ಒಡಿಪು: ಕೋಟ ಶಿವರಾಮ ಕಾರಂತೆರೆನ ಪುಟ್ಟು ಪರ್ಬದ ಆಚರಣೆಗ್ ಒಡಿಪು ಜಿಲ್ಲೆಗ್ ಕರ್ನಾಟಕ ರಾಜ್ಯದ ರಾಜ್ಯಪಾಲೆರ್ ಥಾವರ್ ಚಂದ್ ಗೆಹ್ಲೋಟ್ ಭೇಟಿ ಕೊರಿಯೆರ್.
ಅವೆರ್ದ್ ಬೊಕ್ಕ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಲ್ಯಗ್ ಭೇಟಿ ಕೊರ್ದು ಬಯ್ಯಗ್ ಕುಡ ಕುಡ್ಲ ಇಮಾನ ನಿಲ್ದಾಣದ ಮುಖೇನ ಬೆಂಗ್ಲೂರುಗ್ ಪ್ರಯಾಣ ಮಲ್ತೆರ್. ಮೆರೆಗ್ ಒಡಿಪು ಬಿಜೆಪಿ ನಿಯೋಗರ್ದ್ ಮಾನಾದಿಗೆ ಮಲ್ತೆರ್. ಜಿಲ್ಲಾ ಬಿಜೆಪಿ ಗುರ್ಕಾರೆ ಕುಯಿಲಾಡಿ ಸುರೇಶ್ ನಾಯಕ್ ರಾಜ್ಯಪಾಲೆರೆಗ್ ಅಭಿನಂದನೆ ಸಂದಾಯೆರ್.
ಈ ಪೊರ್ತುಡು ವಿಭಾಗ ಪ್ರಭಾರಿಲಾಯಿನ ಉದಯ ಕುಮಾರ್ ಶೆಟ್ಟಿ, ಶಾಸಕೆರ್ ಯಶ್ಪಾಲ್ ಸುವರ್ಣ, ಗುರ್ಮೆ ಸುರೇಶ್ ಶೆಟ್ಟಿ, ಗುರುರಾಜ್ ಗಂಟಿಹೊಳೆ, ಮಾಜಿ ಶಾಸಕೆರ್ ಕೆ ರಘುಪತಿ ಭಟ್, ಪ್ರಮೋದ್ ಮಧ್ವರಾಜ್, ಬಿಜೆಪಿ ಜಿಲ್ಲಾ ಪಧಾನ ಕಾರ್ಯದರ್ಶಿ ಕುತ್ಯಾರು ನವೀನ ಶೆಟ್ಟಿ, ಜಿಲ್ಲಾ ಬಿಜೆಪಿ ವಕ್ತಾರೆರ್ ಕೆ ರಾಘವೇಂದ್ರ ಕಿಣಿ, ಪೂರ್ಣಿಮಾ ಸುರೇಶ್ ಪಾಲ್ ಪಡೆದಿತ್ತೆರ್.
pallavi shetty