ಇಲ್ಲದ ಬಾಕಿಲ್ ಹಾಕ್ದ್ ಬಂಗಾರ್, ಬೊಲ್ಲಿ ಬೊಕ್ಕ ಕಾಸ್ನ್ ಕಂಡ್ದಿನ ಕಲ್ವೆರೆನ್ ಕುಡ್ಲ ಸಿಸಿಬಿ ಪೊಲೀಸೆರ್ ನಾಡ್ ಪತ್ತ್ದ್ 1 ಕೆ.ಜಿ ಬಂಗಾರ್ನ್ ವಶಕ್ಕ್ ಪಡೆಯೊನಿನ ಘಟನೆ ಮುಲ್ಕಿ ಪೊಲೀಸ್ ಠಾಣಾ ವ್ಯಾಪ್ತಿಡ್ ನಡತ್ಂಡ್.
ಗಣೇಶ್ ನಾಯ್ಕ್ (26) ಬೊಕ್ಕ ರಂಜಿತ್ ಕೆ.ಆರ್ (26) ಅರೆಸ್ಟ್ ಆಯಿನ ಆರೋಪಿಲು. ಜನವರಿ ೧೫ ಕ್ಕ್ ಕಾಂಡೆ ಕುಡ್ಲ ತಾಲೂಕ್ದ ತಾಳಿಪ್ಪಾಡಿ ಗ್ರಾಮದ ಗುತ್ತಕಾಡು ಪನ್ಪಿನಲ್ಪ ಐಕಳ ಹರೀಶ್ ಮೆರೆನ ಚಂದ್ರಿಕಾ ಪನ್ಪಿನ ಇಲ್ಲದ ಎದುರುದ ಬಾಕಿಲ್ದ ಲಾಕ್ನ್ ಏರಾ ಕಲ್ವೆರ್ ಪೊಲ್ಲಿದ್ ಬಂಗಾರ್ ಬೊಕ್ಕ ಬೊಲ್ಲಿ, ಕಾಸ್ನ್ ಕಂಡ್ದಿತ್ತೆರ್. ಒಟ್ಟು 55 ಲಕ್ಷ ಬಿಲೆತ್ತ ಸ್ವತ್ತೊಲೆನ್ ಕಲ್ವೆರ್ ಕಂಡ್ದಿತ್ತೆರ್.
ಈ ಬಗೆಟ್ ಮುಲ್ಕಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್. ಈ ಕಲ್ವೆರ್ ಇತ್ತೆ ಕುಡ್ಲ ಸಿಸಿಬಿ ಪೊಲೀಸೆರ್ ಕೈಕ್ ತಿಕ್ಕ್ದ್ ಬೂರ್ದೆರ್.
pallavi shetty