರ್ಥಿಲು ಅಫ್ಘಾನಿಸ್ತಾನೊಗು ಪೊಯೆರ್. ಒರಿನ 47 ವಿದ್ಯಾರ್ಥಿಲು ಮುಲ್ಪನೆ ಉಲ್ಲೆರ್.
ಅಫ್ಘಾನಿಸ್ತಾನೊಗು ಪೊದು ಬಾಕಿಯಾಯಿನ ವಿದ್ಯಾರ್ಥಿಲೆಗ್ ಶೈಕ್ಷಣಿಕ ಅಭ್ಯಾಸೊಲು ಮುಂದುವರಿಸಾವೊಡು ಅಂಚನೇ ಅಕುಲೆನ್ ಸರ್ಕಾರ ಇಡೆಗ್ ಬರ್ಪುಲೆಕ ಮಲ್ತುಂಡ ಸಹಾಯ ಆಪುಂಡು ಪಂದು ಪಂಡೆರ್.