ಬೆಂಗ್ಲೂರ್: ವೋಟುಗು ದುಂಬು ಕಾಂಗ್ರೆಸ್ ಘೋಷಣೆ ಮಲ್ತಿನ 5 ಗ್ಯಾರಂಟಿಲೆಡ್ ಒಂಜಾಯಿನ ಗೃಹಜ್ಯೋತಿ ಯೋಜನೆ ನೋಂದಣಿ ಕಾರ್ಯ ಜೂನ್ 18 ಕ್ಕ್ ಸುರು ಆತ್ಂಡ್.
ಸುರುತ್ತ ದಿನ 96,305 ಜನ ಗ್ರಾಹಕೆರ್ ಅರ್ಜಿ ಸಂದಾಂಡ, ರಡ್ಡನೇ ದಿನ 3,34,845 ಕ್ಕ್ ಎಚ್ಚಾತ್ಂಡ್. ಮೂಜಿನೇ ದಿನಲ ಈ ಯೋಜನೆಗ್ ಭಾರೀ ಪ್ರತಿಕ್ರಿಯೆ ತಿಕ್ ದ್ಂಡ್.
ಜೂನ್ 20 ರ್ದ್ ಕರ್ನಾಟಕಡ್ ಒಟ್ಟು 8,16,631 ಗ್ರಾಹಕೆರ್ ಗೃಹ ಜ್ಯೋತಿ ಯೋಜನೆಗ್ ನೋಂದಣಿ ಮಲ್ದೆರ್. ಗೃಹ ಜ್ಯೋತಿ ಯೋಜನೆಡ್ 200 ಯೂನಿಟ್ ಮುಟ್ಟ ಧರ್ಮೊಗು ಕರೆಂಟ್ ಪಡೆವೊಲಿ.
ಕರ್ನಾಟಕ ಇಡೀ ಜೂನ್ 18 ರ್ದ್ ಕರ್ನಾಟಕ ಒನ್, ಗ್ರಾಮ ಒನ್ ಬೊಕ್ಕ ಬೆಂಗ್ಲೂರ್ ಒನ್ ಕೇಂದ್ರಡ್ ನೋಂದಣಿ ನಡತೊಂದು ಉಂಡು ಪಂದ್ ಅಧಿಕಾರಿಯೊರಿ ತೆರಿಪಾದೆರ್.
pallavi shetty