ಚುಟುಕು ಸಾಹಿತ್ಯ ಪರಿಷತ್ ಕರಾವಳಿ ಕರ್ನಾಟಕದ ಅಧ್ಯಕ್ಷೆರಾದ್ ರವೀಂದ್ರ ಶೆಟ್ಟಿ ಬಳಂಜ ಆಯ್ಕೆ

ಬೊಲ್ತೇರ್: ಕರ್ನಾಟಕ ರಾಜ್ಯ ಚುಟುಕು ಸಾಹಿತ್ಯ ಪರಿಷತ್ ಮುತಾಲಿಕೆಡ್ ಮೇ 25 ಕ್ಕ್ ಬೀದರ್ ಜಿಲ್ಲೆದ ಭಾಲ್ಕಿಡ್ ನಡತಿನ ರಾಜ್ಯ ಮಟ್ಟದ 11 ನೇ ಕರ್ನಾಟಕ ಚುಟುಕು ಸಾಹಿತ್ಯ ಸಮ್ಮೇಳನಡ್ ದಕ್ಷಿಣ ಕನ್ನಡ, ಒಡಿಪು ಬೊಕ್ಕ ಉತ್ತರ ಕನ್ನಡ ಜಿಲ್ಲೆಡ್ ಇಪ್ಪುನ ಕರಾವಳಿ ಕರ್ನಾಟಕದ ಚುಟುಕು ಸಾಹಿತ್ಯ ಪರಿಷತ್ ಅಧ್ಯಕ್ಷೆರಾದ್ ಉಜಿರೆದ ರವೀಂದ್ರ ಶೆಟ್ಟಿ ಬಳಂಜ ಆಯ್ಕೆ ಆತೆರ್.

ಮೇರ್ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್, ಬೊಲ್ತೇರ್ ತಾಲೂಕ್ ಘಟಕದ ಅಧ್ಯಕ್ಷೆರಾದ್ 2022 ಮಾರ್ಚ್ ಡ್ 3 ನೇ ರಾಜ್ಯ ಮಟ್ಟದ ಅಧಿವೇಶನನ್ ಉಜಿರೆಡ್ ಯಶಸ್ವಿಯಾದ್ ನಡಪಾಯೆರ್. ಮೇರ್ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರಾದ್, ಬೊಲ್ತೇರ್ ಮಂಜುಶ್ರೀ ಜೇಸಿ ಅಧ್ಯಕ್ಷೆರಾದ್, ಬೊಕ್ಕ ವಲಯಾಧಿಕಾರಿಯಾದ್, ಬೊಲ್ತೇರ್ ಲಯನ್ಸ್ ಕ್ಲಬ್ ಅಧ್ಯಕ್ಷೆರಾದ್, ಬಳಂಜ ಶ್ರೀ ಉಮಾಮಹೇಶ್ವರ ಯುವಕ ಮಂಡಲದ ಮಾಜಿ ಅಧ್ಯಕ್ಷೆರಾದ್, ಉಜಿರೆದ ಸಾರ್ವಜನಿಕ ಶ್ರೀ ಶಾರದೋತ್ಸವ ಸಮಿತಿ ಬೊಕ್ಕ ಶ್ರೀ ಗಣೇಶೋತ್ಸವ ಸಮಿತಿ ಬೊಕ್ಕ ಬೇತೆ ಬೇತೆ ಸಂಘಟನೆಡ್ ಎಪಲ ಬೇಲೆ ಮಲ್ತೊಂದು ಇತ್ತಿನ ಮೇರ್ ಇತ್ತೆ ಟೀಚರ್ಸ್ ಕೋ-ಆಪರೇಟಿವ್ ಬ್ಯಾಂಕ್ ದ ಬೊಲ್ತೇರ್ ಶಾಖಾಧಿಕಾರಿಯಾದ್ ಬೇಲೆ ಮಲ್ತೊಂದು ಉಲ್ಲೆರ್.

ಚುಟುಕು ಸಾಹಿತ್ಯ ಪರಿಷತ್ ಕರಾವಳಿ ಕರ್ನಾಟಕದ ಅಧ್ಯಕ್ಷೆರಾದ್ ಮೇರ್ ಜಿಲ್ಲೆಡ್ ಜವನೆರೆಗ್ ಬೊಕ್ಕ ಶಾಲಾ ಕಾಲೇಜ್ ಕಲ್ಪಾರ್ಥಿಲೆನ್ ಚುಟುಕು ಸಾಹಿತ್ಯದ ಬಗ್ಗೆ ಆಸಕ್ತಿ ಪುಟ್ಟಾವು ನ ಲೇಸ್ ಬೊಕ್ಕ ಬೇತೆ ಬೇತೆ ಯೋಜನೆನ್ ಮಲ್ದೆರ್. ಬೊಕ್ಕ ನೆಕ್ಕ್ ಮಾತೆರ್ನಲ ಸಹಕಾರನ್ ನಿರೀಕ್ಷೆ ಮಲ್ದೆರ್.