ಬೆಂಜನಪದವು ಕೊರಗಜ್ಜನ ಸನ್ನಿಧಿಡ್ ಕರಿಗಂಧ ತುಳು ಭಕ್ತಿಗೀತೆ ಬುಡುಗಡೆ

ಬೆಂಜನಪದವುದ ವಿಜಯ್ ಮೆರೆನ ಮುತಾಲಿಕೆಡ್ ಕೊರಗಜ್ಜನ ಕರಿಗಂಧ ಪನ್ಪಿನ ತುಳು ಭಕ್ತಿ ಸುಗಿಪುನ್ ಕೊರಗಜ್ಜನ ಸಾನಿಧ್ಯಡ್ ಪ್ರಾರ್ತನೆ ಸಂದೈತ ಮಲ್ಪುನೆತ್ತೊಟ್ಟಿಗೆ R.M creation ಯೂಟ್ಯೂಬ್ ಚಾನಲ್‌ಡ್ ಜುಲೈ 23 ತಾರೀಕ್ ಬಯ್ಯ 6 ಗಂಟೆಗ್ ಬುಡುಗಡೆ ಮಲ್ತೆರ್.

ದುಬೈಡ್ ಇತ್ತಿನ ತುಳುನಾಡ್ ದ ಜವನೆರೆನ ಮಲ್ಲ ಬೆನ್ನಿ ಈ ಭಕ್ತಿಸುಗಿಪುದ ಪಿರವುಡ್ ಉಂಡು. ಆತೆ ಅತ್ತಂದೆ ಆರ್.ಎಮ್ ಕ್ರಿಯೇಷನ್ ಅರ್ಪಣೆ ಮಲ್ಪುನ ಸುಧಾಕರ್ ಸಸಿಹಿತ್ಲು ಮೆರೆನ ರಾಗ ಸಂಯೋಜನೆ ಬೊಕ್ಕ ಸಾಹಿತ್ಯ ಅಂಚನೆ ರಂಜಿತ್ ಮೊಗರು ಮೆರೆನ ಸ್ವರಟ್, ತುಳುನಾಡ ಕೊರಗಜ್ಜ ದೈವೊದ ಭಕ್ತಿ ಸುಗಿಪುದ ಪದ ಬುಡುಗಡೆ ಆತ್ಂಡ್. ಈ ಭಕ್ತಿ‌ಸುಗಿಪುದ ಸಂಗೀತನ್ ಗುರು ಬಾಯರ್ ಕೊರ್ತೆರ್. ಲತೇಶ್ ಸುರತ್ಕಲ್, ಮಹೇಶ್ ಕನ್ಯಾನ, ವಿನಿತ್ ರಾಜ್ ಕೋಟ್ಯಾನ್, ಯತೀಶ್ ಕುನ್ಹಿತ್ತಿಲ್ ನೆತ್ತ ನಿರ್ಮಾಪಕೆರಾತೆರ್. ಡಿಒಪಿ ಹಿತೇಶ್ ಸುರತ್ಕಲ್ ಮಲ್ತಿನ ಈ ಭಕ್ತಿಸುಗಿಪು ಗಜಾಲ್ ಬೀಟ್ಸ್ ದುಬೈ ಮಲ್ದ್ಂಡ್. ಪ್ರಚಾರ ಸತೋಷ್ ಪುಚೆರ್ ಮಲ್ದೆರ್.

ಈ ಭಕ್ತಿಸುಗಿಪು ಕೆನಿಯೆರೆ ಈ ಲಿಂಕ್ ನ್ ಕ್ಲಿಕ್ ಮಲ್ಪುಲೆ:

https://www.youtube.com/watch?v=7JwjWr8pCJU