ದುಬೈ : ಯುಎಇಡ್ ಇಪ್ಪುನ ಮಂಜೇಶ್ವರದ ಅನಿವಾಸಿಗರ ಸ್ನೇಹಸಮ್ಮಿಲನ “ಮೈಸರ್ಕಾರ್ ಗಮ್ಮತ್-2024” ಕಾರ್ಯಕ್ರಮದ ಲೆಪ್ಪೋಲೆ ಬುಡುಗಡೆ ಮಂಜೇಶ್ವರದ ಶಾಸಕೆರ್ ಎ.ಕೆ.ಎಂ.ಅಶ್ರಫ್ ದುಬೈಡ್ ಬುಡುಗಡೆ ಮಲ್ತೆರ್. ದುಬೈಡ್ ಇಚ್ಚಿಂಪಗ್ ನಡತ್ತಿನ ಲೇಸ್ಡ್ ಲೆಪ್ಪೋಲೆ ಬುಡುಗಡೆ ಮಲ್ತ್ದ್ ಮೈಸರ್ಕಾರ್ ಗಮ್ಮತ್-2024 ಕಾರ್ಯಕ್ರಮಡ್ ಯುಎಇಡ್ ಇಪ್ಪುನ ಮಂಜೇಶ್ವರದ ಅನಿವಾಸಿಗೆರ್ ಕಾರ್ಯಕ್ರಮಡ್ ಪಾಲ್ ಪಡೆದ್ ಕಾರ್ಯಕ್ರಮನ್ ಗಮ್ಮತ್ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್.
ಲೇಸ್ದ ಗುರ್ಕಾರ್ಮೆನ್ ಮೈಸರ್ಕಾರ್ದ ಮಾನಾದಿಗೆದ ಗುರ್ಕಾರ್ಲು ನ್ಯಾಯವಾದಿ ಇಬ್ರಾಹಿಂ ಖಲೀಲ್ ವಹಿಸ್ದ್ ಇತ್ತೆರ್. ಅಬ್ದುಲ್ ರಹಮಾನ್ ಬಾವ, ಮೋಯ್ದಿನ್ ಬಾವ ಹೊಸಂಗಡಿ, ಅಮೀನ್ ಶೇಖ್,ಆಶೀಫ್ ಹೊಸಂಗಡಿ, ಆಸ್ಫಖ್ ಕರೋಡ, ಬಶೀರ್,ಮುನೀರ್, ಸೌಖತ್, ನಯೀಮ್ ಶೇಖ್, ಫೈಝಲ್,ಹಮೀದ್,ಶುಕುರ್ಚ,ಸಲೀಂ ಸನ, ಸೈದು ,ಅಜೀಜ್ ಕುಚ್ಚಿಕಾಡ್,ಶೇಖ್ಅಜೀಜ್, ಶೇಖ್ ಮುಜೀಬ್ ಹಾರಿಸ್ ಉದ್ಯಾವರ ಈ ಪೊರ್ತುಡು ಇತ್ತೆರ್. ಫೆಬ್ರವರಿ 11 ತಾನಿ ದುಬೈದ Pace Modern British School Rashidiya ದ ಚಾವಡಿಡ್ ಮೂಜಿ ಗಂಟೆರ್ದ್ ರಾತ್ರೆ ಪತ್ತ್ ಮುಟ್ಟ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಕ ಬೇತೆ ಬೇತೆ ಗೊಬ್ಬುಲು ನಡಪೆರೆ ಉಂಡು ಪಂದ್ ಸಂಘಟಕೆರ್ ತೆರಿಪಾದೆರ್. ಅಬ್ದುಲ್ ರಹಮಾನ್ ಬಾವ ಬತ್ತಿ ಬಿನ್ನೆರೆನ್ ಎದ್ಕೊಂದು, ಮೋಯ್ದಿನ್ ಬಾವ ಹೊಸಂಗಡಿ ಸೊಲ್ಮೆ ಸಂದಾಯ ಮಲ್ತೆರ್.
pallavi shetty