ಈ ಎಪ್ರಿಲ್ ಡ್ ನಡಪುನ ಶ್ರೀ ರಾಮನವಮೀ ಉತ್ಸವನ್ ಒಡಿಪು ಜಿಲ್ಲೆದ ಪ್ರತೀ ಗ್ರಾಮಡ್ ಸಮಸ್ತ ಹಿಂದೂ ಸಮಾಜಬಾಂಧವೆರ್ ಸೇರ್ದ್ ಸರಳ – ಅರ್ಥಪೂರ್ಣ – ಶ್ರದ್ಧೆ ಭಕ್ತಿಡ್ ಆಚರಣೆ ಮಲ್ಪೊಡು ಪಂದ್ ಪೇಜಾವರ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರ್ ಪಂಡೆರ್.
ಬುಧವಾರ ಬೈಯ್ಯಗ್ ಒಡಿಪು ಪೇಜಾವರ ಮಠಟ್ ಈ ಬಗ್ಗೆ ನಡತಿನ ಸಮಾಲೋಚನಾ ಸಭೆಟ್ ಶ್ರೀಲು ಮಾರ್ಗದರ್ಶನ ಕೊರಿಯೆರ್ . ಪ್ರತೀ ಹಳ್ಳಿಡ್ ಉತ್ಸವ ಆಚರಣೆ ಮಲ್ಪುನ ಬಗ್ಗೆ ಇತ್ತೆ ಎಲ್ಯ ಕೂಟ ರಚನೆ ಮಲ್ತ್ ದ್ ಕಾರ್ಯಪ್ರವೃತ್ತರಾಪಿಲಕ ಸೂಚನೆ ಕೊರಿಯೆರ್.
ಸಭೆಟ್ ರಾಷ್ಟ್ರೀಯ ಸ್ವಯಂ ಸಂಘದ ವಿಭಾಗ ಕಾರ್ಯವಾಹ ವಾದಿರಾಜ್ , ವಿಹಿಂಪ ಜಿಲ್ಲಾಧ್ಯಕ್ಷ ವಿಷ್ಣುಮೂರ್ತಿಆಚಾರ್ಯ,ಯಕ್ಷಗಾನ‌ಕಲಾರಂಗದ ಕಾರ್ಯದರ್ಶಿ ಮುರಳಿ ಕಡೆಕಾರ್ , ವಿದ್ಯೋದಯ ಶಿಕ್ಷಣ ಸಂಸ್ಥೆದ ಕಾರ್ಯದರ್ಶಿ ಕೆ ಗಣೇಶ್ ರಾವ್ , ಬಜರಂಗದಳ ಪ್ರಾಂತ ಸಹ ಸಂಚಾಲಕ ಸುನಿಲ್ ಕೆ ಆರ್ , ಜಿಲ್ಲಾ ಸಂಚಾಲಕ ಸುರೇಂದ್ರ ನಾಗರಾಜ್ , ವಾಸುದೇವ ಭಟ್ ಪೆರಂಪಳ್ಳಿ , ವಿಹಿಂಪ ಮಹಿಳಾ ಪ್ರಮುಖ್ ಪೂರ್ಣಿಮಾ ನಾಯಕ್ ಪಾಲ್ ಪಡೆದ್ ಇತ್ತೆರ್.
ಗ್ರಾಮ ಮಟ್ಟಡ್ ಉತ್ಸವ ಅಟ್ಟನೆ ಮಲ್ಪುನ ಬಗ್ಗೆ ಶ್ರೀಕುಲು ಕೆಲವು ಸಲಹೆ ಕೊರಿಯೆರ್ ಅವೆನ್ ಅವ್ವೆ ಹಳ್ಳಿದ ಸಂಯೋಜಕೆರೆಗ್ ಕರಪತ್ರದ ಮುಖೇನ ಪಟ್ಟರೆ ನಿರ್ಧಾರ ಮಲ್ತೆರ್.
Editorial