ಟ್ವಿಟರ್ ಡ್ ನಕಲಿ ಎಕೌಂಟ್ ಡ್ ತುಳುನಾಡ್ ದ ದೈವಾರಾಧನೆನ್ ನಿಂದನೆ ಬೊಕ್ಕ ಪೊಂಜೋವ್ ನಕ್ಲೆನ ಬಗ್ಗೆ ಬೊರ್ಚಂದಿನ ಪೋಟೋನ್ ಪೋಸ್ಟ್ ಮಲ್ತಿನ ಕೇಸ್ ದ ಆರೋಪಿನ್ ಸೆನ್ ಕ್ರೈಮ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಬೆಂಗಳೂರು ಉತ್ತರ ತಾಲೂಕು ಅಮೃತಹಳ್ಳಿ ನಿವಾಸಿ ಶಿವರಾಜ್ ಎಚ್. ಕೆ (37) ಆರೋಪಿ.
ಈ ಬಗೆಟ್ಟ್ ತುಳುನಾಡ್ ದ ದೈವಾರಾಧನೆ ಸಂರಕ್ಷಣಾ ಯುವ ವೇದಿಕೆ (ರಿ.) ದಕುಲು ಸೆನ್ ಕ್ರೈಮ್ ಪೊಲೀಸೆರೆಗ್ ದೂರು ಕೊರ್ದಿತ್ತೆರ್. ಅಂಚನೆ ಪೊಲೀಸೆರ್ ಕ್ರೈಮ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಮಲ್ತ್ ಇತ್ತೆರ್.
ಆರೋಪಿನ್ ಕುಡ್ಲದ 7ನೇ ಜೆ.ಎಂ.ಎಫ್.ಸಿ ಕೋರ್ಟ್ ಹಾಜರ್ ಮಲ್ದೆರ್.
ಈ ಕೇಸ್ ದ ಆರೋಪಿನ್ ಪತ್ತುನ ಬೇಲೆಡ್ ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತೆರ್ ಕುಲದೀಪ್ ಕುಮಾರ್ ಆರ್ ಜೈನ್, ಸಿಸಿಬಿ ಘಟಕದ ಎಸಿಪಿ ಆಯಿನ ಪಿಎ ಹೆಗ್ಡೆ, ಕುಡ್ಲ ಪೇಂಟೆದ ಸೆನ್ ಕ್ರೈಮ್ ಪೊಲೀಸ್ ಠಾಣೆದ ಪೊಲೀಸ್ ಇನ್ಸ್ ಪೆಕ್ಟರ್ ಸತೀಶ್ ಎಂಪಿ ಬೊಕ್ಕ ಸಿಬ್ಬಂದಿಲು ಇತ್ತೆರ್.
pallavi shetty