ಕದ್ರಿ ಜಾತ್ರೆಡ್ ಮಕ್ಕಿಮನೆ ಕಲಾವೃಂದದಕ್ಲೆರ್ದ್ ಸಾಂಸ್ಕ್ರತಿಕ ಲೇಸ್

ಕುಡ್ಲ: ಪುಗರ್ತೆದ ಕುಡ್ಲದ ಕದ್ರಿ ಶ್ರೀ ಮಂಜುನಾಥ ದೇವಲ್ಯದ ವರ್ಷಾವಧಿ ಜಾತ್ರೋಚ್ಚಯ, ಮಲ್ಲ ತೇರ್ ಉಚ್ಚಯ ಜ.22 ಸೋಮಾರ ಗೌಜಿಡ್ ನಡತ್ಂಡ್.

ಈ ಉಚ್ಚಯಡ್ ಮಲ್ಲಿಕಾ ಕಲಾವೃಂದದ ದುಂಬಾತ್ತಿಗೆಡ್ ಸುದೇಶ್ ಜೈನ್ ಮಕ್ಕಿಮನೆ ಮುತಾಲಿಕೆದ ಮಕ್ಕಿಮನೆ ಕಲಾವೃಂದ ಕುಡ್ಲ ಕೂಟದಕ್ಲೆರ್ದ್ ಸಾಂಸ್ಕ್ರತಿಕ ಲೇಸ್ ನಡತ್ಂಡ್.

ಈ ಪೊರ್ತುಡು ಡಾ.ಎ. ಜನಾರ್ಧನ ಶೆಟ್ಟಿ, ಪ್ರದೀಪ್ ಕುಮಾರ್ ಕಲ್ಕೂರ, ಸುಧಾಕರ ರಾವ್ ಪೇಜಾವರ, ಸನತ್ ಕುಮಾರ್ ಜೈನ್, ನವನೀತ್ ಶೆಟ್ಟಿ ಕದ್ರಿ, ಪ್ರಭಾಕರ ರಾವ್ ಪೇಜಾವರ ಪಾಲ್ ಪಡೆದ್ ಕಲಾವಿದೆರೆಗ್ ಮಾನಾದಿಗೆ ಮಲ್ತೆರ್.

ರೇಖಾ ರಂಜಿತ್ ಕದ್ರಿ ಲೇಸ್ ಸುಧಾರಿಕೆ ಮಲ್ತೆರ್. ಶ್ರೀಕಾಂತ್ ಕೊಂಡಾಣ, ಶ್ರೇಯಾ ಭಟ್, ಭಾಗ್ಯಶ್ರೀ ಭಟ್ ಸಹಕಾರ ಕೊರಿಯೆರ್.