ಬೊಂಬೈ: ಶ್ರೀ ಭುವನೇಶ್ವರಿ ಸೇವಾ ಸಮಿತಿ ಮುತಾಲಿಕೆಡ್ “ಭುವನೇಶ್ವರಿ ದೇವಿಗ್ ಮಾರ್ನೆಮಿದ ಉಚ್ಚಯ

ಬೊಂಬೈದ ಬೋರ್ ಬಜಾರ್ ಶ್ರೀ ಭುವನೇಶ್ವರಿ ಸೇವಾ ಸಮಿತಿ (ರಿ) ಬೊಕ್ಕ ಜೋತಿಷ್ಯ ಶಾಸ್ತ್ರ ವಿದ್ವಾನ್ ಶ್ರೀ ಶ್ರೀ ರಾಜೇಶ್ ಭಟ್ ಮೆರೆನ ಮುತಾಲಿಕೆಡ್, ಶ್ರೀ ಭುವನೇಶ್ವರಿ ದೇವಿಗ್ ” ಅ. 15ರ್ದ್ 24 ಮುಟ್ಟ ಮಾರ್ನೆಮಿದ ಉಚ್ಚಯ ನಡಪರೆ ಉಂಡು. ಅ.15 ದಾನಿ ಕಲಸ ಪ್ರತಿಷ್ಠೆ, ಪ್ರತಿ ದಿನ ಭಜನೆ, ಶ್ರೀ ದೇವಿ ಗ್ರಂಥ ಪಾರಾಯಣ, ದೇವಿ ದರ್ಶನ, ಅನ್ನ ಸಂತರ್ಪಣೆ ನಡಪರೆ ಉಂಡು.
ಅ. 20 ದಾನಿ ಸಾಮೂಹಿಕ ಸತ್ಯನಾರಾಯಣ ಪೂಜೆ, ಅ.21 ದಾನಿ ಸಾಮೂಹಿಕ ಶನಿ ಪೂಜೆ, ಅ.22 ಐತಾರ ಮಧ್ಯಾಹ್ನ ನವಚಂಡಿಕಾಹೋಮ ಅ.24 ಧಾರ್ಮಿಕ ಸಭೆ, ದೇವಿನ ಭಜನೆ, ದೇವಿ ದರ್ಶನ, ಬೊಕ್ಕ ಕೊಂಬು. ವಾದ್ಯೊಡು ಶ್ರೀ ದೇವಿನ ಮೂರ್ತಿ ಪಲ್ಲೆಂಕಿ ಮೆರವಣಿಗೆಡ್ ಜಲಕೊಗು ಪೋವರೆ ಉಂಡು.
ಈ ಮಾತ ಕಾರ್ಯೊಡು ಮಾತ ಭಕ್ತೆರ್ ತನ್ನ ಪರಿವಾರದ ಒಟ್ಟುಗು ಬತ್ತ್ ದ್, ಶೀ ದೇವಿನ ಗಂಧ ಪುರ್ಸಾದೊಗು ಪಾತ್ರರಾವೊಡು ಅಂಚೆನೆ ದೇವಿನ ಪಲ್ಲೆಂಕಿ ಮೆರವಣಿಗೆಡ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆಯೊಡು ಪಂದ್ ಶ್ರೀ ಭುವನೇಶ್ವರಿ ಸೇವಾ ಸಮಿತಿ ದಕುಲು ಲೆಪ್ಪೋಲೆಡ್ ತೆರಿಪಾದೆರ್.