ಪಡುಬಿದ್ರಿ ಜುಲೈ 14 : ತೈಲ ಬೆಲೆ ಜಾಸ್ತಿ ಮಲ್ದಿನ ಕ್ರಮನ್ ವಿರೋಧ ಮಲ್ತ್ ಎಸ್ಎಸ್ಎಫ್ ಪಡುಬಿದ್ರಿ ಸೆಕ್ಟರ್ ವತಿರ್ದ್ ಐತಾರ ಪಡುಬಿದ್ರಿದ ಭವ್ಯ ಪೆಟ್ರೋಲ್ ಬಂಕ್ ದ ಎದುರು ಭಿತ್ತಿ ಪತ್ರ ಪ್ರದರ್ಶನ ಮಲ್ತ್ ಪ್ರತಿಭಟನೆ ನಡಪಾಯೆರ್ .
ಕೇಂದ್ರ ಸರ್ಕಾರ ಕೊರೊನಾ ಪೊರ್ತುಡು ತೈಲ ಬಿಲೆ ಜಾಸ್ತಿ ಮಲ್ದಿನೆರ್ದಾವರ ಜನಸಾಮಾನ್ಯೇರ್ನ ಬದ್ಕ್ ದುಸ್ತರವಾತುಂಡು . ಜನಕುಲು ಕಷ್ಟಡ್ ಉಪ್ಪುನ ಪೊರ್ತುಡು ಸರ್ಕಾರ ಬಿಲೆ ಜಾಸ್ತಿ ಮಲ್ದಿನವು ಸರಿ ಅತ್ತ್ ಪಂದ್ ಪಂಡೆರ್.
ಕಾಪು ಬ್ಲಾಕ್ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಮೀಝ್ ಹುಸೈನ್, ಪಡುಬಿದ್ರಿ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ನಿಯಾಝ್, ಶಾಫಿ ಎಂ.ಎಸ್, ಸೆಕ್ಟರ್ ಗುರ್ಕಾರ್ಲಾಯಿನ ಮೆಹಫೂಝ್, ಪಡುಬಿದ್ರಿ ಶಾಖೆಯ ಗುರ್ಕಾರ್ಲಾಯಿನ ಸಫ್ವಾನ್, ಕನ್ನಂಗಾರ್ ಯುನಿಟ್ ಗುರ್ಕಾರ್ಲಾಯಿನ ನಿಹಾದ್, ಡಿವಿಶನ್ ನಾಯಕ ಸಿರಾಜ್ ಎಂ.ಎಸ್, ತೌಶೀರ್ ಪಿ.ಎಂ, ತಶ್ರೀಫ್, ಸೆಕ್ಟರ್ ನಾಯಕೆರಾಯಿನ ಶಫೀಕ್, ಅಬ್ದುಲ್ ರಹ್ಮಾನ್ ಪಾಲ್ ಪಡೆದಿತ್ತೆರ್.
pallavi shetty