ಬಂಟ್ವಾಳ: ಆರ್ಟ್ ಗ್ಯಾಲರಿದ ಧಣಿ ನಾರಾಯಣ ಮೂಲ್ಯ ಆತ್ಮಹತ್ಯೆ..!!!

ಬಂಟ್ವಾಳ :ಮಾಣಿ–ಮೈಸೂರು ರಾಜ್ಯ ಹೆದ್ದಾರಿದ ನೇರಳಕಟ್ಟೆ ಕೈತಲ್‌ದ ಪರ್ಲೊಟ್ಟು ನಾರಾಯಣ ಮೂಲ್ಯ ಮೇರ್ ಕೆದುಕ್ಕ್‌ ಲಾಗಿದ್‌ ಆತ್ಮಹತ್ಯೆ ಮಲ್ತೊನ್ನ ಘಟನೆ ವರದಿ ಆತ್‌ಂಡ್. ಸೂರಿಕುಮೇರ್ ನಿವಾಸಿ, ಅಮೂಲ್ಯ ಆರ್ಟ್ ಗ್ಯಾಲರಿದ ಧಣಿ, ಎಲ್.ಐ.ಸಿ ಏಜೆಂಟ್ ನಾರಾಯಣ ಕುಲಾಲ್ ತೀರ್‌ಪೋಯಿನ ವ್ಯಕ್ತಿ.
ಸೋಮವಾರ ಬೊಲ್ಪುಗು ಪರ್ಲೊಟ್ಟುದಲ್ಪ ಕೆದುತ್ತ ಕೈತಲ್ ಬೈಕ್, ಮೊಬೈಲ್, ಚಪ್ಪಲ್ ತೂಯಿನ ಕೈತಲ್‌ ದಕುಲು ಏರೋ ಕೆದುಕ್ಕ್‌ ಲಾಗಿದ್‌ ಇಪ್ಪೊಡು ಪನ್ಪಿನ ಸಂಶಯಡ್‌ ವಿಟ್ಲ ಪೊಲೀಸ್‌ ಸ್ಟೇಷನ್‌ ಬೊಕ್ಕ ಅಗ್ನಿಶಾಮಕ ದಳಕ್ಕ್‌ ತೆರಿಪಾಯೆರ್. ಅಗ್ನಿಶಾಮಕ ದಳದಕುಲು ಜಾಗೆಗ್‌ ಬತ್ತ್‌ದ್‌ ಪುನನ್‌ ಪಿದಾಯಿ ದೆತ್‌ದೆರ್. ವಿಟ್ಲ ಸ್ಟೇಷನ್‌ಡ್‌ ಕೇಸ್‌ ದಾಖಲಾತ್‌ಂಡ್.