ಓಡಿಪು, ಮಾರ್ಚ್ 13: ತುಳುಕೂಟ ಉಡುಪಿ ಸಂಸ್ಥೆರ್ದ್ ಪೆರಿಯ ನಾಟಕಕಾರ, ಸ್ವಾತಂತ್ರ್ಯ ಹೋರಾಟಗಾರೆ ಕೆಮ್ತೂರು ದೊಡ್ಡಣ್ಣಶೆಟ್ಟಿ ಸ್ಮರಣಾರ್ಥ ಮಾರ್ಚ್ 14 ತಾರೀಖ್ ಗ್ ತುಳು ನಾಟಕ ಪ್ರದರ್ಶನ, ಚರ್ಚಾಗೋಷ್ಠಿ, ಭಾವಗೀತೆ ಪಂತೋ ನಡಪರೆ ಉಂಡು ಪಂದ್ ತುಳುಕೂಟದ ಗುರ್ಕಾರ್ಲಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ತೆರಿಪಾಯೆರ್ .
ಗುರುವಾರ ಸುದ್ದಿಗೋಷ್ಠಿಡ್ ಪಾತೆರ್ದ್ 14 ತಾರೀಖ್ ಗ್ ಕಾಂಡೆ 9 ಗಂಟೆಗ್ ಎಂಜಿಎಂ ಕಾಲೇಜ್ ದ ಗೀತಾಂಜಲಿ ಸಭಾಂಗಣಡ್ ನಿಟ್ಟೂರು ಸಂಜೀವ ಭಂಡಾರಿ ಸ್ಮರಣಾರ್ಥ ತುಳು ಭಾವಗೀತೆ ಸ್ಪರ್ಧೆ ಪಂಥ , ಕಾಪು ತಾಲ್ಲೂಕು ಕಸಾಪ ಗುರ್ಕಾರ್ಲಾಯಿನ ಪುಂಡಲೀಕ ಮರಾಠೆ ಉದಿಪನ ಮಲ್ಪರೆ ಉಲ್ಲೆರ್ . ತುಳುಕೂಟದ ಸದಸ್ಯ ಪ್ರಕಾಶ್ ಸುವರ್ಣ ಕಟಪಾಡಿ ಮೆರ್ನ ತುಳು ಭಕ್ತಿ ಗೀತೆ ಬೊಕ್ಕ ಭಾವಗೀತೆ ‘ಬೊಲ್ಪು’ ಕೃತಿನ್ ಶಿರ್ವ ವಿದ್ಯಾವರ್ಧಕ ಸಂಘದ ಆಡಳಿತಾಧಿಕಾರಿ ಪ್ರೊ.ವೈ.ಭಾಸ್ಕರ್‌ಶೆಟ್ಟಿ ಬುಡುಗಡೆ ಮಲ್ಪರೆ ಉಲ್ಲೆರ್ ಪಂದ್ ಪಂಡೆರ್.
Editorial