ಕಿನ್ನಿಗೋಳಿ: ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಶಿಕ್ಷಣ ಸಂಸ್ಥೆಲೆನ ಒಟ್ಟುಸೇರಿಗೆಡ್ ಸುರುವಾತಿನ ಭ್ರಮರ ಇಂಚರ ನುಡಿಪರ್ಬದ ರಡ್ಡನೇ ದಿನವಾಯಿನ ಸನಿಯಾರ ತುಳು ಉಚ್ಚಯೊ ನಡತ್ಂಡ್.
ಕಟೀಲು ಪದವಿಪೂರ್ವ ಕಾಲೇಜಿದ ಶ್ರೀ ವಿದ್ಯಾ ಸಭಾಭವನಡ್ ನಡತಿನ ತುಳು ಉಚ್ಚಯೊನು ಪುಗರ್ತೆದ ರಂಗನಟೆ, ನಿರ್ದೇಶಕೆರ್ ಡಾ.ದೇವದಾಸ್ ಕಾಪಿಕಾಡ್ ಉದಿಪನ ಮಲ್ತ್ ದ್ ಪಾತೆರಿಯೆರ್. ದೇವಲ್ಯದ ಅನುವಂಶಿಕ ಅರ್ಚಕೆರ್ ವೆಂಕಟರಮಣ ಆಸ್ರಣ್ಣ ಮೇರ್ ಆಶೀರ್ವಚನ ಕೊರಿಯೆರ್. ತುಳು ಬೊಕ್ಕ ಕನ್ನಡ ಜಾನಪದ ವಿದ್ವಾಂಸೆರ್ ಡಾ.ಗಣೇಶ್ ಅಮೀನ್ ಸಂಕಮಾರ್ ,ಸಮ್ಮೇಳನಾಧ್ಯಕ್ಷೆರ್ ಪಾದೇಕಲ್ಲು ವಿಷ್ಣುಭಟ್,ಕಟೀಲ್ ದೇವಲ್ಯದ ಅನುವಂಶಿಕ ಅರ್ಚಕ ಕಮಲಾದೇವಿ ಪ್ರಸಾದ ಆಸ್ರಣ್ಣ, ಡಾ.ಶಶಿಕುಮಾರ್, ಜ್ಯೋತಿ ಶುಭಾನಂದ ರಾವ್ ,ರತ್ನಾಕರ ಶೆಟ್ಟಿ ಎಕ್ಕಾರು ಲೇಸ್ ಡ್ ಪಾಲ್ ಪಡೆದಿತ್ತೆರ್. ಆಶಾಲತಾ ಲೇಸ್ ಸುಧಾರಿಕೆ ನಡತ್ಂಡ್.
ಅಯಿರ್ದ್ ಬೊಕ್ಕ ತುಳು ಜಾನಪದ ನಲಿಕೆ, ತುಳುನಾಡ ದೇವಲ್ಯ, ಕಿರಿತೆರೆ ಸಾಹಿತ್ಯ, ತುಳುನಾಡ ಗೊಬ್ಬುಲು ಇಂಚಿನ ವಿಚಾರೊಡು ತುಲಿಪು ಕಜ್ಜೊ ನಡತ್ಂಡ್.
pallavi shetty